Iivesi zeBhayibhile malunga nomthetho

«»

• Le miyalelo ndikunika yona namhlanje mayilawule bonke ubomi bakho. Uze uyibethelele ekufundiseni abantwana bakho, uthethe ngayo xa usekhaya, kanti noba useluhambeni, naxa ulalayo, ngokunjalo naxa uvukayo.
  UHLAZIYO-MNQOPHISO 6:6-7usaphoabantwana
• Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!
  KWABASEROMA 6:15isonoubabaloinkululeko
• “Sivumelekile ukwenza nayiphi na into,” kukho abatshoyo. Ewe kunjalo kambe, kodwa azilunganga zonke izinto. Ewe: “Sivumelekile ukwenza nayiphi na into,” kodwa izinto azakhi zonke.
  1 KWABASEKORINTE 10:23ukulungaubulungisaukutya
• Mna ndikuyalela namhlanje ukuba umthande uNdikhoyo uThixo wakho, uhambe ngeendlela zakhe, uyithobele uyenze imiyalelo nemimiselo nezithethe zakhe. Wakwenjenjalo uya kuphila wande, uNdikhoyo uThixo wakho akuthamsanqele kwelo lizwe ungenela ukuya kuma kulo.
  UHLAZIYO-MNQOPHISO 30:16intsikeleloubomi
• Owesibini ke ngulo: ‘Uze umthande ummelwane wakho kanye ngale ndlela uzithanda ngayo nawe.’ Akukho myalelo wumbi ubalulekileyo kunalé mibini.
  UMARKO 12:31uthandoummelwaneukuzingca
• Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.
  UYOSHUWA 1:8ukuthobelaintsikelelo
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23Umoyaintsikeleloubulali
• Kaloku akukho mntu uya kuba lilungisa kuThixo ngakugcina kwakhe umthetho; into eyenziwa ngumthetho kukwazisa abantu ngesono.
  KWABASEROMA 3:20isonoubulungisa
• Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.
  UHLAZIYO-MNQOPHISO 28:1ukuthobelaintsikelelo
• Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.
  KWABASEROMA 13:8uthandoityala
• Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”
  KUMAGALATI 5:14uthandoummelwane
• Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.
  UMATEWU 7:12ummelwaneubudlelwaneisiprofeto
• Ke zon' izibele zikaNdikhoyo zivelela abamhloneleyo;
  uhlala enobubele kwizizukulwana ngezizukulwana,
  kwabanyanisekileyo kumnqophiso wakhe
  nabathobela imithetho yakhe.
  INdumiso 103:17-18ukuthembekausaphoumnqophiso
• Phulaphulani ke, maSirayeli, ingaba yintoni afuna niyenze uNdikhoyo uThixo wenu? Ufuna nimhlonele, ningaphambuki endleleni yakhe. Ufuna nimthande, nimkhonze ngengqondo yenu yonke nangomoya wenu wonke, nithobele imiyalelo nemimiselo yakhe, le ndininika yona namhlanje ukuze kulunge kuni.
  UHLAZIYO-MNQOPHISO 10:12-13ukumoyika uthixointsikeleloukukhonza
• Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?
  2 KWABASEKORINTE 6:14ubulungisaubudlelwaneukukhanya
• Ukuxelelwe, mntundini, oko kulungileyo –
  nditsho oko uNdikhoyo akufunayo kuwe:
  kukwenza ngobulungisa, uthande ububele,
  uhambe ngokuthobileyo kunye noThixo wakho.
  UMIKA 6:8ubulungisaukuthobeka
• Nina ke, bazali, abantwana musani ukubaphatha gadalala, bade babe nenzondo, koko banikeni ingqeqesho nemiyalo yobuKrestu.
  KWABASE-EFESE 6:4usaphoabantwana
• Thwalisanani ubunzima; xa nenjenjalo ke nithobela umyalelo kaKrestu.
  KUMAGALATI 6:2ukubandezelekaummelwane
• Makuqukuqele ukunyaniseka njengomlambo,
  nobulungisa njengomsinga ongatshiyo.
  UAMOS 5:24ubulungisa
• Bonke abonileyo bengekho phantsi komthetho kaMosis, baya kutshabalala bengaphandle kwawo; nabo bonke abonileyo bephantsi komthetho kaMosis, baya kugwetywa ngawo.
  KWABASEROMA 2:12isonoumgweboisohlwayo
• Ndizimisele ukukulandela ngokupheleleyo;
  ndincede ndingaze ndizidele iziyalo zakho.
  INdumiso 119:10ubulungisaintliziyo
• Umyalelo endiniyala ngawo ngowokuba nithandane njengoko mna ndanithandayo.
  UYOHANE 15:12uthandoUYesu
• Ndenze isigqibo sokuba ndinyaniseke;
  ndizimisele ukusithobela isigwebo sakho.
  INdumiso 119:30ukholoinyaniso
• Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.
  1 KAYOHANE 3:21-22thembelaukuthobela
• Kambe maze ninyaniseke ngokupheleleyo ekuwuthobeleni umyalelo nomthetho eniwuwiselwe nguMosis isicaka sikaNdikhoyo, othi: ‘Mthande uNdikhoyo uThixo wakho; mthobele ezintweni zonke, uyigcine imiyalelo yakhe, unamathele kuye, umkhonze ngomxhelo wonke nangomoya wakho wonke.’
  UYOSHUWA 22:5intliziyoumphefumloukukhonza