Iivesi zeBhayibhile malunga nobabalo

«»

• Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.
  KUMAHEBHERE 4:16umthandazoinceba
• Wanga angakuthi jize ngamathamsanqa uNdikhoyo,
  akulondoloze.
  Wanga angayindlezane kuwe uNdikhoyo,
  usixhamle isisa sakhe.
  Wanga angakwazelelela uNdikhoyo,
  akwambathise uxolo.
  EYASENTLANGO 6:24-26intsikelelouxoloukukhanya
• Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.
  KWABASE-EFESE 2:4-5incebauthandoUYesu
• Kodwa ke, emva kwezo mbandezelo zomzuzwana, uThixo umthombo wesisa owanibizayo ngokumanywa kwenu noKrestu, khon' ukuze nibe nenxaxheba kubuqaqawuli bakhe obungapheliyo, uya kunihlaziya anomeleze, anixhobise, nime ngxishi.
  1 KAPETROS 5:10ubomi obungunaphakadeukubandezelekaizithembiso
• UNdikhoyo unenceba nesisa;
  uqumba kade, yimvuze-mvuze enobubele.
  INdumiso 103:8uthandoumonde
• Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.
  KUTITO 2:11-12ubulungisausindisoumhlaba
• Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.
  2 KUTIMOTI 1:9ubungcweleusindisoubizo
• Ke kaloku nakhululwa ngesisa sikaThixo ngokholo; anikhululwanga ngemizamo yenu. Ewe, kungenxa yesisa sikaThixo. Ngoko ke akukho nto ubani angaziqhayisa ngayo, kungekho migudu yakhe nje.
  KWABASE-EFESE 2:8-9ukholousindiso
• Isono masinganilawuli, kuba anikho phantsi komthetho, niphantsi kobabalo lwesisa sikaThixo.
  KWABASEROMA 6:14isonoumthetho
• Kambe ke uNdikhoyo usanilindele,
  usazungula ukunibabala ngesisa.
  Kaloku yena nguThixo ongajika-jikiyo;
  hayi ithamsanqa labo bakholosa ngaye!
  UISAYA 30:18ubulungisaumondeuvelwano
• Ubabalo lweNkosi uYesu maluhlale kuni nonke.
  ISITYHILELO 22:21UYesuintsikelelo
• Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.
  KWABASEROMA 3:23-24isonoUMsindisiukuvuma izono
• Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.
  2 KWABASEKORINTE 12:9amandlaubuthathakaUYesu
• Kaloku xa nibaxolela abantu izigqitho zabo, uYihlo osezulwini wonixolela nani.
  UMATEWU 6:14isonouxoleloinceba
• Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!
  KWABASEROMA 6:15isonoumthethoinkululeko
• Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.
  2 YEZIGANEKO 30:9binguqukouguqulouxolelo
• Nkosi, Thixo, sithamsanqelise!
  Siphumelelise kuyo yonke imizamo yethu;
  ewe, yiphumelelise yonke imizamo yethu.
  INdumiso 90:17ukhuthazoumsebenziinceba
• Ngoko ke ndiya kulandelwa kokulungileyo nabububele,
  umzi wakho ube likhaya lam yonke imihla yobomi bam.
  INdumiso 23:6ubomiukusondelainceba
• Ubabalo lweNkosi uYesu Krestu maluhlale nani nonke.
  KUFILMON 1:25UYesuintsikelelo
• Ngako ke finyezani umbhinqo, nibaze iingqondo, ningathembi nanye into ngaphandle kwesisa seentsikelelo eziza kuza noYesu ukufika kwakhe.
  1 KAPETROS 1:13UYesuUmoyaiingcamango
• Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.
  UYOHANE 3:16ubomi obungunaphakadeukholoumhlaba
• Kodwa isono sika-Adam asinakulinganiswa nesisa sikaThixo. Kaloku naxa kwafa abantu abaninzi nje ngenxa yesono salowo mnye unguAdam, lona ubabalo lukaThixo esalufumana ngaloo mntu mnye unguKrestu, lwaphuphumela kubantu abaninzi ngakumbi.
  KWABASEROMA 5:15isonoUYesuisohlwayo
• Ewe, kholosani ngesisa seNkosi, nikhule nakuko ukwazana neNkosi noMsindisi wethu uYesu Krestu. Bobakhe ubungangamsha ngoku nangonaphakade! Amen.
  2 KAPETROS 3:18unquloukuqonda
• Njengokuba ke isono salawula ngokufa, ngokunjalo nobabalo lulawula ngokwenziwa kwethu amalungisa nguThixo. Lonu lusikhokelela ebomini obungonaphakade ngenxa kaYesu Krestu iNkosi yethu.
  KWABASEROMA 5:21isonoubomi obungunaphakade
• Kodwa kum ukuphila akubalulekanga ngaphezu kokuba ndilufeze ubizo lwam, ndiwugqibe umsebenzi endawunikwa yiNkosi wokuvakalisa iindaba ezimnandi zesisa sikaThixo.
  UMSEBENZI WABATHUNYWA 20:24ukuvangelaubomiumsebenzi