Iivesi zeBhayibhile malunga nemali

«»

• Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”
  KUMAHEBHERE 13:5thembelaukuthanda izinto eziphathekayoityala
• Ubutyebi obufumaneka bumini buphuncuka lula;
  obufumaneka ngendlela ecothayo buya busanda ngokwanda.
  IZAFOBE 13:11ukubawaumsebenziityala
• Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.
  1 KUTIMOTI 6:9ukubawaukuthanda izinto eziphathekayo
• Yintsikelelo kaNdikhoyo enika umntu ubutyebi;
  kambe ke yona ayihambi nazintsizi.
  IZAFOBE 10:22intsikeleloukuxhomekekaumsebenzi
• Musa ukuziqoba amandla ufunana nobutyebi,
  ungaphulukani nengqondo yakho ngenxa yabo.
  IZAFOBE 23:4ukubawaukucwangcisa
• Umntu oyinyolukeleyo imali soze imanelise;
  kanti ke noxhinele ubutyebi akaze aneliswe yingeniso yakhe.
  Nale ke into ngamampunge.
  AMAVA ENGQONDI 5:10ukubawaukuthanda izinto eziphathekayo
• Rhuma ngobuncwane bengeniso yakho, uzimase uNdikhoyo;
  ewe, menzele umnikelo ngolibo lwemveliso yakho.
  IZAFOBE 3:9umbingeleloukuphaukuvuna
• Kubhetele ukuba lihlwempu elihlonela uNdikhoyo
  kunokuba sisinhanha esiphethwe ngamaxhala.
  IZAFOBE 15:16ukumoyika uthixoukuthanda izinto eziphathekayo
• Wathi kubo: “Kulumkeleni konke ukubawa, kuba ubomi bomntu abuxhomekekanga ebuninzini bezinto anazo.”
  ULUKA 12:15ukubawaukuthanda izinto eziphathekayoukwaneliseka
• Kaloku apho bukhoyo ubutyebi benu, yoba lapho nentliziyo yenu.
  UMATEWU 6:21ukuthanda izinto eziphathekayointliziyoiminqweno
• Ngoko ke bonke banikeni okubafaneleyo – irhafu kofanelwe yirhafu, umrhumo kofanelwe ngumrhumo, ukuhlonitshwa kofanelwe kukuhlonitshwa, imbeko kofanelwe yimbeko.
  KWABASEROMA 13:7ukunyanisekaukumoyika uthixoityala
• Kulungile ukuzuza ubulumko kunokufumana igolide;
  kungcono ukukhetha ulwazi kunokwamkela isiliva.
  IZAFOBE 16:16ukuthanda izinto eziphathekayoubulumko
• Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.
  1 YEZIGANEKO 29:14ukuphaukuxhomekeka
• Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.
  1 KUTIMOTI 6:17uvuyoukuthanda izinto eziphathekayoikratshi
• Yaza yathi kuso inkosi yaso: ‘Ngxatsho ke, sicaka sam esilungileyo, esithembekileyo! Ubuthembekile kwizinto ezimbalwa; ndiya kukuphathisa izinto ezininzi. Ngena uchwayite kunye nenkosi yakho.’
  UMATEWU 25:21ukuthembekaibuyiselointsikelelo
• Ukuthanda imali yingcambu yazo zonke iintlobo zobubi. Abanye bathe ngokusukelana nayo bahola elukholweni, baza bayingxwelerha imiphefumlo yabo ngeenzingo.
  1 KUTIMOTI 6:10ububiukubawaiminqweno
• Ndikhwebule kubuqhetseba nokuxoka;
  mandingade ndibe sisityebi okanye ndihlwempuzeke,
  nto nje ndiqhekezele isonka sam semihla ngemihla.
  IZAFOBE 30:8ukuthanda izinto eziphathekayoukutyaukuthembeka
• Umntu uzilahlela kuloo nto ayinqwenelayo;
  phofu akunani kwaukuba lihlwempu kunokuba lixoki.
  IZAFOBE 19:22ukuthembekaukulungaubuhlwempu
• Obo buncinanana linabo ilungisa,
  bungcono kunentaphane ezinayo izikrelemnqa,
  kuba uya kuzaphul' iimpondo uNdikhoyo izikrelemnqa,
  awenzelelele wona amalungisa.
  INdumiso 37:16-17isonoubulungisa
• UNdikhoyo uThixo wenu uya kunithamsanqela ngokwesithembiso sakhe. Niya kuba nako ukubolekisa ezizweni, kodwa nina ngokwenu ningaboleki nto mntwini. Niya kuba namagunya phezu kwezizwe, kodwa nina akukho sizwe siya kuba namagunya phezu kwenu.
  UHLAZIYO-MNQOPHISO 15:6ityalaintsikelelo
• Igama elihle lilungile ngaphezu kwentabalala yobutyebi;
  ukuba nesidima kungaphezu kwayo isiliva negolide.
  IZAFOBE 22:1ukuthanda izinto eziphathekayoubudlelwane
• Kaloku ubutyebi busuka buthi shwaka ngephanyazo;
  ungáde ucinge ukuba busuke bantshula amaphiko bantinga njengokhozi.
  IZAFOBE 23:5iminqwenoukuthanda izinto eziphathekayo
• Nirhafa nje kaloku, kungenxa yokuba abasemagunyeni bangamagosa kaThixo, ngakumbi xa besenza umsebenzi wabo.
  KWABASEROMA 13:6ukunyanisekaukubawa
• Ubutyebi bomntu abumsindisi kwingqumbo kaThixo;
  sisimo esisulungekileyo kuphela esimhlangulayo umntu ekufeni.
  IZAFOBE 11:4ubulungisaukuthanda izinto eziphathekayoisohlwayo
• Izinhanha zicinga ukuba ubutyebi yinqaba yazo;
  kuzo ngathi buludonga oluphakamileyo lokuzifihla.
  IZAFOBE 18:11ukuthanda izinto eziphathekayo