Amavesi EBhayibheli ngokuKhulekela

«»

• Jehova, unguNkulunkulu wami;
  ngiyakukuphakamisa,
  ngidumise igama lakho,
  ngokuba wenzile izimangaliso,
  namasu asendulo, nokuthembeka, neqiniso.
  U-Isaya 25:1 thembekile UNkulunkulu indumiso
• Niyakumkhonza uJehova uNkulunkulu wenu, abusise ukudla kwenu namanzi enu; ngiyakususa izifo phakathi kwenu.
  U-Eksodusi 23:25 isibusiso ukugula impilo
• Konke okuphefumulayo makudumise uJehova.
  Haleluya!
  AmaHubo 150:6 indumiso
• Kepha phakathi kobusuku oPawulu noSila bekhuleka bamdumisa uNkulunkulu ngamahubo, iziboshwa zabezwa.
  IzEnzo 16:25 umkhuleko ukulalela indumiso
• UNkulunkulu unguMoya; abakhuleka kuye bafanele ukukhuleka ngomoya nangeqiniso.
  NgokukaJohane 4:24 iqiniso UMoya
• Mbonge uJehova, mphefumulo wami;
  konke okuphakathi kwami makubonge igama lakhe elingcwele.
  AmaHubo 103:1 ubungcwele umphefumulo indumiso
• Noma umkhiwane ungakhahleli,
  kungabikho izithelo emvinini,
  umsebenzi womnqumo uphuthe,
  amasimu angavezi ukudla,
  izimvu zinqunywe esibayeni,
  kungabikho nkomo ezibayeni,
  nokho mina ngiyakuthokoza ngoJehova,
  ngijabulele uNkulunkulu wokusindiswa kwami.
  UHabakuki 3:17-18 injabulo insindiso isivuno
• Bongani uJehova, ngokuba muhle,
  ngokuba umusa wakhe umi phakade.
  1 iziKronike 16:34 thembekile ukubonga ukwethembeka
• Ngobakho, Jehova, ubukhulu, namandla, nodumo, nenkazimulo, nobukhosi, ngokuba konke okusezulwini nasemhlabeni kungokwakho; ngowakho umbuso, Jehova; wena uphakeme, uyinhloko phezu kwakho konke.
  1 iziKronike 29:11 umbuso amandla usomandla
• Nkulunkulu, wena unguNkulunkulu wami,
  ngiyakufuna ekuseni;
  umphefumulo wami womele wena;
  inyama yami ilangazelela wena
  ezweni elomileyo eligagadekileyo,
  lapho amanzi engekho khona.
  AmaHubo 63:1 ukufuna umphefumulo umzimba
• Umlomo wami uzakugcwala ukubonga wena,
  nalo udumo lwakho usuku lonke.
  AmaHubo 71:8 ukukhuluma indumiso
• Makabongwe uNkulunkulu noYise weNkosi yethu uJesu Kristu, uYise wobubele, uNkulunkulu wenduduzo yonke, osiduduza osizini lwethu lonke, ukuze nathi sibe namandla okududuza abasosizini, nolunjani, ngenduduzo esiduduzwa ngayo nathi nguNkulunkulu.
  2 kwabaseKorinte 1:3-4 inhlupheko isikhuthazo umduduzi
• Ngalokho umkhulu, Nkosi Jehova, ngokuba akakho onjengawe, akukho uNkulunkulu ngaphandle kwakho njengakho konke esikuzwileyo ngezindlebe zethu.
  2 uSamuweli 7:22 UNkulunkulu
• Ngokuba konke kuvela kuye, kukhona ngaye, kuya kuye; makube kuye inkazimulo kuze kube phakade. Amen.
  KwabaseRoma 11:36 indalo ukubonga
• Hlabelelani kuNkulunkulu,
  nidumise igama lakhe;
  menzeleni umendo lowo odabula amahlane;
  igama lakhe linguJehova;
  yethabani phambi kwakhe,
  uyise wezintandane,
  umahluleli wabafelokazi,
  uNkulunkulu endlini yakhe engcwele.
  AmaHubo 68:4-5 ubungcwele ukuphepha abafelokazi
• Wozani; masikhuleke, sikhothame,
  siguqe phambi kukaJehova,
  uMenzi wethu.
  AmaHubo 95:6 indalo ukuthobeka
• Ngokuba umusa wakho umnandi kunokuphila;
  izindebe zami ziyakukudumisa.
  Ngiyakukubonga ngisaphila;
  ngiyakuphakamisa izandla zami egameni lakho.
  AmaHubo 63:3-4 uthando ukuphila indumiso
• Yini ukuba udangale,
  mphefumulo wami,
  uyaluze phakathi kwami, na?
  Methembe uNkulunkulu,
  ngokuba ngisezakumdumisa yena
  oyinsindiso yobuso bami noNkulunkulu wami.
  AmaHubo 42:11 ngiyethemba umphefumulo indumiso
• Niyakungibiza, niye ukukhuleka kimi, ngiyakunizwa.
  UJeremiya 29:12 umkhuleko ukulalela
• Ngokuba kulotshiwe ukuthi:
  “ ‘Kuphila kwami,’ isho iNkosi,
  ‘kimina ayakuguqa amadolo onke,
  nezilimi zonke ziyakudumisa uNkulunkulu.’ ”
  KwabaseRoma 14:11 ukuthobeka ukuvuma indumiso
• Bongani uJehova, nibize igama lakhe,
  nizazise phakathi kwabantu izenzo zakhe.
  AmaHubo 105:1 ukukhuluma ukuvangela indumiso
• Akakho ongcwele njengoJehova,
  ngokuba akakho noyedwa ngaphandle kwakho;
  futhi alikho idwala elinjengoNkulunkulu wethu.
  1 uSamuweli 2:2 UNkulunkulu ubungcwele
• Ngiyazelulela izandla zami kuwe;
  umphefumulo wami womela wena
  njengomhlaba owomileyo. Sela
  AmaHubo 143:6 ukwamukela ukuncika
• UJehova ungamandla ami nesihlangu sami;
  inhliziyo yami ithembe kuye, ngasizwa;
  ngakho-ke inhliziyo yami iyethaba;
  ngizakumdumisa ngesihlabelelo sami.
  AmaHubo 28:7 ukwethemba amandla indumiso
• Ngithi kuJehova: “Wena uyiNkosi yami;
  anginakho okuhle ngaphandle kwakho.”
  AmaHubo 16:2 UNkulunkulu