Andinin-teny ao amin'ny Baiboly momba ny fitiavana

«»

• Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.
  1 Korintiana 13:4-5faharetanahatezeranafitiavan-tena
• Izay rehetra ataonareo dia ataovy amin'ny fitiavana.
  1 Korintiana 16:14asa
• Ampandreneso ny famindram-ponao aho nony maraina,
  Fa Hianao no itokiako;
  Ampahalalao ahy izay lalana tokony halehako,
  Fa aminao no ananganako ny fanahiko.
  Salamo 143:8fahatokisanafandrindrana
• Ary aoka ho ambonin'izany rehetra izany ny fitiavana, fa fehin'ny fahatanterahana izany.
  Kolosiana 3:14fiaraha-moninalafatra
• Aoka tsy handao anao ny famindram-po sy ny fahamarinana;
  Afehezo eo am-bozonao izany,
  Ary soraty ao amin'ny fonao tahaka ny amin'ny vato fisaka,
  Ka dia hahazo fitia sy fahalalana tsara
  Eo anatrehan'Andriamanitra sy ny olona ianao.
  Ohabolana 3:3-4valisoafosarobidy
• Ary isika efa mahalala sy mino ny fitiavan'Andriamanitra antsika. Andriamanitra dia fitiavana; ary izay mitoetra amin'ny fitiavana no mitoetra ao amin'Andriamanitra, ary Andriamanitra ao aminy.
  1 Jaona 4:16fahatokisanaAndriamanitra
• Ary ankehitriny dia ireto telo ireto no mitoetra: ny finoana, ny fanantenana, ny fitiavana: fa ny fitiavana no lehibe amin'ireo.
  1 Korintiana 13:13finoanafanantenana
• Isika tia, satria Izy efa dia antsika taloha.
  1 Jaona 4:19Andriamanitra
• Amin'ny fanetren-tena rehetra sy ny fahalemem-panahy, amin'ny fahari-po mifandefitra amin'ny fitiavana.
  Efesiana 4:2fanetren-tenafaharetana
• Ary mihoatra noho ny zavatra rehetra, mifankatiava tsara; fa "ny fitiavana manarona fahotana maro".
  1 Petera 4:8fahotanamanaraka
• Aoka ny fitiavana ho amin'ny tsi-fihatsaram-belatsihy; mankahalà ny ratsy; mifikira amin'ny tsara.
  Romana 12:9faharatsianahatsaram-panàhy
• Mba homeny anareo, araka ny haren'ny voninahiny, ny mba hohatanjahina fatratra amin'ny Fanahiny ny toe-panahinareo; mba hitoeran'i Kristy ao am-ponareo amin'ny finoana, ka hamaka sy hiorina mafy amin'ny fitiavana ianareo.
  Efesiana 3:16-17finoanaFanahy
• Izao no didiko, dia ny mba hifankatiavanareo tahaka ny nitiavako anareo.
  Jaona 15:12lalànaJesosy
• Ary na dia manana faminaniana aza aho ka mahalala ny zava-miafina rehetra sady manana ny fahalalana rehetra, ary na dia manana ny finoana rehetra aza aho ka mahafindra tendrombohitra, kanefa tsy manana fitiavana, dia tsinontsinona aho.
  1 Korintiana 13:2finoanafaminaniana
• Ary ny Tompo anie hanitsy lalana ny fonareo ho amin'ny fitiavana an'Andriamanitra sy ho amin'ny faharetan'i Kristy.
  2 Tesaloniana 3:5fiovanafanarahanamahatoky
• Mety manadino ny zanany minono va ny vehivavy ka tsy hamindra fo amin'ny zanaka naloaky ny kibony? Eny, mety manadino ihany izy, Fa Izaho kosa tsy mba manadino anao. Indro, efa vitako tombo-kavatsa eo am-pelatanako ianao, ary ny mandanao dia eo anatrehako mandrakariva.
  Isaia 49:15-16ankohonanazazamamindra fo
• Mifankatiava araka ny fifankatiavan'ny mpirahalahy; mitariha lalana amin'ny fifanomezam-boninahitra.
  Romana 12:10manaraka
• Hianareo lehilahy, tiava ny vadinareo, dia tahaka ny nitiavan'i Kristy ny fiangonana ka nanolorany ny tenany hamonjy azy, mba hahamasina azy amin'ny anadiovany azy amin'ny rano fanasana amin'ny teny.
  Efesiana 5:25-26fanadiovanafandraisanafanambadiana
• Tsy mbola nisy olona nahita an'Andriamanitra na oviana na oviana. Raha mifankatia isika, dia mitoetra ato amintsika Andriamanitra, ary tanteraka ato amintsika ny fitiavany.
  1 Jaona 4:12Andriamanitramanaraka
• Ataovy toy ny fanombohan-kase ao am-ponao aho sy toy ny fanombohan-kase eo an-tsandrinao; Fa mahery toy ny fahafatesana ny fitiavana, masiaka tahaka ny fiainan-tsi-hita ny fahasaro-piaro; Ny lelafony dia lelafo midedadeda, eny, lelafon'i Jehovah.
  Tonon-kiran'i Solomona 8:6fofahafatesana
• Raha misy manao hoe: Tia an'Andriamanitra aho, nefa mankahala ny rahalahiny, dia mpandainga izy; fa izay tsy tia ny rahalahiny izay hitany, hataony ahoana no fitia an'Andriamanitra Izay tsy hitany?
  1 Jaona 4:20Andriamanitraankohonana
• Tsy misy manana fitiavana lehibe noho izao, dia ny manolotra ny ainy hamonjy ny sakaizany.
  Jaona 15:13soronanamana
• Tsy manan-tahotra ny fitiavana; fa ny fitiavana tanteraka mandroaka ny tahotra; fa mampahory ny tahotra. Fa izay matahotra dia tsy mbola tanteraka amin'ny fitiavana.
  1 Jaona 4:18tahotrasazy
• Satria malala eo imasoko ianao,
  eny, be voninahitra ianao sady tiako,
  dia olona no omeko ho solonao,
  ary firenena ho solon'ny ainao.
  Isaia 43:4famonjenafankaherezanasarobidy
• Fa araka ny voasoratra hoe: Izay tsy mbola hitan'ny maso ary tsy mbola ren'ny sofina, na niditra tao am-pon'ny olona, na inona na inona no efa namboarin'Andriamanitra ho an'izay tia Azy.
  1 Korintiana 2:9valisoa