Ditemana tša Bibele tša go bolela ka Phološo

«»

• Ha ho e mong ya pholosang ntle ho yena, hobane ha ho na lebitso le leng lesele tlasa letsatsi, le neilweng batho, leo re tshwanelang ho pholoswa ka lona.
  DIKETSO 4:12Jesu
• Ba re: “Dumela ho Morena Jesu, mme wena le ba lelapa la hao le tla pholoswa.”
  DIKETSO 16:31tumelolapabana
• Ya re pholositseng, mme ya re bitseditseng hore re halalele, e seng ka baka la mesebetsi ya rona, empa e le ka baka la morero wa hae le mohau wa hae. O re file mohau ona ka Kreste Jesu, mehla e eso be teng.
  2 TIMOTHEA 1:9kgaugelokgalalelopitšo
• Ke ho Modimo feela
  moo moya wa ka o ka phomolang,
  pholoho ya ka e tswa ho yena.
  PESALEMA 62:2khutšamoya
• Mme mang le mang
  ya tla rapela Morena
  o tla pholoswa!
  DIKETSO 2:21go direla/hlankelathapelo
• Kapa na ha le tsebe hore ba kgopo ba ke ke ba eja lefa la Mmuso wa Modimo? Le se ke la ithetsa: dihlola, le basebeletsi ba medimo ya bohata, le difebe, le ba janang maotwana, le mashodu, le ditlofa, le matahwa, le ba ditlhapa, le dinokwane, ba ke ke ba eja lefa la Mmuso wa Modimo.
  1 BAKORINTHE 6:9-10sebemmušomedimo e šele
• Motho o dumela ka pelo hore a tle a lokafatswe, mme o bolela tumelo ya hae ka molomo hore a tle a pholoswe.
  BAROMA 10:10tumelogo bolelago laetša
• Mohau wa Modimo, o pholosang batho bohle, o bonahetse. O re ruta ho tela bokgopo le ditakatso tsa lefatshe, re tle re phele re le sedi, re lokile, re ena le borapedi mehleng ya jwale.
  TITE 2:11-12kgaugelobolokilefase
• Hobane Mora Motho o tlile ho batla le ho pholosa ba lahlehileng.
  LUKA 19:10Jesugo nyaka
• Morena ha a diehe ho phethahatsa ditshepiso tsa hae, jwalokaha ba bang ba lekanya hore o a dieha. Empa o a le mamella, hobane ha a rate ha ho ka timela leha a le mong, empa o rata hore bohle ba bake.
  2 PETROSE 3:9bopeloteleletshokologoboitsholo
• Jesu a re: “Tse sitang batho ha di site Modimo.”
  LUKA 18:27mehloloJesu
• Kenang ka kgoro e patisaneng, hobane kgoro e isang timelong e hebehebe, le tsela e yang teng e sephara, mme ba kenang ka yona ba bangata, empa kgoro e isang bophelong e patisane, le tsela e yang teng e boima, mme ba e fumanang ha ba bakae.
  MATHEU 7:13-14bophelo bjo bo sa felego
• Ya tla dumela, a be a kolobetswe, o tla pholoswa; athe ya sa tlo dumela o tla tsuwa.
  MAREKA 16:16tumelokolobetšokahlolo
• Ka mokgwa o jwalo le Kreste o ile a inyehela hanngwe, ho tlosa dibe tsa ba bangata. Mohla a tlang kgetlo la bobedi, sebe se se se fedisitswe, o tla iponahatsa ho ba mo lebeletseng hore a ba pholose.
  BAHEBERU 9:28sebesehlabelo
• Yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang, hobane le tla amohela moputso wa tumelo ya lona, e leng pholoho ya lona.
  1 PETROSE 1:8-9tumelolethabo
• Hobane ke ka mohau le pholositsweng ka ho dumela. Hona hase ho tswang ho lona, ke mpho ya Modimo; hase ho tswang mesebetsing ya lona, esere e mong wa lona a ithorisa.
  BAEFESE 2:8-9kgaugelotumelo
• Jwalokaha bohle ba eshwa ka baka la Adama, bohle ba tla boela ba phela ka baka la Kreste.
  1 BAKORINTHE 15:22lehubophelo
• Morena o re laetse tjena:
  “ ‘Ke o entse lesedi la ditjhaba,
  hore o ise pholoho
  le dipheletsong tsa lefatshe!’ ”
  DIKETSO 13:47boebangediseetša
• Ha ke hlajwe ke dihlong ho bolela molaetsa o molemo, hobane wona ke matla a Modimo, a pholosang mang le mang ya dumelang, Mojuda pele, le yena moditjhaba.
  BAROMA 1:16tumeloboebangedi
• Ho thata hore motho a shwele ya lokileng; mohlomong motho a ka beta pelo ho shwela ya molemo, empa Modimo o bontshitse lerato la hae ho rona, ka hore Kreste a re shwele ha re ne re sa le baetsadibe.
  BAROMA 5:7-8sebelehu
• Modimo ha a a ka a roma Mora wa hae lefatsheng ho ahlola lefatshe, empa e le hore lefatshe le pholoswe ka yena.
  JOHANNE 3:17Jesukahlololefase
• Haeba re boelantswe le Modimo ka lefu la Mora wa hae, ha re ne re sa ntse re le dira tsa Modimo, re tla pholoswa ho feta hakaakang ka bophelo ba Kreste, ha re se re boelantswe le Modimo!
  BAROMA 5:10Mophološipoelano
• O nnea thebe ya hao e pholosang,
  letsoho la hao le letona
  le a ntshehetsa,
  paballo ya hao e a nkgodisa.
  O ntlhekela tsela e batsi,
  maoto a ka ha a thelle.
  PESALEMA 18:36-37Lentšu la Modimotšhireletšo
• Jesu a re ho sona: “Eya, tumelo ya hao e o fodisitse.” Hanghang Baretimea a boela a bona, mme a latela Jesu tseleng.
  MAREKA 10:52tumelopholo
• Jesu a ba tadima, mme a re: “Hona ho sita batho, e seng Modimo, hobane Modimo ha a sitwe ke letho.”
  MAREKA 10:27mehloloJesu