Iivesi zeBhayibhile malunga noTata

«»

• Bufana nomzali kubantwana
  ububele bukaNdikhoyo kwabamnik' imbeko.
  INdumiso 103:13 uthando uloyiko uvelwano
• Hayi ubukhulu bothando lukaThixo uYise kuthi! Uthando lwakhe lukhulu kangangokuba ude athi uThixo singabantwana bakhe. Kambe ke singabo ngenene. Yiyo loo nto lingasiqondi nje ihlabathi; noThixo kaloku alimazi.
  1 KAYOHANE 3:1 uthando abantwana umhlaba
• Mfo wam, musa ukuyidela ingqeqesho kaNdikhoyo,
  ungasicekisi isiluleko sakhe.
  Kaloku uNdikhoyo uyamluleka umntu amthandayo,
  kwanjengokuba uyise emohlwaya unyana anebhongo ngaye.
  IZAFOBE 3:11-12 uthando ukufunda isohlwayo
• Bawo, njengoko ubanike mna nje, ndithanda ukuba babe lapho ndikhoyo, babubone ubungangamsha ondinike bona, kuba wandithanda lingekadalwa nokudalwa ihlabathi.
  UYOHANE 17:24 UYesu umthandazo
• Ke wena, xa uthandazayo, ngena egumbini lakho, uluvale ucango, uthandaze kuYihlo ongabonwayo. Ke uYihlo, yena obona okwenzeka emfihlekweni, wokuvuza.
  UMATEWU 6:6 ibuyiselo umthandazo
• Khaniqwalasele iintaka. Azihlwayeli, azivuni, azigcini siseleni, kanti uYihlo osezulwini uyazondla. Ke, kungakanani na ukuxabiseka kwenu kunazo!
  UMATEWU 6:26 ixabisekile thembela umsebenzi
• Makadunyiswe uThixo uBawo wethu ngonaphakade kanaphakade! Amen.
  KWABASEFILIPI 4:20 ukuthobeka unqulo
• Ndizinika ubomi obungenasiphelo. Azisoze zitshabalale, kwaye akukho bani unokuzihlutha kum. Kaloku uBawo ondinike zona unamandla; noko ke akukho bani unokuhlutha nto kuye. Ke mna noBawo sibanye.
  UYOHANE 10:28-30 ubomi obungunaphakade UYesu
• Kodwa bonke abâmamkeláyo, bezinikele kuye ngokupheleleyo, wabanika igunya lokuba ngabantwana bakaThixo.
  UYOHANE 1:12 ukholo abantwana
• Umntu ongaqiqiyo akayikhathalele imfundiso kayise;
  kambe ke yena ozamkelayo iziluleko unengqondo.
  IZAFOBE 15:5 ubulumko abantwana ingqondo
• Musani ukulithanda ihlabathi, nezinto zalo ngokunjalo. Nabani na olithandayo eli hlabathi akazani nothando lukaThixo.
  1 KAYOHANE 2:15 isono uthando umhlaba
• Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”
  UYOHANE 14:23 uthando ukuthobela
• Musani ukoyika, mhlambi omncinane, kuba kukholekile kuYihlo ukunamkelela kulawulo lwakhe olutsha.
  ULUKA 12:32 uloyiko ubukumkani
• Kuthi mnye uThixo. Yena nguThixo uYise owadala izinto zonke, esikholo yena thina. Inye kuthi neNkosi. Yona nguYesu Krestu, ezabakho ngaye zonke izinto, esikho ngaye nathi.
  1 KWABASEKORINTE 8:6 ubomi UYesu indalo
• Andithi, iintaka ezincinci zithengiswa ngambini ngesenti? Kanti akukho nanye kuzo iya kuwa emhlabeni engavumanga uYihlo. Nina ke, kwaneenwele ezi zentloko yenu zibaliwe zonke. Ke musani ukoyika: nixabisekile kuneentaka ezininzi nina!
  UMATEWU 10:29-31 ixabisekile uloyiko
• Konke ukupha naso sonke isipho esifezekileyo sivela phezulu kuThixo, umdali wezikhanyiso zesibhakabhaka. Yena akaguqu-guquki aphinzi-phinzize.
  EKAYAKOBI 1:17 ukuthembeka ngokungenatyala ukukhanya
• Ngaba ùba andinako ukumcela uBawo, aze kwangoku andikhuphele amawaka-waka ezithunywa zezulu eziyimikhosi engaphezu kweshumi elinambini?
  UMATEWU 26:53 ukukhuselwa UYesu iingelosi
• Waphendula uYesu wathi: “Ndim indlela, ndim inyaniso, ndim ubomi. Akukho namnye unokuya kuBawo engayi ngam.”
  UYOHANE 14:6 inyaniso ubomi umlamli
• Yena kaloku akambandezanga owakhe uNyana, koko usuke wamnikela ngenxa yethu sonke. Angathini ke ukungasibabali asiphe zonke ezinye izinto?
  KWABASEROMA 8:32 umbingelelo ukwamkela
• Lowo uyamkelayo imiyalelo yam ayigcine, nguye ondithandayo. Lowo ke undithandayo mna, uya kuthandwa nguBawo. Nam ndiya kumthanda, ndizibonakalise kuye.
  UYOHANE 14:21 umthetho uthando
• Kuba indalo iphela ilangazelela ukuba uThixo ade abaveze oonyana bakhe.
  KWABASEROMA 8:19 indalo abantwana
• Ke ngoko nayiphi na into eniyicela kum ndiya kuyenza, ukuze uYise abonakalise amandla akhe ngoNyana.
  UYOHANE 14:13 UYesu umthandazo
• Andithi na kaloku thina sizalelwe umntwana;
  kaloku thina silizwe ngonyana.
  Nguye ke oya kulawula.
  Ke yena wothiywa igama kuthiwe
  nguMcebisi omangalisayo,
  uThixo oligorha,
  uSonini-nanini,
  iTshawe loxolo.
  UISAYA 9:6 uMesiya UYesu krisimesi
• Akukho namnye umntu owakha wambona uThixo. Abantu bamazi uThixo ngokumaziswa nguNyana okukuphela kwakhe, yena okwanguThixo, ohlala ehleli esenyongweni kuYise.
  UYOHANE 1:18 UYesu ukusondela
• UFilipu wabhekisa kuYesu, wathi: “Nkosi, khawusibonise uYihlo; kosanelisa.”
  UYOHANE 14:8 ukwaneliseka