Iivesi zeBhayibhile malunga nothando

«»

• Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.
  1 KWABASEKORINTE 13:4-5umondeumsindoukuzingca
• Wonke umsebenzi wenzeni ngothando.
  1 KWABASEKORINTE 16:14umsebenzi
• Ububele bakho mandibuve kwakusasa;
  kaloku mna ndikholosa ngawe.
  Ndifundise indlela endifaneleyo;
  kaloku mna ndizibika kuwe.
  INdumiso 143:8thembelaukucwangcisa
• Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.
  KWABASEKOLOSE 3:14uluntungokungenatyala
• Ungaze wahlukane nentembeko nokunyaniseka.
  Maxa onke ezi zinto mazibe sisivatho entanyeni yakho.
  Ewe, zikrole elucwecweni lwentliziyo yakho.
  Ukuba uyayenza ke loo nto uya kuhlala wamkelekile,
  ube negama elihle kuThixo nasebantwini.
  IZAFOBE 3:3-4ibuyiselointliziyoixabisekile
• Ngoko ke nathi ngokwethu siyalwazi, saye sikholosa ngalo uthando aluthululele kuthi uThixo.
  UThixo uluthando, yaye nabani na ohlala eluthandweni uhlala emanyene noThixo, noThixo uhlala emanyene naye.
  1 KAYOHANE 4:16thembelauThixo
• Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.
  1 KWABASEKORINTE 13:13ukholoithemba
• Sinalo ke uthando kuba thina sathandwa nguThixo kuqala.
  1 KAYOHANE 4:19uThixo
• Nihlale nithobekile ngawo onke amaxesha, ninobulali nomonde, ninyamezelana ngothando.
  KWABASE-EFESE 4:2ukuthobekaumonde
• Ngaphezu koko ke hlalani nithandana, kuba kaloku uthando luyazingcwaba izono.
  1 KAPETROS 4:8isonoummelwane
• Uthando malungabi naluhanahaniso. Yithiyeni inkohlakalo; bambelelani kokulungileyo.
  KWABASEROMA 12:9ububiukulunga
• Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.
  KWABASE-EFESE 3:16-17ukholoUmoya
• Umyalelo endiniyala ngawo ngowokuba nithandane njengoko mna ndanithandayo.
  UYOHANE 15:12umthethoUYesu
• Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!
  1 KWABASEKORINTE 13:2ukholoisiprofeto
• Ngamana yanithundeza iNkosi, nimthande uThixo, nibe nenyameko efuze ekaKrestu.
  2 KWABASETESALONIKA 3:5inguquukulandelauthembekile
• Waphendula ke esithi:
  “Ngaba umfazi angalulibala na usana lwakhe,
  ade angavakalelwa ngowakhe umntwana?
  Noba ke yena angade amlibale,
  okokwam ke mna soze ndikufulathele,
  kuba igama lakho ndilivambile,
  ndilithe tyaba esandleni sam;
  iindonga zakho zihlala zisemehlweni am.”
  UISAYA 49:15-16usaphoabantwanauvelwano
• Thandanani ngokwabazalanayo. Shiyiselanani ngokwenzelana imbeko.
  KWABASEROMA 12:10ummelwane
• Nina madoda, bathandeni abafazi benu, kanye ngale ndlela alithande ngayo uKrestu ibandla, waza wanikela ngobomi bakhe ngenxa yalo. Le nto uyenze ukuze libe libango lakhe ibandla. Ulicocile walihlamba ngamanzi ngamandla elizwi lakhe.
  KWABASE-EFESE 5:25-26ukusulungekiswaubudlelwaneumtshato
• Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.
  1 KAYOHANE 4:12uThixoummelwane
• Umntu othi uyamthanda uThixo kodwa abe emthiyile uwabo, ulixoki. Kaloku ukuba akamthandi uwabo lo ambonayo, akanako ukumthanda uThixo angamboniyo.
  1 KAYOHANE 4:20uThixousapho
• Mayibe ndim kuphela osentliziywemi yakho oku komsesane wokutywina;
  ewe, mandibe ngumsesane wokutywina engalweni yakho.
  Lent' uthando lunamandla nqwa nokufa;
  ikhwele lalo aliqheliseli oku kwengcwaba.
  Ludangazela ngathi lidangatye,
  luvuthe ngathi ngumlilokazi.
  UNCUTHU LWENGOMA 8:6intliziyoukufa
• Olona thando lukhulu umntu anokuzithanda ngalo izihlobo zakhe kukuba ubomi bakhe abuncamele zona.
  UYOHANE 15:13umbingeleloubuhlobo
• Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.
  1 KAYOHANE 4:18uloyikoisohlwayo
• Kum uxabisekile ke kambe;
  yeka elo wonga, andikuthandi ngako!
  Ndincam' izizwe ngenxa yakho;
  ndinikezel' iintlanga, ndizuze wena.
  UISAYA 43:4usindisoukhuthazoixabisekile
• Kodwa ke kunjengoko zitshoyo iziBhalo ukuthi:
  “Izinto ezingabonwanga liso, nezingaviwanga ndlebe,
  nezingathanga qatha ntliziyweni yamntu,
  zezi kanye uThixo wazilungiselela abo bamthandayo.”
  1 KWABASEKORINTE 2:9ibuyiselo