Iivesi zeBhayibhile malunga nethemba

«»

• “Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.
  UJEREMIYA 29:11 ukucwangcisa intsikelelo izithembiso
• Hee! Ngani ukuba ndidakumbe kangaka?
  Ngani ukuba ndikhathazeke kangaka?
  Hayi bo! Mandikholose ngoThixo,
  khon' ukuze ndibuyele ekumdumiseni uMsindisi noThixo wam.
  INdumiso 42:11 unqulo umphefumlo dumisani
• Kambe ke bona abakholosa ngoNdikhoyo
  bosuka bahlaziyeke bomelele.
  Bosuka bantinge baxel' ukhozi;
  noba sebebaleka, soze badinwe;
  ewe, baya kuhamba bangaze batyhafe.
  UISAYA 40:31 ukhuthazo amandla izithembiso
• NguNdikhoyo ixhadi lakho lakubhek' umoya;
  ewe, uya kukwalusa ungachukunyiswa nto.
  Ngenene, uNdikhoyo uya kukwalusa,
  xa uhambayo naxa ubuyayo,
  kuqalela ngoku kude kube nini-nini.
  INdumiso 121:7-8 ubomi ububi
• Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.
  KWABASEROMA 15:13 ukholo Umoya uMoya oyiNgcwele
• Yizani kum, nina nonke nisindwayo, nibulalekayo; ndoniphumza.
  UMATEWU 11:28 ukhuthazo phumla ubuthathaka
• Ngaphezu koko, siqhayisa nangeembandezelo ezi, sisazi nje ukuba iimbandezelo zisiqhelisa ukunyamezela. Ke ukunyamezela kubonisa ukuba sicikidekile. Ukucikideka ke kudala ithemba.
  KWABASEROMA 5:3-4 ukubandezeleka uvuyo
• Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.
  KUMAHEBHERE 11:1 ukholo inyaniso
• Ngalinye ke, zintathu izinto eziya kuhlala zihleli: lukholo, nethemba, nothando. Engaphezu kwazo zonke ke luthando.
  1 KWABASEKORINTE 13:13 ukholo uthando
• Wena ulikhaka nekhusi lam;
  ndiqamele ngelizwi lakho.
  INdumiso 119:114 ILizwi likaThixo ukukhuselwa
• Masithi nca kwisivumo seli themba sinalo; kaloku unyanisekile lowo usithembisileyo.
  KUMAHEBHERE 10:23 ukuthembeka ukuvuma izithembiso
• Qinani nibe nesibindi, nonke nina nithembele ngoNdikhoyo.
  INdumiso 31:24 ukhuthazo intliziyo isibindi
• Kambe ke mna ndijonge kuNdikhoyo;
  ewe, ndikholosa ngoThixo olusindiso lwam.
  UThixo wam yena uya kundiva.
  UMIKA 7:7 usindiso ukuphulaphula
• Kodwa ke into esingayiboniyo, esithembe ukuyifumana, siyilindela ngomonde.
  KWABASEROMA 8:25 thembela umonde
• Umnqweno ongafezekiyo uyamngcungcuthekisa umntu;
  kanti ke wakufezeka umnqweno ufana nomthi onika ubomi.
  IZAFOBE 13:12 ubomi intliziyo ukugula
• Umoya wam uthi: “Isabelo sam nguNdikhoyo;
  ngako oko ndiya kukholosa ngaye.”
  IZILILO 3:24 ukuthanda izinto eziphathekayo ukuvuma
• Ndikhokelele enyanisweni yakho, undifundise.
  Kaloku nguwe, Thixo, umkhululi wam;
  ndihleli ndikulindele imini yonke.
  INdumiso 25:5 inyaniso ukufunda usindiso
• Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.
  KWABASEROMA 5:5 intliziyo Umoya uthando
• Ndikhoyo, senzele ububele nenceba,
  njengoko kaloku sithembele kuwe.
  INdumiso 33:22 thembela ukuthembeka
• Ndithembele ngokupheleleyo kuNdikhoyo;
  ewe, ndikholosa ngelizwi lakhe.
  INdumiso 130:5 ILizwi likaThixo umphefumlo
• Makabongwe uThixo noYise weNkosi yethu uYesu Krestu, othe ngenceba wasinika ubomi obutsha ngokuvusa uYesu Krestu ekufeni!
  1 KAPETROS 1:3 uvuko ukuzalwa ngokutsha ipasika
• Ke mna ndonganyelwe nguMoya woMhlekazi uNdikhoyo,
  kuba kaloku uNdikhoyo undithambisile.
  Undithume ukubhengeza iindaba ezimnandi kumahlwempu,
  ndibophe abantliziyo zingamahlwili,
  ndibhengeze ukukhululeka kwabathinjwa,
  ndazise inkululeko kumabanjwa.
  UISAYA 61:1 Umoya umhlawuleli inkululeko
• Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.
  1 KAPETROS 3:15 ukuvangela UYesu
• Yinjongo yakhe uThixo ukuyazisa kubantu bakhe le mfihlelo ixabiseke kunene, iqaqambileyo, ayilungiselele uluntu luphela. Yiyo le ke loo mfihlelo: uKrestu ungaphakathi kuni, ulithemba lewonga eniya kulifumana kuThixo.
  KWABASEKOLOSE 1:27 ukuvangela UYesu
• Mnye umzimba kaloku, ukwamnye uMoya, kwanjengokuba lilinye nethemba enabizelwa kulo nguThixo.
  KWABASE-EFESE 4:4 Umoya ubizo umzimba