Amavesi EBhayibheli ngendumiso

«»

• Jehova, unguNkulunkulu wami;
  ngiyakukuphakamisa,
  ngidumise igama lakho,
  ngokuba wenzile izimangaliso,
  namasu asendulo, nokuthembeka, neqiniso.
  U-Isaya 25:1thembekileUNkulunkulukhulekela
• Konke okuphefumulayo makudumise uJehova.
  Haleluya!
  AmaHubo 150:6khulekela
• Ngokuba umusa wakho umnandi kunokuphila;
  izindebe zami ziyakukudumisa.
  Ngiyakukubonga ngisaphila;
  ngiyakuphakamisa izandla zami egameni lakho.
  AmaHubo 63:3-4uthandoukuphilakhulekela
• UJehova ungamandla ami nesihlangu sami;
  inhliziyo yami ithembe kuye, ngasizwa;
  ngakho-ke inhliziyo yami iyethaba;
  ngizakumdumisa ngesihlabelelo sami.
  AmaHubo 28:7ukwethembakhulekelaamandla
• Mbonge uJehova, mphefumulo wami;
  konke okuphakathi kwami makubonge igama lakhe elingcwele.
  AmaHubo 103:1ubungcwelekhulekelaumphefumulo
• Kepha phakathi kobusuku oPawulu noSila bekhuleka bamdumisa uNkulunkulu ngamahubo, iziboshwa zabezwa.
  IzEnzo 16:25khulekelaumkhulekoukulalela
• Ngiyakumbonga uJehova ngayo yonke inhliziyo yami;
  ngiyakulanda zonke izimangaliso zakho.
  AmaHubo 9:1khulekelaukubongaizimangaliso
• Mkhulu uJehova, umelwe ukudunyiswa kakhulu;
  ubukhulu bakhe abuphenyisiseki.
  AmaHubo 145:3khulekelaukuqondausomandla
• Yini ukuba udangale,
  mphefumulo wami,
  uyaluze phakathi kwami, na?
  Methembe uNkulunkulu,
  ngokuba ngisezakumdumisa yena
  oyinsindiso yobuso bami noNkulunkulu wami.
  AmaHubo 42:11khulekelangiyethembaumphefumulo
• Ngiyakumbonga uJehova ngezikhathi zonke;
  ukudunyiswa kwakhe kuyakuba semlonyeni wami njalonjalo.
  AmaHubo 34:1khulekelaisibusisoukukhuluma
• Ngokuba wena uzenzile izinso zami,
  wangaluka esiswini sikamame.
  Ngiyakukubonga,
  ngokuba ngenziwa ngokwesabekayo nangokumangalisayo;
  imisebenzi yakho iyamangalisa;
  umphefumulo wami uyakwazi kahle.
  AmaHubo 139:13-14indaloizimangalisoumphefumulo
• Nakho konke okudaliweyo okusezulwini, nokusemhlabeni, naphansi komhlaba, naselwandle, nakho konke okukukho, ngakuzwa kuthi:
  “Kuyena ohlezi esihlalweni sobukhosi nakulo iWundlu makube yisibusiso,
  nodumo, nenkazimulo, namandla kuze kube phakade naphakade.”
  IsAmbulo 5:13indalokhulekelaukubonga
• Umlomo wami uzakugcwala ukubonga wena,
  nalo udumo lwakho usuku lonke.
  AmaHubo 71:8ukukhulumakhulekela
• Izwi likaKristu alihlale phakathi kwenu, livame, nifundisane ngokuhlakanipha konke, niyalane ngamahubo, nangezihlabelelo, nangamaculo okomoya, nimhubele uNkulunkulu ezinhliziyweni zenu ngokubonga.
  KwabaseKolose 3:16IZwi likaNkulunkuluukufundakhulekela
• Ngiyakukuphakamisa wena Nkulunkulu wami, Nkosi,
  ngilituse igama lakho phakade naphakade.
  AmaHubo 145:1khulekelaukuphila okungunaphakade
• Bongani uJehova, nibize igama lakhe,
  nizazise phakathi kwabantu izenzo zakhe.
  AmaHubo 105:1ukukhulumaukuvangelakhulekela
• Ngiphulukise, Jehova, ngiphuluke;
  ngisindise, ngisindiswe,
  ngokuba uludumo lwami.
  UJeremiya 17:14ukugulaukuphulukisainsindiso
• Ngokuba kulotshiwe ukuthi:
  “ ‘Kuphila kwami,’ isho iNkosi,
  ‘kimina ayakuguqa amadolo onke,
  nezilimi zonke ziyakudumisa uNkulunkulu.’ ”
  KwabaseRoma 14:11ukuthobekakhulekelaukuvuma
• Niyakusho ngalolo suku ukuthi:
  “Bongani uJehova,
  nibize igama lakhe,
  nizazise izenzo zakhe phakathi kwezizwe,
  nimemezele ukuthi igama lakhe liphakeme.”
  U-Isaya 12:4ukukhulumaukuvangelakhulekela
• Ngizakukubonga phakathi kwabantu, Jehova,
  ngikudumise phakathi kwezizwe.
  AmaHubo 108:3khulekelaumhlabaukucula
• Elokugcina, bazalwane, konke okuyiqiniso, konke okuhloniphekayo, konke okulungileyo, konke okumhlophe, konke okuthandekayo, konke okutusekayo, noma kukhona okuhle, noma kukhona okubongekayo, zindlani ngalokho.
  KwabaseFilipi 4:8iqinisoukulungaimicabango
• Makabongwe uNkulunkulu, uYise weNkosi yethu uJesu Kristu osibusisile ezulwini kuKristu ngesibusiso sonke sokomoya.
  Kwabase-Efesu 1:3isibusisoizulu
• Imihla ngemihla baqinisela nganhliziyonye ethempelini, bahlephula isinkwa ekhaya, badla ukudla kwabo ngentokozo nangobumhlophe benhliziyo, bemdumisa uNkulunkulu, bethandeka kubantu bonke. INkosi yenezela ebandleni imihla ngemihla abasindiswayo.
  IzEnzo 2:46-47khulekelaukudlaumphakathi
• Ngakhala kuye ngomlomo wami;
  ukudumisa kwakuphansi kolimi lwami.
  AmaHubo 66:17khulekelaumkhulekoukucula
• KuNkulunkulu ngiyakudumisa izwi lakhe;
  ngithemba uNkulunkulu, angiyikwesaba;
  inyama ingangenzani na?
  AmaHubo 56:4ukwethembauvaloIZwi likaNkulunkulu