Iivesi zeBhayibhile malunga nokunyaniseka

«»

• Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.
  1 KAYOHANE 3:18 inyaniso ukuthetha
• Ukunyaniseka kuyamalusa umntu othe ngqo,
  kodwa ke bona ubuqhokolo buyawabhangisa amaqhophololo.
  IZAFOBE 11:3 ukuthembeka
• Ukwenza ubulungisa nokuthe ngqo
  kwamkelekile kuNdikhoyo kunamadini.
  IZAFOBE 21:3 ubulungisa umbingelelo
• Xa ke sithi sinobudlelane noThixo, kodwa sibe sihleli ebumnyameni, sithetha ubuxoki, nezenzo zethu azingqinelani nenyaniso.
  1 KAYOHANE 1:6 isono inyaniso ukuxoka
• Banoyolo abo bantliziyo ihlambulukileyo, kuba baya kumbona uThixo bona!
  UMATEWU 5:8 intsikelelo intliziyo
• Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.
  KWABASEROMA 13:7 imali ukumoyika uthixo ityala
• Zama kangangoko unako ukuba ukholeke kuThixo, ube ngumntu ongenadyudyu ngomsebenzi wakhe, uyifundisa ngokufanelekileyo inyaniso.
  2 KUTIMOTI 2:15 inyaniso umsebenzi
• Umntu onobugwenxa udala ingxabano;
  umntu ohlebayo wahlukanisa izihlobo.
  IZAFOBE 16:28 ukuhleba ubuhlobo ukuxoka
• Akunani kwaintwana engephi oyizuze ngendlela elungileyo
  kunentabalala yengeniso oyifumene ngondlela-mnyama.
  IZAFOBE 16:8 ubulungisa imali ukwaneliseka
• Zola phambi koNdikhoyo, ulindele kuye,
  ungazidubi ngabantu abaphumelela ngamaqhinga.
  INdumiso 37:7 ubomi umonde
• Kodwa ke bona ubulumko obuvela phezulu bumsulwa; bunolungelelwano, nobubele, buyazelelela. Bona bunovelwano, yaye buvelisa imisebenzi emihle; abunamkhethe naluhanahaniso.
  EKAYAKOBI 3:17 uxolo ubulumko
• Musa ukwala nento elungileyo konelungelo ngayo,
  ngakumbi xa kusemandleni akho ukumnceda.
  IZAFOBE 3:27 ukupha ityala
• UNdikhoyo uyamcaphukela umntu oxokayo,
  kodwa uyakholiswa ngonyanisekileyo.
  IZAFOBE 12:22 ukuxoka ukuthetha inyaniso
• Ubutyebi obufunyenwe ngobuqhophololo abuphumelelisi,
  kodwa ke kona ukuziphatha kakuhle kuhlangula ekufeni.
  IZAFOBE 10:2 imali ubulungisa
• Ngaphezu koko ke, mawethu, musani ukufunga xa nisenza isithembiso; nditsho nangezulu, umhlaba, nangantoni na. Xa nivuma yithini: “Ewe,” nithi: “Hayi,” xa nisala, kube kuphela, ukuze ningabi sesichengeni sokugwetywa.
  EKAYAKOBI 5:12 inyaniso ukuthetha umgwebo
• Unethamsanqa umntu onika ngesisa,
  lowo ungayiqhubi ngobuqhetseba imicimbi yakhe.
  INdumiso 112:5 isisa inceba
• Akukho bani uthi, esilumekile isibane, asigqume ngesitya, okanye asifake ngaphantsi kwebhedi. Usixhoma endaweni yaso, ukuze abangenayo bakhanyiselwe.
  ULUKA 8:16 ubungcwele ukukhanya
• Makathi ntshoo phambili amehlo akho,
  neenkophe zamehlo akho zithi ngqo.
  IZAFOBE 4:25 ukuthembeka ubulungisa
• Ukuba uyandiphulaphula uya kuba nako ukubuqonda ubulungisa,
  ukwazi okufanelekileyo nokulungileyo.
  Ewe, uya kutsho uyazi yonke indlela ethe ngqo.
  IZAFOBE 2:9 ubulungisa ukulunga
• Akukho nto ifihliweyo ingayi kudizwa, nanto igqunyiweyo ingayi kwaziwa.
  ULUKA 12:2 inyaniso
• Nirhafa nje kaloku, kungenxa yokuba abasemagunyeni bangamagosa kaThixo, ngakumbi xa besenza umsebenzi wabo.
  KWABASEROMA 13:6 imali ukubawa
• UPetros wabuza wathi: “Hananiya, kutheni ukuba umyeke uSathana alawule intliziyo yakho, akwenze uxokise uMoya oyiNgcwele ngokugcina inxalenye yemali oyifumeneyo ngomhlaba wakho? Umhlaba wakho ubungowakho phambi kokuba uwuthengise, nemali yawo ibiyeyakho emveni kokuba uwuthengisile. Kungani ke ukuba ufike kwisigqibo sokwenza into enje? Awuxokisanga mntu, uxokise uThixo.”
  UMSEBENZI WABATHUNYWA 5:3-4 ukuxoka imali umtyholi
• Ngoko ke mhloneleni uNdikhoyo. Ze nigwebe ngenyameko, kuba yena uNdikhoyo uThixo wethu akayenzi into engekho mthethweni; akanagobe, yaye ke akanyobeki.
  2 YEZIGANEKO 19:7 ukumoyika uthixo ubulungisa