Iivesi zeBhayibhile malunga nokuba likhoboka

«»

• Ubani unokuthi: “Zonke izinto zivumelekile kum.” Ewe, kunjalo, kodwa azikulungelanga zonke. Nam bendinokuthi: “Zonke izinto zivumelekile kum;” kodwa ngekhe ndinikezele ukuze ndilawulwe nayiyiphi na into.
  1 KWABASEKORINTE 6:12iminqwenoubomiubulungisa
• Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.
  1 KWABASEKORINTE 10:13ukuthembekaisilingoiminqweno
• Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.
  UMATEWU 26:41umthandazoisilingoiminqweno
• UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.
  KUMAGALATI 5:1UYesuubomiumhlawuleli
• Kaloku xa simanywe naye ekufeni kwakhe, simanywe naye nasekuvukeni kwakhe ekufeni. Siyazi ke ukuba isimo sethu esidala sabethelelwa emnqamlezweni noKrestu, khon' ukuze igunya lesono liphuthiswe nasemizimbeni yethu, size singabi salawulwa sisono.
  KWABASEROMA 6:5-6isonouvukoubukhoboka
• Ngoko ke zinikeleni ngokupheleleyo kuThixo. Mchaseni uSathana azokunibaleka.
  EKAYAKOBI 4:7ukuthobelaukhuselekoumtyholi
• Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.
  KUTITO 2:11-12ubabaloubulungisausindiso
• Kaloku zonke izinto zeli hlabathi – iinkanuko zesimo esonakeleyo, ukubawa, namagugu obu bomi – aziveli kuThixo, koko zizinto zeli hlabathi.
  1 KAYOHANE 2:16iminqwenoikratshiumhlaba
• Wawaphendula uYesu wathi: “Ndithi kuni, inene, bonke abenza isono bangamakhoboka esono.”
  UYOHANE 8:34isonoubukhoboka
• Kaloku isiqhamo sokumelana nezilingo ngokholo lunyamezelo.
  EKAYAKOBI 1:3ukholoisilingo
• Ungasiyekeli ekulingweni,
  koko sihlangule kumtyholi;
  kuba ngenene nguwe olawulayo,
  namandla ngawakho, nodumo, kude kube ngunaphakade! Amen.
  UMATEWU 6:13isilingoiminqwenoububi
• Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.
  1 KWABASEKORINTE 6:19-20unquloUmoyaubomi
• Ukuba ke uNyana uthe wanenza nakhululeka, noba ngabakhululekileyo mpela.
  UYOHANE 8:36UYesuumhlawuleliinkululeko
• Niyityiwa yehlabathi nina. Ke ukuba ityiwa ithe yaphelelwa sisongo, yothiwani na ukubuyiselwa isongo sayo? Ayisenamsebenzi; kuphela kukuba ilahlwe phandle, inyathelwe ngabantu.
  UMATEWU 5:13isonoukuthobelaukuvangela
• Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”
  UYOHANE 8:31-32inyanisoILizwi likaThixoukulandela
• INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.
  KWABASEROMA 13:14iminqwenoUYesuumzimba