Andinin-teny ao amin'ny Baiboly momba ny fakam-panahy

«»

• Tsy misy fakam-panahy nahazo anareo afa-tsy izay zakan'ny olombelona; nefa mahatoky Andriamanitra ka tsy hamela anareo halaim-panahy mihoatra noho izay zakanareo; fa momba ny fakam-panahy dia hasiany lalana hahafahanareo koa mba hahazakanareo izany.
  1 Korintiana 10:13fitokisanampidorokafaniriana
• Miareta tory sy mivavaha ianareo, mba tsy hidiranareo amin'ny fakam-panahy; mety ihany ny fanahy, fa ny nofo no tsy manan-kery.
  Matio 26:41fivavahanafanirianampidoroka
• Sambatra izay olona maharitra fakam-panahy; fa rehefa voazaha toetra izy, dia handray ny satro-boninahitra fiainana, izay nolazain'ny Tompo homena izay tia Azy.
  Jakoba 1:12valisoafiainana
• Misy mahadia vain'afo va,
  Ka tsy ho may ny tongony?
  Ohabolana 6:28faniriana
• Ary hoy Izy: Izay mivoaka avy ao amin'ny olona, dia izany no mahaloto azy. Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, ny fieremana, ny lolom-po, ny fitaka, ny fijejojejoana, ny maso ratsy, ny fitenenan-dratsy, ny avonavona, ny fahadalana: izany zava-dratsy rehetra izany no mivoaka avy ao anatin'ny olona ka mahaloto azy.
  Marka 7:20-23fahotanafanadiovanahatezerana
• Raha misy alaim-panahy, aoka izy tsy hanao hoe: Andriamanitra no maka fanahy ahy; fa Andriamanitra tsy azon'ny ratsy alaim-panahy, sady tsy mba maka fanahy olona Izy.
  Jakoba 1:13fanirianamahatakatra
• Ary aza mitondra anay ho amin'ny fakam-panahy,
  fa manafaha anay amin'ny ratsy.
  Matio 6:13fanirianafaharatsianafiarovana
• Ary Jesosy feno ny Fanahy Masina dia niverina avy tany Jordana, ary nentin'ny Fanahy tany an-efitra efa-polo andro Izy ka nalain'ny devoly fanahy. Ary tsy nihinan-kanina akory Izy tamin'izany andro izany, ka rehefa tapitra izany, dia noana Izy.
  Lioka 4:1-2fifadian-kaninaJesosysatana
• Ry Tompo ô, eo anatrehanao ny faniriako rehetra;
  ary ny fisentoako tsy mba miafina aminao.
  Salamo 38:9ahiahyfisaonana
• Satria fantatrareo fa ny fizahan-toetra ny finoanareo dia mahatonga faharetana.
  Jakoba 1:3finoanampidoroka
• Ary noho izany, dia raiso avokoa ny fiadian'Andriamanitra, mba hahazoanareo hanohitra amin'ny andro mahory; ary rehefa vitanareo avokoa, dia hahafahatra ianareo.
  Efesiana 6:13fiarovanafaharatsianasatana
• Ry rahalahy, raha misy olona azon'ny ota tsy nahy aza, dia atsanganonareo izay manana ny Fanahy amin'ny fahamorana izy, ka mihevera ny tenanao, fandrao ianao koa mba halaim-panahy ihany.
  Galatiana 6:1fahotanafanirianafiovam-po
• Fa isika tsy manana mpisoronabe izay tsy mahay miara-mitondra ny fahalementsika, fa Izay efa nalaim-panahy tamin'ny zavatra rehetra tahaka antsika, kanefa tsy nanana ota.
  Hebreo 4:15fahotanamamindra fofahalemena
• Dia fantatry ny Tompo izay hamonjeny ny tsara fanahy amin'ny fakam-panahy sy ny hitehirizany ny olona tsy marina amin'ny fijaliana ho amin'ny andro fitsarana.
  2 Petera 2:9fitsaranasazyfamonjena
• Ary ilay nafafy teny amin'ny tsilo dia izay mandre ny teny ary ny fiahiahiana izao fiainana izao sy ny fitaky ny harena mangeja ny teny, ka dia tsy mamoa izy.
  Matio 13:22Tenin'Andriamanitraahiahyvola
• Fa itafio Jesosy Kristy Tompo, ary aza miahy ny amin'ny nofo hahatanteraka ny filany.
  Romana 13:14fanirianampidorokaJesosy
• Fa efa nizaha toetra anay Hianao, Andriamanitra ô;
  efa nanadio anay Hianao, tahaka ny fanadio volafotsy amin'ny memy.
  Salamo 66:10fijalianafanadiovana
• Fa mandosira ny filan'ny tanora fanahy; ary miezaha mitady fahamarinana, finoana, fitiavana, fihavanana amin'izay miantso ny Tompo amin'ny fo madio.
  2 Timoty 2:22fanirianafaharatsianarariny
• Izay manafina ny fahotany tsy hambinina;
  Fa izay mitsotra ka mahafoy azy no hahazo famindram-po.
  Ohabolana 28:13fahotanafibabohanafamindram-po