Iivesi zeBhayibhile malunga nobulumko

«»

• Kaloku nguNdikhoyo onika ubulumko;
  luphuma emlonyeni wakhe ulwazi nokuqonda.
  IZAFOBE 2:6ILizwi likaThixo
• Ngoko ke yigqaleni indlela eniziphatha ngayo. Yibani ngabantu abanengqondo; musani ukuba ziziyatha. Eli thuba ninalo lisebenziseni kakuhle, kuba akho amaxesha amabi.
  KWABASE-EFESE 5:15-16ubomiingqondo
• Ke ukuba kukho bani uswele ubulumko, makabucele kuThixo. UThixo onobubele nesisa kubo bonke abantu, womnika.
  EKAYAKOBI 1:5ukwamkelaisisa
• Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.
  EKAYAKOBI 3:17ukunyanisekauxolo
• Kulungile ukuzuza ubulumko kunokufumana igolide;
  kungcono ukukhetha ulwazi kunokwamkela isiliva.
  IZAFOBE 16:16imaliukuthanda izinto eziphathekayo
• Musa ukuthi: “Bekungani ukuba imihla yamandulo ibe ngcono kunale yangoku?”
  Kaloku ayibubo ubulumko ukubuza umbuzo onjalo.
  AMAVA ENGQONDI 7:10ubomi
• Yilumkeleni indlela eniziphatha ngayo phambi kwabo bangakholwayo, nilisebenzise kakuhle ithuba eninalo. Incoko yenu mayisoloko imnandi, inika umdla. Fundani ukucebisana kakuhle nomntu ngamnye enidibana naye.
  KWABASEKOLOSE 4:5-6ubulaliukuthetha
• Ikratshi liphembelela ingxabano;
  ke bona ubulumko buzuzwa ngabo bamkela iingcebiso.
  IZAFOBE 13:10umsindo
• Ozingela ubulumko uyazithanda ngokwakhe;
  okuxabisileyo ukuqonda uzuza ukonwaba.
  IZAFOBE 19:8ubomiingqondo
• Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.
  1 KWABASEKORINTE 3:18umhlabaukuzingcaiingcamango
• Lowo uwubopha ngomkhala umlomo wakhe ukhusela ubomi bakhe;
  kanti ke yena othetha gqitha uyazenzakalisa.
  IZAFOBE 13:3ukuthethaubomi
• Ukuba bakho abantu abalumkileyo nabaqondayo phakathi kwenu, loo nto mabayibonakalise ngobomi obumsulwa, nangezenzo zentobeko nobulumko.
  EKAYAKOBI 3:13ukuthobekaubomiingqondo
• Sifundise ukuyiqingqa imihla yethu,
  ukuze sizuze ubulumko.
  INdumiso 90:12ukucwangcisaintliziyo
• Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.
  UMATEWU 7:24ILizwi likaThixoukuphulaphulaingqondo
• Ukuhlonela uNdikhoyo kufundisa ubulumko;
  indlela eya ewongeni yintobeko.
  IZAFOBE 15:33ukuthobekaukumoyika uthixo
• Umntu ozigwagwisayo uyakhawuleza ukuhlazeka;
  kambe ke kona ukuzithoba kuhamba nobulumko.
  IZAFOBE 11:2ukuthobekaikratshi
• Ozuze mna ke ubufumene ubomi;
  uxhamla ukwaneliseka kukaNdikhoyo.
  IZAFOBE 8:35ubomi obungunaphakadeuThixo
• “Kaloku ingcinga zam azifani nezenu,
  neendlela zenu azifani nezam,”
  utsho yena uNdikhoyo!
  UISAYA 55:8uThixoukucwangcisaiingcamango
• Umntu osisiyatha akanamdla wakuqonda nto –
  nto angxamele ukuyenza kukuvakalisa ezakhe iimbono.
  IZAFOBE 18:2ukuthethaukuzingca
• Ndiyamcela uThixo weNkosi yethu uYesu Krestu, uSosidima, ukuba aniphe uMoya wobulumko, anityhilele uThixo, ukuze nimazi.
  KWABASE-EFESE 1:17Umoyaukuqonda
• Ubulumko ngoyena ndoqo, bufunisise!
  Fumana ingqiqo, nokuba kudle konke onako.
  IZAFOBE 4:7ukuqonda
• Umntu onengqondo uyayiphulaphula imiyalelo;
  kambe ke sona isityhakala esilavuzayo siya kubhanga.
  IZAFOBE 10:8umthethointliziyo
• Obo bulumko ke buvela kuNdikhoyo uSomandla-onke;
  kaloku yena yintshatsheli ngamacebo,
  ngenene yena ubalasele ngobulumko.
  UISAYA 28:29uThixoukucwangcisa
• Kanti ngaba awazi na?
  Ngaba zange uve na?
  UNdikhoyo nguThixo onguSonini-nanini;
  yena ngumdali wehlabathi jikelele.
  Yena soze adinwe atyhafe,
  nengqiqo yakhe ayiphengululeki.
  UISAYA 40:28indaloukuqonda
• Wena Thixo woobawo, ndiyakudumisa,
  ndikubulela kuba wena undizimasile.
  Undithe jize ngobulumko namandla.
  Nangoku wena undityhilele,
  wawuphendula umthandazo wethu.
  Ewe, usityhilele le nto ifunwa ngukumkani.
  UDANIYELI 2:23unquloumthandazodumisani