Iivesi zeBhayibhile malunga nendalo

«»

• Ekuqaleni uThixo wadala izulu nomhlaba. Kwakuselubala nje emhlabeni, kungekho nto ikhoyo. Inzonzobila yamanzi eyayigubungele konke yayithiwe gqume sisithokothoko sobumnyama. UMoya kaThixo wafukama phezu kwaloo manzi.
  EYEZIQALO 1:1-2UmoyaizuluuMoya oyiNgcwele
• Andithi na kaloku ndadalwa nguwe;
  nditsho mna kanye lo!
  Ewe, wandixonxa wandilunga-lungisa kwandisekumama.
  Ndikubonga ndikubulela ngenxa yomntu endinguye,
  ngenxa yokumangalisa nokukhwankqisa kwento endiyiyo.
  Ewe, iyakhamnqisa kambe imisebenzi yakho.
  Leyo ke into ndiyiqonde pheleleyo.
  INdumiso 139:13-14imimangalisoumphefumloubuhle
• Indlu nganye inomakhi wayo, kodwa ke nguThixo umseki wazo zonke izinto.
  KUMAHEBHERE 3:4uThixo
• Kaloku imo engabonwayo kaThixo – ndithetha amandla akhe angapheliyo kwanobuThixo bakhe – ibonakala kakuhle kwasekudalweni kwehlabathi. Kaloku iqondakala ngezinto azenzileyo uThixo. Ngenxa yoko abantu abanasiphephelo mpela.
  KWABASEROMA 1:20amandlaingqondoumhlaba
• Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!
  UJEREMIYA 32:17amandlaizuluusomandla
• Wawuthamsanqelisa umhla wesixhenxe, wawumisa wangumhla okhethekileyo, kuba ngaloo mhla wayeselegqibile ukudala.
  EYEZIQALO 2:3intsikeleloisabatha
• Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.
  KWABASEROMA 11:36unquloumbulelo
• Amehlo am ndiwajongis' enkalweni;
  yaz'ba lovela ngaphi na uncedo lwam?
  Umncedi wam nguNdikhoyo,
  yena ungumenzi wamazulu nehlabathi.
  INdumiso 121:1-2ukhuthazoukuxhomekeka
• Singumsebenzi wezandla zikaThixo ke thina. Kaloku simanywe noYesu Krestu nje, uThixo wasidalela ukuba sizinikele ekwenzeni imisebenzi emihle awasimisela yona kwangaphambili.
  KWABASE-EFESE 2:10UYesuukulandelaubuhle
• Wamdala ke uThixo umntu. Wamenza wangumfuziselo wakhe. Wadala umntu oyindoda kwakunye nomntu obhinqileyo.
  EYEZIQALO 1:27uThixoubuhle
• Kanti ngaba awazi na?
  Ngaba zange uve na?
  UNdikhoyo nguThixo onguSonini-nanini;
  yena ngumdali wehlabathi jikelele.
  Yena soze adinwe atyhafe,
  nengqiqo yakhe ayiphengululeki.
  UISAYA 40:28ubulumkoukuqonda
• Wathetha nje ngelizwi, akho amazulu,
  wadala ilanga, inyanga, noozinkwenkwezi.
  INdumiso 33:6ukuthethaizulu
• Zingekadalwa iintaba, ungekalenzi ilizwe nehlabathi,
  ubusel' ukade unguThixo wena kwanini-nini.
  INdumiso 90:2uThixoukuqonda
• Into yonke uyimisele ixesha layo. Umntu yena umnike ulangazelelo lokuqonda nangamaxesha angamiselwanga. Kodwa ke umntu akafikeleli ekuyazini into eyenziwa nguThixo ukususela ekuqaleni kuye esiphelweni.
  AMAVA ENGQONDI 3:11ukuqondaubomiukuxhomekeka
• Kuba indalo iphela ilangazelela ukuba uThixo ade abaveze oonyana bakhe.
  KWABASEROMA 8:19UTataabantwana
• Waza ke uThixo wathi: “Masenze umntu abe ngumfuziselo wethu, afane nathi. Makabe negunya, alawule iintlanzi elwandle, iintaka ezibhabha esibhakabhakeni, iinkomo, nazo zonke izilo nezinambuzane elizweni.”
  EYEZIQALO 1:26uThixoubomi
• Namhla kunamhla, yimini kaNdikhoyo;
  masizonwabise sibe nemihlali ngayo.
  INdumiso 118:24uvuyoubomi
• Ulobhotwe lakhe lakhiw' ezulwini,
  amis' uphahla lwesibhakabhaka phezu komhlaba;
  ulobiz' amanz' olwandle awagalele phezu komhlaba –
  nguNdikhoyo igama lakhe.
  UAMOS 9:6uThixoizulu
• Uncedo lwethu luvela kuNdikhoyo
  ongumdali wamazulu nehlabathi.
  INdumiso 124:8uThixoizulu
• Akuba umntu emanywe noKrestu uba yindalo entsha – isimo esidala yinto yezolo, sekuqaleke isimo esitsha.
  2 KWABASEKORINTE 5:17UYesuukuzalwa ngokutsha
• Ke kaloku ndaziva izidalwa nayo yonke indalo, ezulwini nasemhlabeni, phantsi komhlaba naselwandle, zidanduluka zisithi:
  “Kulowo uhleli esihlalweni sokulawula, nakulo iXhwane,
  mayibekho indumiso nesithozela, ubungangamsha namandla,
  ngonaphakade kanaphakade!”
  ISITYHILELO 5:13unquloumbulelodumisani
• Kuba kungaye sikho nje, sisuka-suka, siphilile. Kunjengoko zitshoyo ezinye zeembongi zenu ukuthi: ‘Nathi siyinzala yakhe.’
  UMSEBENZI WABATHUNYWA 17:28ubomi
• Mawoo kulowo uphikisana noMenzi wakhe!
  Imbiza nje yomdongwe ingathini ukusuka iphikisane nombumbi wayo?
  Ungathini umdongwe ukuthi kumbumbi: “Wenza ntoni kodwa?”
  Ingakhalaza na imbiza ithi: “Uliqhithala, mbumbindini”?
  UISAYA 45:9ukuthobekaukuqonda
• Wathi akuthanda uThixo wasizala ngokutsha ngelizwi lenyaniso, saza ke saba lulibo lwayo yonke indalo yakhe.
  EKAYAKOBI 1:18inyanisoubomi
• Uthe ke uNdikhoyo uThixo emva koko: “Akukuhle ukuba le ndoda ihlale ililolo. Kuhle ndiyenzele umlingane onokuncedisana nayo.”
  EYEZIQALO 2:18umtshatoubudlelwane