Andinin-teny ao amin'ny Baiboly momba ny finoana

«»

• Koa lazaiko aminareo: Na inona na inona tononinareo amin'ny fivavahana sy angatahinareo, dia minoa fa efa nandray ianareo, dia ho azonareo izany.
  Marka 11:24fivavahanafahazoana
• Mba homeny anareo, araka ny haren'ny voninahiny, ny mba hohatanjahina fatratra amin'ny Fanahiny ny toe-panahinareo; mba hitoeran'i Kristy ao am-ponareo amin'ny finoana, ka hamaka sy hiorina mafy amin'ny fitiavana ianareo.
  Efesiana 3:16-17fitiavanaFanahy
• Ary ny finoana no fahatokiana ny amin'ny zavatra antenaina, fanehoana ny zavatra tsy hita.
  Hebreo 11:1fahamarinanafanantenana
• Fa finoana no andehanantsika, fa tsy fahitana.
  2 Korintiana 5:7fahatokisanafiainana
• Ary Andriamanitry ny fanantenana anie hameno anareo amin'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin'ny Fanahy Masina.
  Romana 15:13FanahyfanantenanaFanahy Masina
• Nefa aoka hangataka amin'ny finoana izy ka tsy hiahanahana akory; fa izay miahanahana dia toy ny alon-dranomasina entin'ny rivotra ka atopatopany.
  Jakoba 1:6fahatokisanafivavahana
• Fa raha tsy amin'ny finoana, dia tsy misy azo atao hahazoana sitraka aminy; fa izay manatona an'Andriamanitra dia tsy maintsy mino fa misy Izy sady Mpamaly soa izay mazoto mitady Azy.
  Hebreo 11:6fifalianavalisoamitady
• Hoy Jesosy taminy: Tsy voalazako va fa raha hino ianao, dia ho hitanao ny voninahitr'Andriamanitra?
  Jaona 11:40Jesosy
• Fa hoy Jesosy taminy: Hainao hoe? Ny zavatra rehetra dia hain'ny mino.
  Marka 9:23fahagaganafahasitranana
• Satria fantatrareo fa ny fizahan-toetra ny finoanareo dia mahatonga faharetana.
  Jakoba 1:3fakam-panahympidoroka
• Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.
  1 Petera 1:8-9fifalianafamonjena
• Ary na inona na inona no angatahinareo amin'ny fivavahana atao amin'ny finoana dia ho azonareo.
  Matio 21:22fitokisanafivavahana
• Hoy Jesosy taminy: Izaho no fananganana ny maty sy fiainana; izay mino Ahy, na dia maty aza, dia ho velona indray. Ary izay rehetra velona ka mino Ahy dia tsy ho faty mandrakizay. Mino izany va ianao?
  Jaona 11:25-26fahafatesanafitsanganana amin'ny matyfampanantenana
• Fa izay rehetra naterak'Andriamanitra dia maharesy izao tontolo izao; ary ny fandresena izay enti-maharesy izao tontolo izao dia ny finoantsika.
  1 Jaona 5:4Andriamanitrafandresenafahaterahana indray
• Ary raiso ny malemy finoana, nefa aza, mandray azy hitsaranareo ny eritreriny.
  Romana 14:1fiaraha-monina
• Fa ianao kosa, sy lehilahin'Andriamanitra, mandosira izany zavatra izany, ka miezaha mitady fahamarinana, toe-panahy araka an'Andriamanitra, finoana, fitiavana, faharetana, fahalemem-panahy.
  1 Timoty 6:11fitiavanarariny
• Miambena ianareo, tomoera tsara amin'ny finoana, aoka hitombandahy, mahereza.
  1 Korintiana 16:13tanjakaherim-pofankaherezana
• Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.
  Marka 10:52famonjenafahasitranana
• Ary na dia manana faminaniana aza aho ka mahalala ny zava-miafina rehetra sady manana ny fahalalana rehetra, ary na dia manana ny finoana rehetra aza aho ka mahafindra tendrombohitra, kanefa tsy manana fitiavana, dia tsinontsinona aho.
  1 Korintiana 13:2fitiavanafaminaniana
• Hoy Jesosy taminy: Izaho no mofon'aina; izay manatona Ahy tsy mba ho noana, ary izay mino Ahy tsy mba hangetaheta intsony.
  Jaona 6:35haninafiainanamofo
• Misy marary va eo aminareo? Aoka izy hampaka ny loholon'ny fiangonana; ary aoka hanosotra diloilo azy amin'ny anaran'ny Tompo ireo sady hivavaka eo aminy; ary ny fivavaky ny finoana dia hamonjy ilay marary, fa ny Tompo hanangana azy; ary raha nanota izy, dia havela ny helony.
  Jakoba 5:14-15aretinafivavahanafahasitranana
• Ny lalàn'ny fahamarinanao no fidiko;
  Apetrako eo anatrehako ny fitsipikao.
  Salamo 119:30lalànafahamarinana
• Fa amin'ny fo no inoana hahazoana fahamarinana, ary amin'ny vava no anekena hahazoana famonjena.
  Romana 10:10lahatenyfamonjenamanaiky
• Ary na Saraha aza, dia finoana koa no nandraisany hery hanan'anaka, rehefa nitsaha-jaza izy, satria nataony fa mahatoky Ilay efa nanome ny teny fikasana.
  Hebreo 11:11fahatokisanavalisoamamoa
• Fa amin'izany no anehoana fahamarinana avy amin'Andriamanitra avy amin'ny finoana sy ho amin'ny finoana, araka ny voasoratra hoe: Ny marina amin'ny finoana no ho velona.
  Romana 1:17rarinyfamonjena