Iivesi zeBhayibhile malunga nokuthobela

«»

• Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”
  UYOHANE 14:23uthandoUTata
• Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.
  UHLAZIYO-MNQOPHISO 28:1umthethointsikelelo
• Mfo wam, yithobele imimiselo oyinikwa nguyihlo,
  ungazityesheli neziluleko zikanyoko.
  IZAFOBE 6:20usaphoukuphulaphula
• Ewe, hambani ngokwemimiselo yonke kaNdikhoyo uThixo wenu, khon' ukuze nizinze kwelo lizwe ningena kulo, nixhamle intlala-kahle nide nikhokhobe.
  UHLAZIYO-MNQOPHISO 5:33ibuyiseloukulandela
• Musani ukuzikhohlisa ngokuliphulaphula nje qha ilizwi likaThixo. Endaweni yaloo nto nina yenzani oko likuthethayo.
  EKAYAKOBI 1:22ILizwi likaThixoukuphulaphula
• Umntu oyithobelayo ingqeqesho usekhondweni lobomi;
  ke yena ongaphulaphuliyo ulahlekene nendlela.
  IZAFOBE 10:17ubomiukuphulaphula
• Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.
  1 KWABASEKORINTE 15:58ibuyiseloukhuthazoumsebenzi
• Asinini enanyula mna, ndim owaninyulayo nina. Ndanimisela okokuba niqhubele phambili, nivelise iziqhamo ezihlala zikho. Ke ngoko uBawo uya kuninika konke enithi nikucele egameni lam.
  UYOHANE 15:16umthandazoubizoukuba nesiqhamo
• Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.
  KWABASEROMA 12:2ngokungenatyalaubomiumhlaba
• Ungaphazami ukuhamba ngokwesimiso sikaNdikhoyo uThixo wakho. Hamba endleleni yakhe, uyithobele imimiselo nemithetho yakhe, nayo yonke imigaqo nemiqathango ayimisileyo, njengoko yabhalwayo emthethweni kaMosis. Xa usenjenjalo ke, uya kuba nenkqubela kuyo yonke into oyenzayo, uphumelele naphi na apho ukhoyo.
  1 YOOKUMKANI 2:3umthethointsikelelo
• Kuba njengokuba kwathi, ngokungeva kwalowo mnye unguAdam, abaninzi bafumaneka bengaboni, ngokunjalo kuya kuthi nangokuthobela kwalowo mnye unguKrestu, abaninzi benziwe amalungisa.
  KWABASEROMA 5:19ubulungisausindiso
• Ewe, zihlobo zam, xa singalahlwa sisazela asibi naxhala phambi koThixo. Zonke izinto esizicelayo kuye, siyazifumana; kuba kaloku siyayifezekisa imiyalelo yakhe, siyenze intando yakhe.
  1 KAYOHANE 3:21-22thembelaumthetho
• Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.
  ULUKA 6:27-28intsikeleloumthandazo
• Ngoko ke zinikeleni ngokupheleleyo kuThixo. Mchaseni uSathana azokunibaleka.
  EKAYAKOBI 4:7ukhuselekoukuba likhobokaumtyholi
• Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.
  UYOSHUWA 1:8umthethointsikelelo
• UNdikhoyo onamandla onke uthi: “Ukuba aniphulaphuli nizimisele ngeentliziyo zenu ukulihlonela igama lam, ndiya kunithumela ishwangusha, nentsikelelo yenu ndiyenze ibe lishwangusha. Ngenene sendiqalile ukunishwabulela ngenxa yokuba ningazimiselanga ukundihlonela ngeentliziyo zenu.”
  UMALAKI 2:2intsikeleloukuphulaphula
• Wonke umntu makathobele abasemagunyeni, kuba akukho gunya lingaveli kuThixo. Amagunya akhoyo amiselwe nguThixo.
  KWABASEROMA 13:1thembelauThixo
• Hay' inyhweba yomntu omthobelayo uNdikhoyo,
  ohamba ngokwemimiselo yakhe.
  INdumiso 128:1ukumoyika uthixoukulandela
• Zondelelani ningatyhafi. Yibani nefuthe loMoya. Yikhonzeni iNkosi.
  KWABASEROMA 12:11Umoyaukukhonza
• Ke yena wathi: “Kuthiwa: ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangamandla akho ephela, nangengqondo yakho iphela; umthande ummelwane wakho kanye ngale ndlela uzithanda ngayo nawe.’ ”
  ULUKA 10:27umthethouthando
• UYesu ke wabhekisa kubo bonke wathi: “Osukuba ethanda ukundilandela makazincame, awuthwale umnqamlezo wakhe imihla ngemihla, andilandele.”
  ULUKA 9:23ukubethelwa emnqamlezweni
• Kaloku abo bakhokelwa nguMoya kaThixo, bangoonyana bakaThixo.
  KWABASEROMA 8:14Umoyaabantwana
• Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.
  UMSEBENZI WABATHUNYWA 5:32UmoyaukwamkelauMoya oyiNgcwele
• Wena unguThixo wam,
  ngoko ke ndifundise ukuthanda kwakho.
  UMoya wakho wobubele
  makandikhokelele endleleni esisithabazi!
  INdumiso 143:10ukufundaUmoyauMoya oyiNgcwele
• Ndiyanikhuthaza ngoko, mawethu, ngenxa yenceba kaThixo, ukuba nizinikele nina ziqu nibe lidini eliphilayo, elingcwele, elikholekileyo kuThixo. Leyo ke yindlela yenu efanelekileyo yokukhonza uThixo ngengqiqo.
  KWABASEROMA 12:1incebaubungcwele