Amavesi EBhayibheli ngokukhuluma

«»

• Ukufa nokuphila kusemandleni olimi,
  nabaluthandayo bayakudla izithelo zalo.
  IzAga 18:21 isibusiso ukuzithiba ukuthela
• Umuntu omuhle uveza okuhle emfuyweni enhle yenhliziyo, nomubi uveza okubi emfuyweni embi; ngokuba umlomo wakhe ukhuluma ngokuchichima kwenhliziyo.
  NgokukaLuka 6:45 isibi isibusiso
• Makungaphumi emlonyeni wenu nalinye izwi elibolileyo, kodwa kube ngelilungele ukwakha njengokuswelekileyo, ukuze libavezele umusa abezwayo.
  Kwabase-Efesu 4:29 inhlebo okuhle
• Olinda umlomo wakhe ugcina ukuphila kwakhe;
  okhamisa izindebe zakhe uyakuba nencithakalo.
  IzAga 13:3 inhlakanipho ukuphila
• Ningaphindisi okubi ngokubi nokuthuka ngokuthuka, kepha kakhulu manibusise, ngokuba nabizelwa lokho ukuba nidle ifa lokubusiswa.
  1 kaPetru 3:9 isibusiso ubizo
• Ulimi oluthulayo lungumuthi wokuphila,
  kepha ukuphambanisa kwalo kungukuchotshozwa komoya.
  IzAga 15:4 UMoya ukuqamba amanga inhlebo
• Kepha ngithi kini: Amazwi onke ayize abawakhulumayo abantu bayakuzilanda ngawo ngosuku lokwahlulelwa.
  NgokukaMathewu 12:36 ukwahlulela
• Nesiwula lapho sithule kuthiwa isihlakaniphi;
  ovala umlomo wakhe ungoqondileyo.
  IzAga 17:28 inhlakanipho ingqondo
• Lapho amazwi emaningi khona,
  akuphuthi ukuphambeka;
  obamba umlomo wakhe uhlakaniphile.
  IzAga 10:19 isibi
• Niyakwazi lokho, bazalwane bami abathandekayo. Yilowo nalowo muntu makasheshe ukuzwa, aphuze ukukhuluma, aphuze ukuthukuthela.
  EkaJakobe 1:19 ukulalela intukuthelo ukuzithiba
• Sivulele isimungulu umlomo wakho,
  umele bonke abantwana abayizintandane.
  IzAga 31:8 ubuthakathaka
• Umuntu uyathokoza ngokuphendula komlomo wakhe,
  nezwi ngesikhathi salo lihle kangakanani!
  IzAga 15:23 injabulo
• Impendulo ethambileyo iyabuyisa ukufutheka,
  kepha izwi elilukhuni livusa ulaka.
  IzAga 15:1 ubumnene intukuthelo
• Bantwanyana, masingathandi ngezwi nangolimi, kodwa ngezenzo nangeqiniso.
  1 kaJohane 3:18 thembeka iqiniso
• Ngokuba sonke siyakhubeka ngokuningi; uma umuntu engakhubeki ngazwi, lowo uyindoda epheleleyo enamandla okubamba nomzimba wonke kungathi ngetomu.
  EkaJakobe 3:2 ongenasici umzimba
• Amazwi omlomo wohlakaniphileyo anomusa,
  kepha izindebe zesiwula ziyasigwinya sona.
  UmShumayeli 10:12 inhlakanipho
• Ohamba encetheza uyambula izimfihlakalo,
  kepha othembekile emoyeni uyayisibekela indaba.
  IzAga 11:13 thembekile inhlebo ukuqamba amanga
• Emlonyeni munye kuphuma ukubusisa nokuqalekisa. Akufanele, bazalwane bami, ukuba lokho kube kanjalo.
  EkaJakobe 3:10 isibi khulekela isibusiso
• Umlomo wami uzakugcwala ukubonga wena,
  nalo udumo lwakho usuku lonke.
  AmaHubo 71:8 khulekela indumiso
• Kepha uma umfowenu ekona, hamba umsole ninodwa naye. Uma ekuzwa, woba umzuzile umfowenu.
  NgokukaMathewu 18:15 isibi ukulalela ukubuyisana
• Hambani ngokuhlakanipha kubo abangaphandle, nithengisise isikhathi. Ukukhuluma kwenu makube nomusa njalo, kuyolisiwe ngosawoti, ukuze nazi enifanele ukubaphendula ngakho bonke abantu.
  KwabaseKolose 4:5-6 ubumnene inhlakanipho
• Ngakho-ke konke enikukhuluma ebumnyameni kuyakuzwiwa ekukhanyeni, nalokho enikukhuluma endlebeni emakamelweni kuyakumenyezelwa phezu kwezindlu.
  NgokukaLuka 12:3 isibi ukulalela inkazimulo
• Ngokuba uma uvuma ngomlomo wakho ukuthi uJesu uyiNkosi, ukholwa enhliziyweni yakho ukuthi uNkulunkulu wamvusa kwabafileyo, uyakusindiswa.
  KwabaseRoma 10:9 inkolo UJesu ukuvuma izono
• Lapho kungekho khona ukululekana,
  amasu ayachitheka,
  kepha ngobuningi babeluleki ayakuma.
  IzAga 15:22 ukuhlela
• Ngokunjalo noMoya uyasisiza ebuthakathakeni bethu; ngokuba asikwazi esingakucela ngokufaneleyo, kodwa uMoya uqobo usikhulumela ngokububula okungenakuphinyiselwa.
  KwabaseRoma 8:26 UMoya umkhuleko ubuthakathaka