Andinin-teny ao amin'ny Baiboly momba ny aretina

«»

• Misy marary va eo aminareo? Aoka izy hampaka ny loholon'ny fiangonana; ary aoka hanosotra diloilo azy amin'ny anaran'ny Tompo ireo sady hivavaka eo aminy; ary ny fivavaky ny finoana dia hamonjy ilay marary, fa ny Tompo hanangana azy; ary raha nanota izy, dia havela ny helony.
  Jakoba 5:14-15fivavahanafinoanafahasitranana
• Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.
  Eksodosy 23:25fiankohofanafitahianafahasalamana
• Ry malala, mangataka aho mba hambinina sy ho salama amin'ny zavatra rehetra anie ianao, tahaka izay anambinana ny fanahinao ihany.
  3 Jaona 1:2fitahianafivavahanaaina
• Mahasitrana ny torotoro fo Izy
  Sy mamehy ny feriny.
  Salamo 147:3fahasitrananafofahasalamana
• Nitondra ny aretintsika tokoa Izy
  sady nivesatra ny fahoriantsika;
  kanjo isika kosa nanao azy ho nokapohina
  sy nasian'Andriamanitra ary nampahorina.
  Isaia 53:4fijalianaJesosyfanomboana
• Ny fo ravoravo mahasalama tsara;
  Fa ny fanahy kivy mahamaina ny taolana.
  Ohabolana 17:22fahasitrananafofahalemena
• Jehovah ô, sitrano aho, dia ho sitrana;
  Vonjeo aho, dia ho voavonjy;
  Fa Hianao no fiderako.
  Jeremia 17:14fideranafahasitrananafamonjena
• Raha hazoto hihaino ny feon'i Jehovah Andriamanitrao ianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin'ny Egyptiana; fa Izaho no Jehovah Izay mahasitrana anao.
  Eksodosy 15:26mihainofahasitrananarariny
• Sitrano ny marary, atsangano ny maty, diovy ny boka, avoahy ny demonia; efa nahazo maimaimpoana ianareo, koa manomeza maimaimpoana.
  Matio 10:8fahasitrananamanomezafahazoana
• Koa mifaneke heloka ianareo, ary mifampivavaha, mba ho sitrana ianareo. Ny fiàsan'ny fivavaky ny marina dia mahery indrindra.
  Jakoba 5:16rarinyfahasitrananafivavahana
• Ary sitrano izay marary ao, ka lazao amin'ny olona hoe: Efa mby akaiky anareo ny fanjakan'Andriamanitra.
  Lioka 10:9fahasitrananamanodidinafanjakana
• Ny fanantenana tsy azo vetivety dia mankarary am-bavafo;
  Fa hazon'aina ny faniriana tanteraka.
  Ohabolana 13:12fanantenanafiainanafo
• Raha nangina aho, dia nihalany ny taolako rehetra,
  noho ny fitarainako mandrakariva.
  Salamo 32:3fahotanafibabohanalahateny
• Jehovah mampahiratra ny jamba
  Jehovah mampitraka ny mitanondrika;
  Jehovah tia ny marina.
  Salamo 146:8fahasitrananararinyfisaonana
• Natao tsinontsinona sy nolavin'ny olona Izy;
  lehilahy ory sady zatra ny fahoriana,
  Ary tahaka izay tsy tian'ny olon-kojerena akory Izy;
  natao tsinontsinona Izy ka tsy mba nahoantsika.
  Isaia 53:3fijalianaJesosy
• Ary nahare feo mahery avy teo amin'ny seza fiandrianana aho nanao hoe: Indro, ny tabernakelin'Andriamanitra dia eo amin'ny olona, ary Izy hitoetra eo aminy, ary ireo ho olony, ary Andriamanitra no hitoetra eo aminy, dia ho Andriamaniny. Ary hofafany ny ranomaso rehetra amin'ny masony; ary tsy hisy fahafatesana intsony, sady tsy hisy alahelo, na fitarainana, na fanaintainana; fa efa lasa ny zavatra taloha.
  Apokalypsy 21:3-4Andriamanitrafisaonanaahiahy
• Ary Jesosy nandeha eran'i Galilia ka nampianatra tao amin'ny synagogan'ny olona teo sy nitory ny filazantsaran'ny fanjakana ary nahasitrana ny aretina rehetra mbamin'ny rofy rehetra tamin'ny olona.
  Matio 4:23fitoriana ny filazantsarafanjakanafahasitranana