Iivesi zeBhayibhile malunga nokukhuselwa

«»

• Nxibani sonke isikrweqe eninokusifumana kuThixo, ukuze nibe nako ukumelana nabo bonke ubuqhokolo bukaSathana.
  KWABASE-EFESE 6:11 izixhobo ububi izithixo
• Wena uyinqaba endizifihla kuyo;
  uyandikhusela xa ndisebunzimeni.
  Undirhangqe ngosindiso lwakho;
  ngoko ke ndimemelela ndinemincili.
  INdumiso 32:7 uvuyo ukhuseleko ukucula
• UThixo ulihlathi nenqaba yethu;
  ngexesha leenkathazo uluncedo oluhlala lulungile.
  INdumiso 46:1 ukuthembeka ukhuseleko
• Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.
  UHLAZIYO-MNQOPHISO 31:6 ukuthembeka uloyiko isibindi
• “Nezo zixhobo zixonxwe ngenxa yakho soze zikutshabalalise,
  uya kumphendula nabani na okumangalelayo.
  Lilo ke elo ilifa lezicaka zikaNdikhoyo;
  ewe, mna ndozithi jize ngoloyiso.”
  Etshilo nje ke uNdikhoyo utshilo!
  UISAYA 54:17 ubulungisa umgwebo izithixo
• Masitsho singenadyudyu ke sithi:
  “YiNkosi umncedi wam, andiyi koyika nto!
  Angandenza ntoni umntu?”
  KUMAHEBHERE 13:6 thembela uloyiko
• Ndikhoyo, undinike ikhaka lokuhlanganisa,
  wandixhasa ngesandla sakho esinamandla;
  undibonelele ndatsho ndazimaseka.
  Undimise endaweni ephangaleleyo;
  azinakutyibilika kuyo iinyawo zam.
  INdumiso 18:35-36 usindiso ILizwi likaThixo
• Ndikhusele kaloku, Thixo;
  ndithembele ngawe.
  INdumiso 16:1 thembela ukuxhomekeka
• Zolani nina; uNdikhoyo uza kunilwela!
  EYEMFUDUKO 14:14 umonde ukuxhomekeka
• Andinadyudyu, kuba uNdikhoyo ungakum;
  okokwakhe yena umntu akanakundenza nto konke.
  INdumiso 118:6 uloyiko
• Wena ulikhaka nekhusi lam;
  ndiqamele ngelizwi lakho.
  INdumiso 119:114 ithemba ILizwi likaThixo
• Ndinako ukumelana nayo nayiphi na imeko ngenxa yamandla alowo undomelezayo.
  KWABASEFILIPI 4:13 uThixo amandla ubuthathaka
• Noda niguge nibe ziingwevu
  mna ndisengulowo unixhasayo.
  Nenziwa ndim, ngoko ke ndonisingatha;
  ewe, ndonigcina ndinihlangule.
  UISAYA 46:4 ukuthembeka izixhobo
• Hayi bo, zigqibelele izinto azenzayo lo Thixo!
  Hayi ukuthembeka kwelizwi lakhe!
  Uyabakhusela bonke abo bathembela ngaye.
  INdumiso 18:30 ngokungenatyala ILizwi likaThixo
• Akwambathise ngamaphiko akhe, akufihle ekhusini lakhe,
  kube likhaka nekhuselo lakho ukuthembeka kwakhe.
  INdumiso 91:4 ukuthembeka ukhuseleko uthembekile
• Kodwa ke mna ndiya kucula ndibonga amandla akho;
  ndiya kumemelela kwasekuseni,
  kuba uthando lwakho luyamangalisa.
  Kaloku wena uyinqaba yam,
  ungumqolomba ngomhla wembandezelo.
  INdumiso 59:16 ukuthembeka amandla ukucula
• Eyona nto emawuyilondoloze ngaphezu kwazo zonke ezinye yintliziyo yakho,
  kuba yona ingumthombo wobomi.
  IZAFOBE 4:23 ubomi intliziyo iingcamango
• Masithini na ke ngezi zinto? Ukuba uThixo ungakuthi ngubani onokusichasa?
  KWABASEROMA 8:31 uThixo ukhuthazo
• Kambe ke, wena Ndikhoyo, ulikhaka lam.
  Usisidima sam; undenza ndibe neqhayiya.
  INdumiso 3:3 ukuxhomekeka ukoyisa
• Ngaba ùba andinako ukumcela uBawo, aze kwangoku andikhuphele amawaka-waka ezithunywa zezulu eziyimikhosi engaphezu kweshumi elinambini?
  UMATEWU 26:53 UYesu iingelosi UTata
• Ndihlala ndimbeke phambi kwam uNdikhoyo;
  ungasekunene kwam, ngoko ke andiyi kushukunyiswa nto.
  INdumiso 16:8 ukuxhomekeka izixhobo
• Into ebhetele kukuzimela ngoNdikhoyo,
  kunokuba uthembele ngomntu.
  INdumiso 118:8 thembela ukhuseleko
• Yonke into ayithethayo uThixo ithembekile;
  ulikhaka kwabazimela ngaye.
  IZAFOBE 30:5 inyaniso ILizwi likaThixo
• UNdikhoyo ngumqolomba:
  bazimela kuye abalungisayo, basinde.
  IZAFOBE 18:10 uThixo ukhuseleko
• Yondikhusela iNkosi kulo naliphi na ilinge lokundenzakalisa. Yondikhusela ndide ndifike kulawulo lwayo ezulwini. Huntshu-u-u! Mayibongwe iNkosi ngonaphakade! Amen.
  2 KUTIMOTI 4:18 ububi izulu unqulo