Andinin-teny ao amin'ny Baiboly momba ny fanadiovana

«»

• Koa raha manana ireo teny fikasana ireo isika, ry malala, dia aoka isika hanadio ny tenantsika ho afaka amin'ny fahalotoana rehetra, na amin'ny nofo, na amin'ny fanahy, ka hahatanteraka ny fahamasinana amin'ny fahatahorana an'Andriamanitra.
  2 Korintiana 7:1fahamasinanafanajanafampanantenana
• Ary hoy Izy: Izay mivoaka avy ao amin'ny olona, dia izany no mahaloto azy. Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, ny fieremana, ny lolom-po, ny fitaka, ny fijejojejoana, ny maso ratsy, ny fitenenan-dratsy, ny avonavona, ny fahadalana: izany zava-dratsy rehetra izany no mivoaka avy ao anatin'ny olona ka mahaloto azy.
  Marka 7:20-23fahotanafakam-panahyhatezerana
• Amorony fo madio aho, Andriamanitra ô;
  ary havaozy hiorina marina ny fanahiko ato anatiko.
  Salamo 51:10Fanahyfo
• Mamindrà fo amiko, Andriamanitra ô,
  araka ny fahasoavanao;
  araka ny haben'ny fiantranao
  vonoy ny fahadisoako.
  Sasao madio aho mba ho afa-keloka,
  ary diovy aho mba ho afa-pahotana.
  Salamo 51:1-2fahotanafamindram-po
• Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra.
  1 Jaona 1:9fahotanafaharatsianafamerim-berenana
• Manatòna an'Andriamanitra, dia hanatona anareo Izy. Diovy ny tananareo, ry mpanota; ary ataovy madio ny fonareo, ry mpiroa saina.
  Jakoba 4:8fahotanararinyfamerim-berenana
• Efa madio rahateo ianareo noho ny teniko, izay nolazaiko taminareo.
  Jaona 15:3Tenin'Andriamanitralahatenyfaharatsiana
• Misasà ianareo, diovy ny tenanareo,
  Esory tsy ho eo anoloan'ny masoko ny ratsy fanaonareo;
  Mitsahara, fa aza manao ratsy.
  Isaia 1:16fahotanafaharatsiana
• Fa raha mandeha eo amin'ny mazava isika, tahaka Azy eo amin'ny mazava, dia manana firaisana isika, ary ny ran'i Jesosy Zanany no manadio antsika ho afaka amin'ny ota rehetra.
  1 Jaona 1:7soronafiaraha-moninafahazavana
• Ry malala, ankehitriny aza dia zanak'Andriamanitra isika, nefa tsy mbola naseho izay ho toetsika rahatrizay. Fantatsika fa raha hiseho Izy, dia ho tahaka Azy isika, fa ho hitantsika Izy, dia izay tena endriny tokoa. Ary izay rehetra manana izany fanantenana miorina aminy izany dia manadio ny tenany mba hadio tahaka Azy.
  1 Jaona 3:2-3ankohonanalanitrazaza
• Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.
  Titosy 2:14soronahatsaram-panàhyfahotana
• Maro no hodiovina sy hofotsiana ary hozahan-toetra; fa ny ratsy fanahy kosa mbola hanao ratsy ihany, ary tsy hisy amin'ny ratsy fanahy hahafantatra, fa ny hendry no hahafantatra.
  Daniela 12:10fahotanamahatakatrafahendresena
• Hianareo lehilahy, tiava ny vadinareo, dia tahaka ny nitiavan'i Kristy ny fiangonana ka nanolorany ny tenany hamonjy azy, mba hahamasina azy amin'ny anadiovany azy amin'ny rano fanasana amin'ny teny.
  Efesiana 5:25-26fitiavanafandraisanafanambadiana
• Ary ankehitriny inona no mampijanona anao? Mitsangàna, miantsoa ny anarany, ary aoka hatao batisa ianao ka hosasana ho afaka amin'ny fahotanao.
  Asan'ny Apostoly 22:16batisafahotana
• Mainka fa ny ran i Kristy, Izay nanatitra ny tenany tsy manan-tsiny ho an'Andriamanitra, tamin'ny alalan'ny Fanahy mandrakizay, no hahadio ny fieritreretanareo ho afaka amin'ny asa maty mba hanompoanareo an'Andriamanitra velona.
  Hebreo 9:14JesosyFanahysorona
• Izay mamonjy anareo koa ankehitriny, dia ny batisa, izay tenan'io tandindona io,- tsy ny fanesorana ny fahalotoan'ny nofo anefa, fa ny fitadiavana ny fieritreretana tsara eo anatrehan'Andriamanitra, amin'ny nitsanganan'i Jesosy Kristy tamin'ny maty.
  1 Petera 3:21batisafamonjenafitsanganana amin'ny maty
• Izy koa no famirapiratan'ny voninahiny sy endriky ny tenany indrindra ary mihazona ny zavatra rehetra amin'ny herin'ny teniny; ary rehefa nanao fanadiovana hahafaka ny fahotana Izy, dia nipetraka teo amin'ny tanana ankavanan'ny Lehibe any amin'ny avo.
  Hebreo 1:3fahotanaTenin'Andriamanitra
• Avia ary hifandahatra isika, hoy Jehovah:
  Na dia tahaka ny jaky aza ny fahotanareo,
  Dia ho fotsy tahaka ny oram-panala,
  Na dia mangatrakatraka tahaka ny sily aza,
  Dia ho tahaka ny volon'ondry fotsy.
  Isaia 1:18fahotanafamelàn-kelokarà
• Fa efa nizaha toetra anay Hianao, Andriamanitra ô;
  efa nanadio anay Hianao, tahaka ny fanadio volafotsy amin'ny memy.
  Salamo 66:10fakam-panahyfijaliana
• Arionareo ankehitriny ary ny andriamani-kafa, izay eo aminareo. ka ampanatony an'i Jehovah, Andriamanitry ny Isiraely ny fonareo.
  Josoa 24:23sampyfo