Amavesi EBhayibheli ngomvuzo

«»

• Konke enikwenzayo kwenzeni ngenhliziyo, kungathi kwenzelwa iNkosi, qha abantu, nazi ukuthi niyakwamukela umvuzo wefa eNkosini. Khonzani iNkosi uKristu.
  KwabaseKolose 3:23-24 ukuphila ukwamukela umsebenzi
• Oyakuvuza yilowo nalowo ngokwemisebenzi yakhe.
  KwabaseRoma 2:6 ukulunga
• Ngakho-ke, bazalwane bami abathandekayo, yibani ngabagxilile, abangaxegiyo, abavame njalo emsebenzini weNkosi, nazi ukuthi ukusebenza kwenu akusilo ize eNkosini.
  1 kwabaseKorinte 15:58 ukulalela umthetho isikhuthazo umsebenzi
• Kepha masingakhathali ekwenzeni okuhle, ngokuba siyakuvuna ngesikhathi esifaneleyo, uma singadangali.
  KwabaseGalathiya 6:9 ukulunga ukubekezela isivuno
• Inkosi yakhe yathi kuye: ‘Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.’
  NgokukaMathewu 25:21 thembekile isibusiso ukukhonza
• Isihhe neqiniso makungakushiyi;
  kubophe entanyeni yakho,
  ukulobe esibhebheni senhliziyo yakho,
  ukuze uthole umusa nodumo oluhle emehlweni kaNkulunkulu nabantu.
  IzAga 3:3-4 uthando inhliziyo kuyigugu
• Isipho somuntu siyamenzela indawo,
  simholele kwabakhulu.
  IzAga 18:16 ukupha
• Ubusisiwe umuntu okhuthazela ekulingweni; ngokuba esevivinyekile uyakwamukeliswa umqhele wokuphila othenjisiwe yiNkosi kwabayithandayo.
  EkaJakobe 1:12 isilingo ukuphila
• Kepha kunjengokuba kulotshiwe ukuthi:
  “Lokho iso elingakubonanga,
  nendlebe engakuzwanga,
  okungavelanga enhliziyweni yamuntu,
  uNkulunkulu akulungisela abamthandayo.”
  1 kwabaseKorinte 2:9 uthando
• Umvuzo wokuthobeka kokumesaba uJehova
  uyingcebo, nodumo, nokuphila.
  IzAga 22:4 ukuthobeka mangala
• Ngakho-ke nxa wabela isipho, ungakhalisi icilongo phambi kwakho, njengalokhu kwenza abazenzisi emasinagogeni nasemigwaqweni ukuba badunyiswe ngabantu. Ngiqinisile ngithi kini: Sebewamukele umvuzo wabo.
  NgokukaMathewu 6:2 ukuthobeka ukupha
• Niyakuhamba njalo endleleni uJehova uNkulunkulu wenu aniyale ngayo, ukuze niphile, kube kuhle kini, nandise izinsuku zenu ezweni eniyakulidla.
  UDuteronomi 5:33 ukulalela umthetho ukulandela
• Ngijonge emgomeni, emklomelweni wokubizwa okukhulu kwaphezulu nguNkulunkulu kuJesu Kristu.
  KwabaseFilipi 3:14 UJesu ubizo
• Yiphani, khona niyakuphiwa; bayakunipha esifubeni senu isilinganiso esihle, esigxushiweyo, esigqishiweyo, esichichimayo; ngokuba ngesilinganiso enilinganisa ngaso nani niyakulinganiselwa ngaso.
  NgokukaLuka 6:38 ukupha ukwamukela isisa
• Celani, khona nizakuphiwa; funani, khona nizakufumana; ngqongqothani, khona nizakuvulelwa.
  NgokukaMathewu 7:7 ukufuna ukwamukela izethembiso
• Ngakho uma nenza okuhle kwabenza okuhle kini, ninakubongwa kuni na? Ngokuba nezoni zenza khona lokho.
  NgokukaLuka 6:33 ukulunga
• Kepha-ke ngaphandle kokukholwa akwenzeki ukumthokozisa; ngokuba ozayo kuNkulunkulu umelwe ukukholwa ukuthi ukhona nokuthi ungumvuzi walabo abamfunayo.
  KumaHeberu 11:6 inkolo injabulo ukufuna
• Uma nina niselapho nimfuna uJehova uNkulunkulu wenu, niyakumfumana, uma nimfuna ngayo yonke inhliziyo yenu nangawo wonke umphefumulo wenu.
  UDuteronomi 4:29 UNkulunkulu umphefumulo
• Kepha abaningi abokuqala bayakuba ngabokugcina, nabokugcina babe ngabokuqala.
  NgokukaMathewu 19:30
• Bheka, ngiyeza masinyane, nomvuzo wami unami ukumnika yilowo nalowo njengokomsebenzi wakhe.
  IsAmbulo 22:12 ukuza kwesibili ukuphela kwesikhathi UJesu
• Omubi uthola inzuzo yenkohliso,
  kepha ohlwanyela ukulunga unomvuzo oqinisekileyo.
  IzAga 11:18 isibi ukulunga
• Kepha wena, nxa ukhuleka, ngena ekamelweni lakho, uthi usuvale umnyango wakho ukhuleke kuYihlo osekusithekeni; noYihlo obona ekusithekeni uzakukuvuza.
  NgokukaMathewu 6:6 UBaba umkhuleko
• Ngalokho zithobeni phansi kwesandla sikaNkulunkulu esinamandla, ukuze aniphakamise ngesikhathi esifaneleyo.
  1 kaPetru 5:6 ukuthobeka
• Funani okuhle, hhayi okubi,
  ukuze niphile,
  abe nani uJehova uNkulunkulu Sebawoti kanjalo,
  njengalokhu nisho.
  U-Amose 5:14 ubungcwele ukufuna
• Inhliziyo iyakhohlisa ngaphezu kwakho konke,
  futhi imbi;
  ngubani ongayazi na?
  “Mina Jehova ngivivinya inhliziyo,
  ngihlola izinso ukuba nginike,
  kube yilowo nalowo
  njengezindlela zakhe,
  njengezithelo zezenzo zakhe.”
  UJeremiya 17:9-10 ukuphila inhliziyo