Amavesi EBhayibheli ngokubekezela

«»

• Owephuza ukuthukuthela unokuqonda okuningi,
  kepha isififane siyaphakamisa ubuwula.
  IzAga 14:29inhlakaniphoukuqondaintukuthelo
• Uthando luyabekezela, uthando lumnene, alunamhawu, uthando aluzigabisi, aluzikhukhumezi; aluziphathi ngokungafanele, aluzifuneli okwalo, alucunuki, alunagqubu.
  1 kwabaseKorinte 13:4-5uthandointukutheloubugovu
• Ethembeni nithokoze; osizini nibekezele; ekukhulekeni niqinisele njalo.
  KwabaseRoma 12:12injabuloumkhuleko
• Ngokuthobeka konke nobumnene, ngokubheka kade nokubekezelelana ngothando.
  Kwabase-Efesu 4:2uthandoukuthobeka
• Kodwa uma sithemba lokho esingakuboniyo, siyakulindela ngokubekezela.
  KwabaseRoma 8:25ukwethembangiyethemba
• Kepha masingakhathali ekwenzeni okuhle, ngokuba siyakuvuna ngesikhathi esifaneleyo, uma singadangali.
  KwabaseGalathiya 6:9ukulungaumvuzoisivuno
• Owephuza ukuthukuthela muhle kuneqhawe,
  nobusa umoya wakhe kunonqoba umuzi.
  IzAga 16:32ukuthulaukuzithiba
• Thula phambi kukaJehova,
  ulindele yena;
  ungakhathazeki ngonenhlanhla endleleni yakhe,
  ngomuntu osongoza amacebo amabi.
  AmaHubo 37:7thembekaukuphila
• Lindela uJehova, uqine,
  inhliziyo yakho ime isibindi;
  yebo, lindela uJehova.
  AmaHubo 27:14ukwethembaisibindi
• UJehova uzakunilwela, nothula nina.
  U-Eksodusi 14:14ukuncikaukuvikela
• INkosi ayilibali ngesithembiso sayo, njengalokhu abanye bathi kungukulibala, kepha iyanibekezelela, ingathandi ukuba kubhubhe namunye, kodwa ukuba bonke beze ekuphendukeni.
  2 kaPetru 3:9insindisoukuguqulwaukuphenduka
• Ngakho-ke njengabakhethiweyo bakaNkulunkulu, abangcwele nabathandekayo, yembathani ububele benhliziyo, nesisa, nokuzithoba, nobumnene, nokubheka kade.
  KwabaseKolose 3:12ukuthobekaubumneneububele
• Kepha uNkulunkulu wokubekezela nowenduduzo makaniphe nibe nokuqonda kunye phakathi kwenu ngokukaKristu Jesu.
  KwabaseRoma 15:5umphakathiisikhuthazoumduduzi
• Ngokuba ukuthukuthela kwakhe kuba ngokomzuzwana nje,
  umusa wakhe uba ngowokuphila konke;
  kusihlwa kungena ukukhala,
  ekuseni ukujabula.
  AmaHubo 30:5uthandoukudabuka
• Jehova, ekuseni uyalizwa izwi lami;
  ekuseni ngiyakuzibika kuwe, ngilinde.
  AmaHubo 5:3umkhulekoukulalela
• Ngalokho uJehova uyakulindela
  ukuba abe nomusa kini;
  nangalokhu uyakuphakama ukuba abe nesihe kini,
  ngokuba uJehova unguNkulunkulu wokwahlulela;
  babusisiwe bonke abamhlalelayo.
  U-Isaya 30:18umusaukulungaububele
• UJehova unobubele nesihawu;
  wephuza ukuthukuthela, kuvama umusa.
  AmaHubo 103:8umusauthando
• Kodwa okhuthazelayo kuze kube sekupheleni nguyena oyakusindiswa.
  NgokukaMathewu 24:13insindisoukuphela kwesikhathi
• Kepha ngahawukelwa ngalokhu ukuze uJesu Kristu abonakalise kimi engingesikhulu konke ukubekezela kwakhe, ngibe yisibonelo kwabazakukholwa nguye, baze babe nokuphila okuphakade.
  1 kuThimothewu 1:16ukuphila okungunaphakadeUJesu
• Kodwa, bathandekayo, maningakhohlwa lento inye yokuthi kuyo iNkosi usuku lunye lunjengeminyaka eyinkulungwane nokuthi iminyaka eyinkulungwane injengosuku lunye.
  2 kaPetru 3:8UNkulunkuluukuza kwesibiliukuphela kwesikhathi
• Shumayela izwi, uqinise, noma kuyisikhathi noma kungesiso; sola, ukhuze, uyale ngakho konke ukubekezela nokufundisa.
  2 kuThimothewu 4:2ukuvangelaisijeziso
• Ngakho-ke lindani, ngokuba anazi ukuthi iNkosi yenu iyakufika ngaluphi usuku.
  NgokukaMathewu 24:42ukuza kwesibiliukuphela kwesikhathi
• Ngiyeza masinyane; bambisisa lokho onakho, ukuze kungabikho muntu okwamuka umqhele wakho.
  IsAmbulo 3:11ukuza kwesibiliumvuzo
• Niklebhule inhliziyo yenu,
  hhayi izingubo zenu,
  niphendukele kuJehova uNkulunkulu wenu,
  ngokuba yena unomusa,
  unobumnene,
  wephuza ukuthukuthela,
  unesihe esikhulu,
  uhawukela nomubi.
  UJoweli 2:13inhliziyoumusauthando
• Ngokuba nidinga ukubekezela, ukuze seniyenzile intando kaNkulunkulu namukele isithembiso.
  KumaHeberu 10:36ukulalela umthethoukwamukelaizethembiso