Iivesi zeBhayibhile malunga nomphefumlo

«»

• Niya kuthi ke nakumfuna uNdikhoyo uThixo wenu nikuloo meko nimfumane; ewe, ukuba nimfuna nimlangazelela ngomxhelo wenu wonke niya kumfumana.
  UHLAZIYO-MNQOPHISO 4:29 uThixo ibuyiselo
• Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?
  UMATEWU 16:26 ukuthanda izinto eziphathekayo ubomi umhlaba
• Ndithe cwaka ndikholose ngoThixo;
  kaloku nguye yedwa ondikhululayo.
  INdumiso 62:1 usindiso phumla
• Hee! Ngani ukuba ndidakumbe kangaka?
  Ngani ukuba ndikhathazeke kangaka?
  Hayi bo! Mandikholose ngoThixo,
  khon' ukuze ndibuyele ekumdumiseni uMsindisi noThixo wam.
  INdumiso 42:11 unqulo ithemba dumisani
• Utsho uNdikhoyo ukuthi:
  “Yimani eziphambukeni nikhangele,
  nibuzise ngomendo wamandulo,
  niqonde ukuba yiyiphi na indlela eyiyona-yona,
  nihambe ngayo ke,
  ukuze nifumane inzolo emphefumlweni.
  Ke nina nathi: ‘Asiyi kuhamba ngayo!’”
  UJEREMIYA 6:16 phumla ukulunga
• Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”
  UMATEWU 22:37 intliziyo ingqondo
• Mhlobo oyintanda, ndithandazela ukuba konke kube hele, kube chosi kuwe, nanjengoko ndisazi ukuba kunjalo nasemphefumlweni wakho.
  3 KAYOHANE 1:2 intsikelelo umthandazo ukugula
• Musani ukuboyika abo banibulala ngokwasenyameni, kodwa bengenako ukubulala umphefumlo. Yoyikani uThixo, yena onako ukutshabalalisa umphefumlo kwanomzimba esihogweni.
  UMATEWU 10:28 uloyiko umzimba isihogo
• Andithi na kaloku ndadalwa nguwe;
  nditsho mna kanye lo!
  Ewe, wandixonxa wandilunga-lungisa kwandisekumama.
  Ndikubonga ndikubulela ngenxa yomntu endinguye,
  ngenxa yokumangalisa nokukhwankqisa kwento endiyiyo.
  Ewe, iyakhamnqisa kambe imisebenzi yakho.
  Leyo ke into ndiyiqonde pheleleyo.
  INdumiso 139:13-14 indalo imimangaliso ubuhle
• Nondifuna nindifumane, xa nindifuna ngomxhelo wonke.
  UJEREMIYA 29:13 ukufuna intliziyo
• Wena Thixo, unguThixo wam, ndithe swi nguwe.
  Umphefumlo wam uyakulangazelela.
  Ndihlala ndizula-zula ndikufuna;
  ndinxanele wena oku komhlaba obharhileyo.
  INdumiso 63:1 unqulo ukufuna umzimba
• Mbonge uNdikhoyo, moya wam!
  Mandimbonge uNdikhoyo ngomxhelo wam wonke!
  INdumiso 103:1 ubungcwele unqulo dumisani
• Amazwi amyoli nqwa nobusi;
  ayanandipheka emphefumlweni, ephilisa emathanjeni.
  IZAFOBE 16:24 ubulali ukuthetha ukutya
• Ndithembele ngokupheleleyo kuNdikhoyo;
  ewe, ndikholosa ngelizwi lakhe.
  INdumiso 130:5 ithemba ILizwi likaThixo
• Ndathi: “Mhlekazi, ndihlangule
  kumaxoki nakubakhohlisi.”
  INdumiso 120:2 ukuthetha umhlawuleli ukuxoka
• Ugqibelele won' umyalelo kaNdikhoyo:
  uhlaziya amandla.
  Uthembekile wona,
  kub' unik' isiyatha
  ubulumko.
  INdumiso 19:7 umthetho ubulumko ILizwi likaThixo
• Kambe maze ninyaniseke ngokupheleleyo ekuwuthobeleni umyalelo nomthetho eniwuwiselwe nguMosis isicaka sikaNdikhoyo, othi: ‘Mthande uNdikhoyo uThixo wakho; mthobele ezintweni zonke, uyigcine imiyalelo yakhe, unamathele kuye, umkhonze ngomxhelo wonke nangomoya wakho wonke.’
  UYOSHUWA 22:5 umthetho intliziyo ukukhonza
• Ndiya kumemelela ndinemincili,
  ndicule ngokuzimisela okukhulu
  ngenxa yokuba undihlangule.
  INdumiso 71:23 unqulo umhlawuleli ukucula
• Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.
  UYOSHUWA 23:14 ukuthembeka intliziyo ukufa
• Ndithe cwaka, ndikholose ngoThixo;
  kaloku nguye yedwa ithemba lam.
  INdumiso 62:5 phumla ithemba
• Ndobahlaziya abatyhafileyo, ndibondle abafa yindlala.
  UJEREMIYA 31:25 ukhuseleko
• Ewe, intliziyo yam iyakulangazelela, Thixo,
  nditsho wena Thixo ophilayo.
  Yaz'ba koda kube nini na
  ukuze ndide ndibe nonxibelelwano nawe, Thixo?
  INdumiso 42:2 ukusondela ukufuna