Iivesi zeBhayibhile malunga nokucula

«»

• Kodwa ke mna ndiya kucula ndibonga amandla akho;
  ndiya kumemelela kwasekuseni,
  kuba uthando lwakho luyamangalisa.
  Kaloku wena uyinqaba yam,
  ungumqolomba ngomhla wembandezelo.
  INdumiso 59:16ukuthembekaamandlaukukhuselwa
• Kaloku izibele zothando lwakho ziyabugqwesa nobomi,
  ngoko ndiya kuhlala ndikudumisa.
  Ndiya kukubonga lo gama ndisaphilayo;
  ndiya kunyukela kuwe ngomthandazo.
  INdumiso 63:3-4uthandoubomiunqulo
• Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
  KWABASEKOLOSE 3:16ILizwi likaThixoukufundaunqulo
• UNdikhoyo uThixo wakho unawe;
  uligorha elisindisayo.
  Yena unemihlali ngawe, enovuyo;
  uya kukuthulisa ngothando lwakhe;
  ugcoba ngawe eyiyizela.
  UZEFANIYA 3:17uThixouvuyoumhlawuleli
• Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.
  UMSEBENZI WABATHUNYWA 16:25unquloumthandazoukuphulaphula
• Culelani uThixo, nibong' igama lakhe.
  Ewe, mbongeni lowo ucand' emafini.
  Igama lakhe nguNdikhoyo, vuyani ngenxa yakhe.
  UThixo usendlwini yakhe engcwele.
  Nguyise weenkedama, umthetheleli wabahlolokazi.
  INdumiso 68:4-5ubungcweleukhuselekounqulo
• Ndomemelela ngemincili,
  ndikuvumel' ingoma, ndibonge wena, Phezukonke.
  INdumiso 9:2unqulouvuyouThixo
• Kodwa ndithembe uthando lwakho olungajikiyo;
  ndochulumacha kuba uyandihlangula.
  Ndombonga uNdikhoyo, kuba endiphethe ngobubele.
  INdumiso 13:5-6thembelaunqulointliziyo
• Ndomombelel' uNdikhoyo lo gama ndisaphilayo,
  ndimbong' uThixo wam lo gama ndisadl' ubomi.
  INdumiso 104:33unquloubomi
• Ndiya kumemelela ndinemincili,
  ndicule ngokuzimisela okukhulu
  ngenxa yokuba undihlangule.
  INdumiso 71:23unquloumhlawuleliumphefumlo
• Wena uyinqaba endizifihla kuyo;
  uyandikhusela xa ndisebunzimeni.
  Undirhangqe ngosindiso lwakho;
  ngoko ke ndimemelela ndinemincili.
  INdumiso 32:7uvuyoukhuselekoukukhuselwa
• Ndiya kukuncoma phakathi kweentlanga, Ndikhoyo;
  ewe, ndokudumisa naphakathi kwezizwe.
  INdumiso 108:3unquloumhlabadumisani
• Masintyiloze sidumise uNdikhoyo,
  kuba wenze imisebenzi emikhulukazi;
  olu daba malufikelele ehlabathini jikelele.
  UISAYA 12:5unquloumhlaba
• Ndadanduluka kuye ndizibika;
  ndandipheth' iindumiso nemibongo.
  INdumiso 66:17unquloumthandazodumisani
• Kaloku ndandisabela ndiwahlangule amahlwempu esakukhala;
  ukanti ndazibonelela neenkedama ezazingenamncedi.
  Ababesindakala ndaza ndabanceda babendincoma,
  ukanti nabahlolokazi ndandibanceda batsho baba neengoma ezintliziyweni zabo.
  UYOBI 29:12-13abahlolokaziiinkedamaubuhlwempu