Iivesi zeBhayibhile malunga nesilingo

«»

• Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.
  1 KWABASEKORINTE 10:13 ukuthembeka ukuba likhoboka iminqweno
• Lindani nithandaze, ukuze ningangeni ekuhendweni. Intliziyo yona okunene inentumekelelo, ke wona umzimba ubuthathaka.
  UMATEWU 26:41 umthandazo iminqweno ukuba likhoboka
• Unoyolo lowo uzinyamezelayo izilingo, kuba kaloku, lakudlula uvavanyo, uya kuzuza umvuzo obubomi uThixo abuthembise abo bamthandayo.
  EKAYAKOBI 1:12 ibuyiselo ubomi
• Uthi ungawanyathela amalahle avuthayo
  zize zingatshi iinyawo zakho?
  IZAFOBE 6:28 iminqweno
• Wahambisa wathi: “Zizenzo eziphuma entliziyweni yomntu ezimngcolisayo. Kaloku zivela ngaphakathi entliziyweni yomntu iingcamango ezimbi. Kulapho kuvela khona ubuhenyu, ubusela, ukubulala, ukukrexeza, ukunyoluka, inkohlakalo, inkohliso, ukurheletya, umona, ukunyelisa uThixo, ikratshi, ububhanxa. Zonke ezi zinto zikhohlakeleyo ziphuma entliziyweni yomntu, zize zimngcolise.”
  UMARKO 7:20-23 isono ukusulungekiswa umsindo
• Makungabikho mntu uthi ulukuhlwe nguThixo xa ahendwayo. UThixo akoyiswa bububi kaloku; yaye akalingi mntu yena.
  EKAYAKOBI 1:13 iminqweno ukuqonda
• Ungasiyekeli ekulingweni,
  koko sihlangule kumtyholi;
  kuba ngenene nguwe olawulayo,
  namandla ngawakho, nodumo, kude kube ngunaphakade! Amen.
  UMATEWU 6:13 iminqweno ububi ukukhuselwa
• UYesu wabuya eJordan ezele nguMoya oyiNgcwele, wajikeleza entlango ekhokelwa nguMoya iintsuku ezimashumi mane, elingwa ngumtyholi. Akatyanga nto ngezo ntsuku, waza walamba ekupheleni kwazo.
  ULUKA 4:1-2 ukuzila ukutya UYesu umtyholi
• Nkosi yam, uyawazi umnqweno wam,
  uyaziva zonke iincwina zam.
  INdumiso 38:9 ukukhathazeka usizi
• Kaloku isiqhamo sokumelana nezilingo ngokholo lunyamezelo.
  EKAYAKOBI 1:3 ukholo ukuba likhoboka
• Ngoko ke xhobani ngezikrweqe zikaThixo, ukuze nibe nako ukuxhathisa xa kunyembelekile, nize nifeze konke nimile ngxishi.
  KWABASE-EFESE 6:13 ukukhuselwa ububi umtyholi
• Mawethu, ukuba kukho mntu nimbhaqe esona, nina balawulwa nguMoya mfakeni endleleni; kodwa loo nto niyenze ngobulali, nizilumkele nina ziqu, hleze nani nilingeke.
  KUMAGALATI 6:1 isono iminqweno uguqulo
• Kaloku owethu umbingeleli omkhulu ngosivelayo ebuthathakeni bethu, kuba walingwa ngeendlela zonke njengathi, kodwa zange one.
  KUMAHEBHERE 4:15 isono uvelwano ubuthathaka
• Kodwa ke iNkosi iyabahlangula ezilingweni abantu abayithobelayo. Ke bona abangayithobeliyo ibagcinele ukubohlwaya ngomhla womgwebo.
  2 KAPETROS 2:9 umgwebo isohlwayo usindiso
• INkosi uYesu Krestu mayibe sisikrweqe senu, ningasilungiseleli isimo senu esonakeleyo ukuze nanelise iinkanuko zaso.
  KWABASEROMA 13:14 iminqweno ukuba likhoboka UYesu
• Eyahlwayelwa endaweni enokhula izekelisa lowo uzivayo iindaba ezi, aze ke amaxhala eli phakade, nokulukuhla kobutyebi, kuziminxe iindaba, kungabikho siqhamo.
  UMATEWU 13:22 ILizwi likaThixo ukukhathazeka imali
• Ziphephe iinkanuko zobutsha; phuthuma ukulungisa, ukholo, uthando, noxolo, umanyene nabo bonke abayinqula ngokunyaniseka iNkosi.
  2 KUTIMOTI 2:22 iminqweno ububi ubulungisa
• Kaloku, wena Thixo, usivavanyile;
  usicikide njengesiliva.
  INdumiso 66:10 ukubandezeleka ukusulungekiswa
• Umntu osifihlayo isono sakhe akabi nampumelelo;
  kambe ke yena osivumayo, ahlukane naso, wenzelwa inceba.
  IZAFOBE 28:13 isono ukuvuma izono inceba