Amavesi EBhayibheli ngemicabango

«»

• Ngihole, Nkulunkulu,
  wazi inhliziyo yami;
  ngilinge, wazi imicabango yami,
  ubone, uma kukhona indlela yosizi kimi,
  ungiholele endleleni yaphakade.
  AmaHubo 139:23-24ukuphila okungunaphakadeubungcweleukulunga
• Wayesethi: “Okuphumayo kumuntu yilokho okumngcolisayo umuntu; ngokuba ngaphakathi enhliziyweni yabantu kuphuma imicabango emibi, nobufebe, nokweba, nokubulala, nokuphinga, nokufisa, nokushinga, nenkohliso, nokungabi nanhloni, neso elibi, nokuhlambalaza, nokuzidla, nobuwula. Zonke lezo zinto ezimbi zivela ngaphakathi, zimngcolise umuntu.”
  NgokukaMarku 7:20-23isibiukuhlanzwaisilingo
• Gingqela kuJehova imisebenzi yakho,
  ukuze kuqiniswe amasu akho.
  IzAga 16:3ukwethembaukuhlelaisibusiso
• “Ngokuba imicabango yami
  ayisiyo imicabango yenu,
  nezindlela zenu
  azisizo izindlela zami,” usho uJehova.
  U-Isaya 55:8UNkulunkuluukuhlelainhlakanipho
• Phezu kwakho konke okugcinayo,
  gcina inhliziyo yakho,
  ngokuba kuyilapho kuvela khona ukuphila.
  IzAga 4:23ukuphilainhliziyoukuvikela
• Ningalingisi leli zwe, kodwa niguqulwe isimo ngokwenziwa ibe ntsha ingqondo yenu, ukuze nibe nokuhlolisisa okuyintando kaNkulunkulu, okuhle, nokuthandekayo, nokupheleleyo.
  KwabaseRoma 12:2ongenasiciukulalela umthethoukuphila
• Elokugcina, bazalwane, konke okuyiqiniso, konke okuhloniphekayo, konke okulungileyo, konke okumhlophe, konke okuthandekayo, konke okutusekayo, noma kukhona okuhle, noma kukhona okubongekayo, zindlani ngalokho.
  KwabaseFilipi 4:8iqinisoukulungaindumiso
• Jehova, uyangihlolisisa, uyangazi.
  Uyakwazi ukuhlala kwami nokuvuka kwami,
  uqonda umcabango wami ukude.
  AmaHubo 139:1-2ukufunaukuqonda
• Zonke izindlela zomuntu zilungile emehlweni akhe,
  kepha uJehova ulinganisa izinhliziyo.
  IzAga 21:2ukulungaukwahlulelaukuqonda
• Ngokuba izwi likaNkulunkulu liphilile, linamandla, libukhali kunezinkemba zonke ezisika nhlangothi zombili, lihlaba kuze kwahlukaniswe umphefumulo nomoya, amalungu nomnkantsha, lahlulela imicabango nezizindlo zenhliziyo.
  KumaHeberu 4:12IZwi likaNkulunkuluamandla
• Yenza umkhondo wonyawo lwakho ukuba ulingane,
  ziqine zonke izindlela zakho.
  IzAga 4:26ukuphila
• Kepha ngiyanincenga, bazalwane, ngegama leNkosi yethu uJesu Kristu ukuba nikhulume zwilinye nonke, kungabikho ukwahlukana phakathi kwenu, kodwa nipheleliswe emqondweni munye nasekuboneni kunye.
  1 kwabaseKorinte 1:10umphakathiumndeniizinguquko
• Ngokuba ngumuphi kubantu owazi okomuntu, uma kungesiye umoya womuntu okuye na? Ngokunjalo nokukaNkulunkulu akwaziwa muntu, kuphela nguMoya kaNkulunkulu.
  1 kwabaseKorinte 2:11UMoyaUMoya Oyingceleukuqonda
• Kukhona indlela ebonakala sengathi ilungile kumuntu,
  kepha ukuphela kwayo kuyindlela yokufa.
  IzAga 14:12ukulungaukuphilaisibi
• Makungabikho ozikhohlisayo; uma umuntu phakathi kwenu ethi uhlakaniphile kulesi sikhathi, akabe yisiwula, ukuze ahlakaniphe.
  1 kwabaseKorinte 3:18inhlakaniphoumhlabaubugovu
• Ngenza isivumelwano namehlo ami:
  ngingabuka kanjani intombi na?
  UJobe 31:1izifisoukuzithibaisivumelwano
• Ngalokho zibopheni izinkalo zengqondo yenu, nizithibe, nethembe ngokupheleleyo umusa enizakuwabelwa ekwambulweni kukaJesu Kristu.
  1 kaPetru 1:13umusaUJesuUMoya
• Kodwa nxa nikhuleka, ningathemelezi njengabezizwe, ngokuba bathi bayakuzwiwa ngokukhuluma kwabo okuningi.
  NgokukaMathewu 6:7ukukhulumaumkhuleko
• Omubi makashiye indlela yakhe,
  nomuntu owenza okubi imicabango yakhe,
  abuyele kuJehova,
  uyakuba nomusa kuye,
  yebo, abuyele kuNkulunkulu wethu,
  ngokuba uyakwenza ukuthethelela kube kukhulu.
  U-Isaya 55:7ukulungaukuguqulwaintethelelo
• Ngalokho-ke ngithi kini: Ningakhathazeki ngokuphila kwenu ukuthi niyakudlani noma niyakuphuzani, nangomzimba wenu ukuthi niyakwembathani. Ukuphila akukukhulu kunokudla nomzimba kunesambatho na?
  NgokukaMathewu 6:25ukudlaukuphilaukukhathazeka
• Ngokuba ngomusa engiwuphiweyo ngisho kulowo nalowo phakathi kwenu ukuthi angacabangi athi mkhulu kunalokho afanele ukukucabanga, kodwa acabange kube ngokuqonda, njengalokho uNkulunkulu abele lowo nalowo isilinganiso sokukholwa.
  KwabaseRoma 12:3umusainkoloingqondo
• Kepha yena onamandla okwenza okukhulu kakhulu kunakho konke esikucelayo nesikuqondayo ngokwamandla asebenza kithi, makube kuye udumo ebandleni nakuKristu Jesu ezizukulwaneni zonke zaphakade naphakade. Amen.
  Kwabase-Efesu 3:20-21ukuthobekakhulekelaamandla
• Ningakhathazeki ngokuphila kwenu ukuthi niyakudlani, nangomzimba wenu ukuthi niyakwembathani. Ngokuba ukuphila kukhulu kunokudla, nomzimba kunesambatho.
  NgokukaLuka 12:22b-23ukukhathazekaukudlaukuphila
• Ngokuba abokwenyama banaka okwenyama, kepha abakaMoya banaka okukaMoya.
  KwabaseRoma 8:5ukuphilaumzimbaUMoya