Iivesi zeBhayibhile malunga nokubethelwa emnqamlezweni

«»

• Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.
  1 KAPETROS 2:24isonoubulungisaukuphilisa
• Kanti ngenene buthwelwe nguye ubuthathaka bethu,
  inkxwaleko yethu yâsemagxeni akhe.
  Ngenene thina besiba ubandezelekile,
  sisithi uyabethwa nguThixo.
  UISAYA 53:4ukubandezelekaUYesuukugula
• Kaloku udaba lokufa kukaKrestu emnqamlezweni okunene lububudenge kwabatshabalalayo, kodwa kuthi, thina basindiswayo, lungamandla kaThixo.
  1 KWABASEKORINTE 1:18usindisoamandla
• Amehlo ethu makathi ntsho kuYesu; kaloku síxhomekeke kuye isiqalo ndawonye nekamva lokholo lwethu. Ewe kaloku, yena wathi, ngenxa yenyhweba eyayimlindele, wawunyamezela umnqamlezo, walidela nehlazo lawo; kungokunje uhleli ewongeni kwibhotwe likaThixo.
  KUMAHEBHERE 12:2ukholoUMsindisiUYesu
• Nakuba ubume bakhe babunguThixo ngenkqu,
  ukulingana noThixo akakubawelanga
  kangangokude afune ukusunduzana naye.
  Ndaweni yaloo nto waziqongqotha ubuyena,
  wathatha isimo sesicaka,
  waba ngumntu ncakasana.
  Engumntu ebantwini,
  wazambesa intobeko,
  ntobeko leyo yamsa ekufeni –
  ukufa kwasemnqamlezweni.
  KWABASEFILIPI 2:6-8UMsindisiukuthobelaUYesu
• Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.
  KUMAGALATI 2:20ukholoUMsindisiubomi
• Isithunywa sathi kubafazi abo: “Sanukoyika nina. Ndiyazi ukuba nifuna uYesu obebethelelwe emnqamlezweni. Akakho apha. Uvukile, njengoko watshoyo. Yizani apha, niyibone indawo awayekuyo.”
  UMATEWU 28:5-6UMsindisiUYesuipasika
• Nalowo uthe akawuthwala umnqamlezo wakhe andilandele, akandifanelanga.
  UMATEWU 10:38ukubandezelekaUYesuukulandela
• Niyabona, siya eJerusalem, apho uNyana woLuntu aya kunikelwa khona kubabingeleli abaziintloko nakubachazi-mthetho. Baya kumgwebela ukufa, bamnikele ezandleni zeentlanga. Zona ke ziya kumenza intlekisa, zimkatse, zimbethelele emnqamlezweni; aze athi ngomhla wesithathu abuye avuke ekufeni.
  UMATEWU 20:18-19ipasikaUYesuumbingelelo
• Akakho apha, uvukile. Khumbulani awakuthetha kuni esekwelaseGalili, esithi: ‘UNyana woLuntu umelwe kukunikelwa ezandleni zaboni, abethelelwe emnqamlezweni, athi ngomhla wesithathu abuye avuke.’
  ULUKA 24:6-7UYesuuvukoipasika
• Kaloku xa simanywe naye ekufeni kwakhe, simanywe naye nasekuvukeni kwakhe ekufeni. Siyazi ke ukuba isimo sethu esidala sabethelelwa emnqamlezweni noKrestu, khon' ukuze igunya lesono liphuthiswe nasemizimbeni yethu, size singabi salawulwa sisono.
  KWABASEROMA 6:5-6isonouvukoukuba likhoboka
• UYesu ke wabhekisa kubo bonke wathi: “Osukuba ethanda ukundilandela makazincame, awuthwale umnqamlezo wakhe imihla ngemihla, andilandele.”
  ULUKA 9:23ukuthobela
• Yathi ke yona kubo: “Musani ukumangaliseka. Nifuna uYesu umNazarete, owayebethelelwe emnqamlezweni. Uvukile; akakho apha. Nantsi indawo abebembeke kuyo.”
  UMARKO 16:6UYesuuvukoipasika
• UYesu wathi: “Bawo, baxolele, kuba abayazi into abayenzayo.”
  Baza benza amaqashiso, besabelana ngeengubo zakhe.
  ULUKA 23:34uxoleloipasika
• Kaloku ndagqiba kwelokuba ndingazi nto phakathi kwenu, ingenguye uYesu Krestu, naye ke ebethelelwe emnqamlezweni.
  1 KWABASEKORINTE 2:2ukuvangelaUYesuingqondo
• Khawukhangele, nanko esiza ekhatshwa ngamafu! Lonke uluntu luya kumbona, nkqu nabo bâmhlabáyo. Ewe, zonke izizwe ziya kungqukruleka zizisola. Injalo ke loo nto! Amen.
  ISITYHILELO 1:7UYesuukuza kwesibini
• UYesu wasibizela kuye isihlwele kwanabafundi bakhe, wathi kubo: “Othanda ukundilandela makazincame, awuthwale umnqamlezo wakhe, andilandele.”
  UMARKO 8:34usindisoUYesuukulandela
• Kodwa mna, mandingaqhayisi nganto ingenguwo umnqamlezo weNkosi yethu uYesu Krestu; kuba ngalo mnqamlezo ihlabathi lifile kum, nam ndifile kulo.
  KUMAGALATI 6:14umhlaba