Iivesi zeBhayibhile malunga nombulelo

«»

• Vuyani maxa onke, nithandaze njalo-njalo. Nakuyiphi na imeko bulelani. UThixo uthanda ukuba nenjenjalo njengokuba nimanywe noKrestu Yesu nje.
  1 KWABASETESALONIKA 5:16-18uvuyoumthandazo
• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7umthandazoukukhathazekauloyiko
• Makubulelwe ke kuThixo osinika uloyiso ngayo iNkosi yethu uYesu Krestu!
  1 KWABASEKORINTE 15:57UYesuukoyisa
• Bambani ngazibini, kuba ulungile uNdikhoyo.
  Kaloku izibele zakhe ziya kuhlala zikho ngonaphakade.
  1 YEZIGANEKO 16:34ukuthembekaunqulouthembekile
• Kufanelekile ukuba simbulele uThixo ngawo onke amaxesha ngenxa yenu, mawethu. Ewe, kulunge kanye ukuba simbulele ngenxa yokuba ukholo lwenu luya lusanda ngokwanda. Yaye nokuthandana kwenu kuya kukhula ngakumbi nangakumbi.
  2 KWABASETESALONIKA 1:3ukholouthando
• Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.
  KWABASEROMA 11:36indalounqulo
• Mandikubonge ngomxhelo wam wonke, Ndikhoyo,
  ndibalise ngayo yonke imimangaliso oyenzileyo.
  INdumiso 9:1unquloimimangalisointliziyo
• Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.
  KWABASEKOLOSE 3:17ukuthethaukulandelaumsebenzi
• Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.
  KWABASEKOLOSE 3:15UYesuuxoloumzimba
• Zingisani ukuthandaza, niphaphile, ninombulelo kuThixo.
  KWABASEKOLOSE 4:2umthandazo
• Nohlala nanele ukuze nikwazi ukusoloko ninezinwe, khon' ukuze uThixo abulelwe ngabantu abaninzi ngenxa yezipho zenu abazifumana kuthi.
  2 KWABASEKORINTE 9:11isisaintsikeleloukupha
• Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
  “Kulowo uhleli esihlalweni sokulawula, nakulo iXhwane,
  mayibekho indumiso nesithozela, ubungangamsha namandla,
  ngonaphakade kanaphakade!”
  ISITYHILELO 5:13indalounqulodumisani
• Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
  KWABASEKOLOSE 3:16ILizwi likaThixoukufundaunqulo
• Ke mna ndonikela kuwe ngedini,
  ndihlabele iculo lokukudumisa.
  Ndosifezekisa isibhambathiso sam.
  Usindiso lukuNdikhoyo.
  UJONA 2:9usindisoumbingeleloukuthobela
• Wathatha isonka ke, wabulela, wasiqhekeza, wabanika esithi: “Ngumzimba wam lo onikelwa ngenxa yenu. Oku kwenzeleni ukundikhumbula.”
  ULUKA 22:19isonkaumzimbaUYesu