Ditemana tša Bibele tša go bolela ka Bopelotelele
- Ya diehang ho halefa
o na le kutlwisiso,
athe sefelapelwana
se bontsha bothoto. - Lerato le na le mamello, lerato le mosa; ha le na mohono, ha le na boikakaso, ha le na boikgohomoso, ha le na mekgwa e mebe, ha le ikgopolele, ha le halefe, ha le na disuwa.
- Thabang ka baka la tshepo ya lona, mamellang matshwenyehong, tiisetsang thapelong.
- Ka boikokobetso bohle, le bonolo, le boiphapanyo, le ka ho mamellana ka lerato.
- Empa ha re tshepile ho fumana seo re esong ho be le sona, re se lebella ka mamello.
- Re se kgathale ho etsa tse molemo, hobane re tla kotula ka nako e lokelang, haeba re sa tepelle.
- Ya nang le mamello
o molemo ho feta ya dikgoka,
ya itshwarang ha a halefile
o feta ya hapang motse. - Kgoba matshwafo, o lebelle Morena;
o se ke wa itlhonamisa
ka eo tsohle di mo atlang,
e leng
ya phethang merero e kgopo. - Lebella Morena, o be sebete;
tiya pelo, o lebelle Morena. - Morena o tla le lwanela, lona le ntse le itholetse!
- Morena ha a diehe ho phethahatsa ditshepiso tsa hae, jwalokaha ba bang ba lekanya hore o a dieha. Empa o a le mamella, hobane ha a rate ha ho ka timela leha a le mong, empa o rata hore bohle ba bake.
- Kaha le le bakgethwa ba Modimo, ba halaleditsweng, ba ratwang ke yena, ebang le kutlwelobohloko, le mosa, le boikokobetso, le bonolo, le boiphapanyo.
- Jwale Modimo ya re fang mamello le matshediso a ke a le nee maikutlo a le mang ho ya ka thato ya Kreste Jesu.
- Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo. - Hoseng o utlwa sello sa ka;
hoseng ke lokisa sehlabelo,
mme ke lebella karabelo ya hao. - Empa Morena o rata ho le hauhela,
o labalabela ho tla le rekolohela,
hobane Morena
ke Modimo wa toka,
ho lehlohonolo bohle
ba mo lebeletseng. - Morena o na le kutlwelobohloko,
Morena o mosa;
o dieha ho halefa, o tletse mohau. - Empa ya tla tiisetsa ho fihlela qetellong, yena o tla pholoswa.
- Empa ha e le mona ke hauhetswe, e ne e le hore Kreste Jesu a bonahatse ka nna mamello e tletseng ya hae, ke tle ke be mohlala ho bohle ba tlang ho dumela ho yena, e le hore ba fumane bophelo bo sa feleng.
- Feela, baratuwa, ntho eo le sa tshwanelang ho e lebala ke ena: Ho Morena letsatsi le le leng le jwaloka dilemo tse sekete, mme le dilemo tse sekete di jwaloka letsatsi le le leng.
- Phatlalatsa lentswe, o pheelle ho le bolela, ebang le a amohelwa kapa ha le amohelwe; nyatsa, kgalemela, kgothatsa, o ntse o ruta ka mamello yohle.
- Ka hona fadimehang, hobane ha le tsebe letsatsi leo Morena wa lona a tla tla ka lona.
- Ke tla tla kapele. Kgomarela ho seo o nang le sona, e le hore ho tle ho se ba ye ka o amohang mofapahlooho wa hao.
- Pelo tsa lona di ke di swabe,
ho ena le ho hahola
diaparo tsa lona.
Kgutlelang ho Morena,
Morena Modimo wa lona,
hobane o mosa, o mohau,
o dieha ho halefa,
o tletse lerato,
o hauhela ba etsang bokgopo. - Letshepa la ba lokileng
le hlahisa thabo,
athe la ba kgopo lona le a nyamela.
Dihlogotaba tša go tswalana
Lerato
Lerato le na le...
Pheletso ya nako
Ho se be ya...
Boloki
Ya thahasellang ho loka...
Kgaugelo
Ka baka leo, a...
Go boya la bobedi
Ka baka leo, le...
Pefelo
Ha le halefile le...
Temana ya Bibele ya lehono
Ba batlang tlotla le hlompho le ho se shwe, ka ho tiisetsa ho etsa tse lokileng, o tla ba nea bophelo bo sa feleng.Amogela Temana ya Bibele ya Letšatši ka Letšatši:
Tsebišo ya letšatši ka letšatšiEmeileFacebookAndroid-appWeposaeteng ya gagoTemana ya Bibele ya go se kgethwe ka maikemišetšo
Lentswe la haoke lebone maotong a ka,
ke lesedi tseleng ya ka.Temana ya go latela!