Amavesi EBhayibheli ngokwahlulela

«»

• Ngakho awunakuzilandulela wena muntu, noma ungubani owahlulelayo, ngokuba ngalokho owahlulela ngakho omunye uyazilahla wena, ngokuba wena owahlulelayo uyakwenza khona lokho nawe.
  KwabaseRoma 2:1 ukulunga umakhelwane
• Ningahluleli ukuba ningahlulelwa.
  NgokukaMathewu 7:1 umthetho
• Zonke izindlela zomuntu zilungile emehlweni akhe,
  kepha uJehova ulinganisa izinhliziyo.
  IzAga 21:2 ukulunga ukuqonda imicabango
• Ngakho masingabe sisahlulelana; kepha okungcono yahlulelani lokho kokuthi makungabekelwa umzalwane into yokumqhuzula nokuba isikhubekiso.
  KwabaseRoma 14:13 ubumnene umakhelwane
• Kepha ngithi kini: Amazwi onke ayize abawakhulumayo abantu bayakuzilanda ngawo ngosuku lokwahlulelwa.
  NgokukaMathewu 12:36 ukukhuluma
• Ubhekelani ucezwana olusesweni lomfowenu, kepha ugongolo olusesweni lakho awuluboni, na?
  NgokukaMathewu 7:3 isibi
• Ningahluleli, khona anisoze nahlulelwa; ningalahli, khona anisoze nalahlwa; thethelelani, khona niyakuthethelelwa.
  NgokukaLuka 6:37 intethelelo
• Ungubani wena owahlulela inceku yomunye na? Kusenkosini yayo ukuma noma ukuwa kwayo; kepha iyakumiswa, ngokuba iNkosi inamandla okuyimisa.
  KwabaseRoma 14:4 inkolo izisetshenziswa
• Munye ongummisimthetho nomahluleli; nguyena onamandla okusindisa nokubhubhisa; kepha ungubani wena omahlulelayo umakhelwane na?
  EkaJakobe 4:12 umthetho insindiso umakhelwane
• Asikho isikhali esenzelwa wena esiyakuphumelela,
  nalo lonke ulimi olukuvukelayo luyakwahlulelwa;
  lokhu kuyifa lezinceku zikaJehova
  nokulunga kwazo okuvela kimi, usho uJehova.
  U-Isaya 54:17 ukulunga ukuvikela izithombe ezibaziweyo
• Ngabona abafileyo, abakhulu nabancane, bemi phambi kwesihlalo sobukhosi; izincwadi zavulwa; nenye incwadi yavulwa, ngeyokuphila; nabafileyo bahlulelwa ngalokho okulotshiwe ezincwadini njengokwemisebenzi yabo. Nolwandle lwakhipha abafileyo ababekulo, nokufa neHayidese kwakhipha abafileyo ababekukho, bahlulelwa yilowo nalowo njengokwemisebenzi yakhe.
  IsAmbulo 20:12-13 ukuvuka
• Ngokuba bonke abonileyo bengenamthetho bayakubhubha bengenamthetho; kepha bonke abonileyo benomthetho bayakwahlulelwa ngomthetho.
  KwabaseRoma 2:12 isibi umthetho isijeziso
• Ngakho makungabikho muntu onilahla ngokudla nesiphuzo, noma ngemikhosi, noma ukwethwasa kwenyanga, noma amasabatha, okuyisithunzi nje salokhu obekuzakuza; kepha umzimba ngokaKristu.
  KwabaseKolose 2:16-17 ukudla isabatha UJesu
• Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo.
  NgokukaJohane 3:17 insindiso UJesu umhlaba
• Ukuganana makuhlonishwe yibo bonke, umbhede ungabi nasisihla, ngokuba izifebe neziphingi uNkulunkulu uyakuzahlulela.
  KumaHeberu 13:4 umshado izifiso ucansi
• Odlayo angamdeleli ongadliyo, ongadliyo angamahluleli odlayo, ngokuba uNkulunkulu umamukele.
  KwabaseRoma 14:3 ukudla
• Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile emthethweni wesono nowokufa.
  KwabaseRoma 8:1-2 umthetho umhlengi isijeziso
• Okholwa yiyo kahlulelwa; ongakholwa usahlulelwe, lokhu engakholwanga egameni leNdodana ezelwe yodwa kaNkulunkulu.
  NgokukaJohane 3:18 inkolo
• Ngomphefumulo wami ngikulangazelela ebusuku,
  yebo, ngomoya wami ophakathi kwami ngiyakufunisisa,
  ngokuba lapho izahlulelo zakho zisemhlabeni,
  abakhileyo bezwe bafunda ukulunga.
  U-Isaya 26:9 ukulunga ukufunda
• Kodwa ngiyawutuba umzimba wami, ngiwenza isigqila, ukuba mina engishumayeza abanye ngingaliwa mina uqobo.
  1 kwabaseKorinte 9:27 ukuzithiba umzimba
• Ngokuba inkokhelo yesono ingukufa, kepha isipho somusa sikaNkulunkulu singukuphila okuphakade kuKristu Jesu iNkosi yethu.
  KwabaseRoma 6:23 isibi ukuphila okungunaphakade umvuzo
• INkosi iyakwazi ukuhlangulisa ekulingweni abamesabayo uNkulunkulu, kepha abangalungile iyabagcinela usuku lokwahlulelwa, bajeziswe.
  2 kaPetru 2:9 isilingo isijeziso insindiso
• Ngikulwile ukulwa okuhle, ngiqedile ibanga, ngigcinile ukukholwa; sengibekelwe umqhele wokulunga eyakungipha wona ngalolo suku iNkosi, umahluleli olungileyo, kungeyimi ngedwa, kepha bonke abathandile ukubonakala kwayo.
  2 kuThimothewu 4:7-8 inkolo ukulunga umvuzo
• Kepha phezu kwakho konke, bazalwane bami, ningafungi; ningafungi izulu noma umhlaba noma esinye isifungo; kodwa uyebo wenu makabe nguyebo, noqhabo uqhabo, ukuze ningaweli ekwahlulelweni.
  EkaJakobe 5:12 thembeka iqiniso ukukhuluma
• Okholwayo abhapathizwe uyakusindiswa, kepha ongakholwayo uyakulahlwa.
  NgokukaMarku 16:16 inkolo insindiso ukubhapathizwa