Ditemana tša Bibele tša go bolela ka Lerato

«»

• Lerato le na le mamello, lerato le mosa; ha le na mohono, ha le na boikakaso, ha le na boikgohomoso, ha le na mekgwa e mebe, ha le ikgopolele, ha le halefe, ha le na disuwa.
  1 BAKORINTHE 13:4-5bopelotelelepefelogo inaganela o le tee
• Etsang tsohle ka lerato.
  1 BAKORINTHE 16:14mošomo
• Etsa hore ke tsebe mohau wa hao,
  ke o tsebe e sa le hoseng,
  hobane ke o tshepile;
  mpontshe tsela
  eo nka tsamayang ka yona,
  hobane ke o rapela
  ka moya wa ka wohle.
  PESALEMA 143:8tshepopeakanyo
• Hodima tsena tsohle, ebang le lerato, e leng lona le tlamahanyang tsohle hore di phethehe.
  BAKOLOSE 3:14setšhabago hloka bosodi
• Eba le lerato, o be le botshepehi,
  molaleng wa hao o itlame ka tsona;
  o di ngole tlapeng la pelo ya hao.
  O tla ratwa ke Modimo le batho,
  o iketsetse lebitso mahlong a bona.
  MAELE 3:3-4moputsopelobohlokwa
• Rona re tsebile, ebile re dumetse lerato leo Modimo a nang le lona ho rona.
  Modimo ke lerato. Ya phelang leratong o phela ka ho Modimo, le Modimo o phela ka ho yena.
  1 JOHANNE 4:16tshepoModimo
• Jwale tsena tse tharo, e leng tumelo, le tshepo, le lerato, di tla nne di be teng, empa e kgolo ho tsona ke lerato.
  1 BAKORINTHE 13:13tumelokholofelo
• Rona re na le lerato, hobane yena o re ratile pele.
  1 JOHANNE 4:19Modimo
• Ka boikokobetso bohle, le bonolo, le boiphapanyo, le ka ho mamellana ka lerato.
  BAEFESE 4:2boikokobetšobopelotelele
• Ho feta tsohle le ratane ka lerato le mofuthu, hobane lerato le tlosa dibe tse ngata.
  1 PETROSE 4:8sebemoagišane
• Lerato le hloke boikaketsi. Hloyang bobe, kgomarelang botle.
  BAROMA 12:9mpebotse
• Ka ho ya ka boholo ba tlotla ya hae, a ke a le ekeletse matla ka Moya wa hae le tle le matlafale bothong ba lona ba moya, e le hore, ka tumelo, Kreste a ahe ka dipelong tsa lona. Le tsitse, le tiye leratong.
  BAEFESE 3:16-17tumeloMoya wa Modimo
• Ena ke taelo ya ka, hore le ratane jwalokaha ke le ratile.
  JOHANNE 15:12molaoJesu
• Leha nka ba le neo ya boporofeta, mme ka tseba diphiri tsohle tsa Modimo, ka ba ka di utlwisisa, esita leha nka ba le tumelo yohle e hlokahalang ho suthisa dithaba, empa ke se na lerato, ha ke letho.
  1 BAKORINTHE 13:2tumeloporofeto
• Morena a ke a sokollele dipelo tsa lona leratong la Modimo le tiisetsong e kang ya Kreste.
  2 BATHESALONIKA 3:5phetošogo latelago ba le tumelo
• “Na mosadi a ka lebala lesea
  leo a le anyesang,
  a se ka hauhela ngwana
  wa popelo ya hae?
  Leha yena a ka lebala,
  nna ha nka ke ka o lebala!”
  Bona! ke ngotse bitso la hao
  kahara diatla tsa ka,
  marako a hao
  ke ntse ke a bona kamehla.
  ESAEA 49:15-16lapabanakwelobohloko
• Ratanang jwaloka bana ba motho, le hlodisane ha le hlomphana.
  BAROMA 12:10moagišane
• Le lona banna, ratang basadi ba lona, jwalokaha le Kreste a ratile kereke, mme a e teletse bophelo ba hae. O ratile ho e halaletsa, ka ho e hlwekisa ka tlhatsuo ya metsi, le ka lentswe.
  BAEFESE 5:25-26tlhwekišoditswalanolenyalo
• Ha ho ya kileng a bona Modimo le ka mohla. Ha re ratana, Modimo o phela ka ho rona, mme lerato la hae le phethehile ka ho rona.
  1 JOHANNE 4:12Modimomoagišane
• Mpee fubeng sa hao
  jwaloka setempe,
  jwaloka lesekana
  nthwale tsohong la hao,
  hoba matla a lerato
  a tshwana le a lefu,
  sehloho sa lefufa
  se tshwana le sa lebitla.
  Lerato le tuka sa kganare
  e tlola ditlhase,
  jwaloka tetema e laima malakabe!
  SEFELA SA LIFELA 8:6pelolehu
• Ha e mong a re: “Ke rata Modimo,” empa a hloile ngwanabo, o leshano, hobane ya sa rateng ngwanabo, eo a mmonang, ha a ka ke a rata Modimo eo a esong ho mmone.
  1 JOHANNE 4:20Modimolapa
• Ha ho ya nang le lerato le fetang lena, la hore motho a telle metswalle ya hae bophelo ba hae.
  JOHANNE 15:13sehlabelosegwera
• Tshabo ha e yo leratong, empa lerato le phethehileng le qhala tshabo, hobane tshabo e tsamaya le kotlo. Ya nang le tshabo ha a a phetheha leratong.
  1 JOHANNE 4:18letšhogokotlo
• Kaha o bile ntho ya bohlokwa,
  o hlompheha mahlong a ka,
  hobane ke o rata,
  ke tla fana ka batho
  bakeng sa hao,
  ke fane ka ditjhaba
  bakeng sa bophelo ba hao.
  ESAEA 43:4phološotlhohleletšobohlokwa
• Empa jwalokaha ho ngotswe,
  “Tseo leihlo le sa kang la di bona,
  tsebe e sa kang ya di utlwa,
  le kelello ya motho
  e sa kang ya di lekanya,
  ke tsona tseo Modimo
  a di lokiseditseng ba mo ratang.”
  1 BAKORINTHE 2:9moputso