Amavesi EBhayibheli ngesibi

«»

• Kepha kanazi yini ukuthi abangalungile abayikulidla ifa lombuso kaNkulunkulu na? Ningadukiswa. Nazifebe, nabakhonza isithombe, naziphingi, nazihlobongi, nabesilisa abalalanayo, namasela, nabahahayo, nazidakwa, nazithuki, nabaphangi abayikulidla ifa lombuso kaNkulunkulu.
  1 kwabaseKorinte 6:9-10insindisoumbusoizithombe ezibaziweyo
• Uma sizivuma izono zethu, uthembekile, ulungile ukuba asithethelele izono, asihlambulule kukho konke ukungalungi.
  1 kaJohane 1:9ukuhlanzwaokubiukuphenduka
• Ngokuba bonke bonile, basilalelwe inkazimulo kaNkulunkulu; balungisisiwe ngesihle ngomusa wakhe ngokuhlengwa okukuKristu Jesu.
  KwabaseRoma 3:23-24umusaUMsindisiukuvuma izono
• Ngakho-ke bulalani amalungu enu asemhlabeni, ubufebe, nokungcola, nokuhuheka, nokukhanuka, nesangabe, okungukukhonza izithombe.
  KwabaseKolose 3:5izifisoukuthanda izinto ezibambekayoizithombe ezibaziweyo
• Kunjani, pho, na? Siyakona ngokuba singephansi komthetho kodwa phansi komusa na? Qha nakanye.
  KwabaseRoma 6:15umusaumthethoinkululeko
• Qinisa izinyathelo zami ezwini lakho;
  makungangibusi nobubodwa ububi.
  AmaHubo 119:133ukulandelaokubiusathane
• Kepha uma umfowenu ekona, hamba umsole ninodwa naye. Uma ekuzwa, woba umzuzile umfowenu.
  NgokukaMathewu 18:15ukukhulumaukulalelaukubuyisana
• Ziphingi, anazi yini ukuthi ukuthanda izwe kungubutha kuNkulunkulu na? Ngakho lowo othanda ukuba ngumhlobo wezwe, umi eyisitha sikaNkulunkulu.
  EkaJakobe 4:4UNkulunkuluubunganiumhlaba
• Ngihawukele, Nkulunkulu,
  ngokomusa wakho;
  yesula iziphambeko zami ngokobubele bakho obukhulu.
  Ngigezisise ebubini bami,
  ungihlanze esonweni sami.
  AmaHubo 51:1-2isiheukuhlanzwa
• Ohamba ngobuqotho uhamba ngokulondeka,
  kepha ohlanekezela izindlela zakhe uyakwaziwa.
  IzAga 10:9ukuphephaukuphilaukuqamba amanga
• Umuntu omuhle uveza okuhle emfuyweni enhle yenhliziyo, nomubi uveza okubi emfuyweni embi; ngokuba umlomo wakhe ukhuluma ngokuchichima kwenhliziyo.
  NgokukaLuka 6:45ukukhulumaisibusiso
• Ubhekelani ucezwana olusesweni lomfowenu, kepha ugongolo olusesweni lakho awuluboni, na?
  NgokukaMathewu 7:3ukwahlulela
• Kunakho konke yibani nokuthandana okunganqamukiyo, ngokuba uthando lusibekela inqwaba yezono.
  1 kaPetru 4:8uthandoumakhelwane
• Ubusisiwe umuntu ongahambi ngeziluleko zababi,
  ongemi endleleni yezoni,
  ongahlali enkundleni yabaklolodayo.
  AmaHubo 1:1ukulungaisibusiso
• Uma sithi sinenhlanganyelo naye sibe sisahamba ebumnyameni, sinamanga, asenzi iqiniso.
  1 kaJohane 1:6thembekaiqinisoukuqamba amanga
• Ningahlanganyeli imisebenzi yobumnyama engenazithelo, kepha kunalokho niyidalule; ngokuba okwenziwa yibo ngasese kuyihlazo nokukhuluma ngakho.
  Kwabase-Efesu 5:11-12ukukhulumaizithombe ezibaziweyoukuthela
• Wayesethi: “Okuphumayo kumuntu yilokho okumngcolisayo umuntu; ngokuba ngaphakathi enhliziyweni yabantu kuphuma imicabango emibi, nobufebe, nokweba, nokubulala, nokuphinga, nokufisa, nokushinga, nenkohliso, nokungabi nanhloni, neso elibi, nokuhlambalaza, nokuzidla, nobuwula. Zonke lezo zinto ezimbi zivela ngaphakathi, zimngcolise umuntu.”
  NgokukaMarku 7:20-23ukuhlanzwaisilingointukuthelo
• Bazalwane, uma umuntu ehlelwa yisiphambeko, nina bomoya mbuyiseni onjalo ngomoya wobumnene; uzibheke wena, funa uyengwe nawe.
  KwabaseGalathiya 6:1isilingoizifisoukuguqulwa
• Emlonyeni munye kuphuma ukubusisa nokuqalekisa. Akufanele, bazalwane bami, ukuba lokho kube kanjalo.
  EkaJakobe 3:10ukukhulumakhulekelaisibusiso
• Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
  1 kaPetru 2:24ukulungaukuphulukisaumzimba
• Sondelani kuNkulunkulu, khona uyakusondela kinina. Hlanzani izandla nina zoni, nihlambulule izinhliziyo nina bonhliziyombili.
  EkaJakobe 4:8ukuhlanzwaukulungaukuphenduka
• Ofihla iziphambeko zakhe akayikuphumelela,
  kepha ozivumayo azishiye uyakuthola umusa.
  IzAga 28:13ukuvuma izonoisiheintethelelo
• Kunjalo noKristu, esenikelwe kanye ukuba athwale izono zabaningi, uyakubonakala ngokwesibili ngaphandle kwesono kulabo abamlindeleyo, kube ngukusindiswa.
  KumaHeberu 9:28umhlatsheloinsindiso
• Ngokuba ngemisebenzi yomthetho akukho nyama eyakulungisiswa phambi kwakhe; ngokuba ngomthetho kukhona ukwazi isono.
  KwabaseRoma 3:20umthethoukulunga
• Kepha ubufebe, nakho konke ukungcola, noma isangabe, makungaphathwa nangegama phakathi kwenu, njengokuba kufanele abangcwele.
  Kwabase-Efesu 5:3ukwemanaubungcweleucansi