Amavesi EBhayibheli ngomshado

«»

• Ofumana umfazi uthola okuhle;
  uzuzile isisa kuJehova.
  IzAga 18:22isibusisoukufuna
• Waphendula, wathi kubo: “Anifundanga yini ukuthi owadala ekuqaleni wabenza owesilisa nowesifazane, wathi: ‘Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye,’ na? Ngakho abasebabili, kodwa banyamanye. Ngakho-ke lokho akuhlanganisileyo uNkulunkulu, umuntu makangakwahlukanisi.”
  NgokukaMathewu 19:4-6ucansiindalo
• Bafazi, thobelani amadoda enu njengokufanele eNkosini.
  Madoda, thandani omkenu, ningabacasukeli.
  KwabaseKolose 3:18-19ukuthobekaubudlelwano
• Ukuganana makuhlonishwe yibo bonke, umbhede ungabi nasisihla, ngokuba izifebe neziphingi uNkulunkulu uyakuzahlulela.
  KumaHeberu 13:4izifisoukwahlulelaucansi
• Ngubani ongathola umfazi okhutheleyo na?
  Ngokuba inani lakhe lidlula kakhulu amarubi.
  IzAga 31:10kuyiguguubudlelwano
• Madoda, thandani omkenu, njengalokho noKristu ulithandile ibandla, wazinikela ngenxa yalo ukuba alingcwelise, alihlambulule ngesigezo samanzi ngezwi.
  Kwabase-Efesu 5:25-26uthandoukuhlanzwaubudlelwano
• Inhliziyo yomuntu iceba indlela,
  kepha uJehova uyaqondisa izinyathelo zakhe.
  IzAga 16:9ukuhlelaukuncika
• Kepha ngenxa yobufebe akube yilowo nalowo abe nowakhe umfazi, nalowo wesifazane abe neyakhe indoda.
  1 kwabaseKorinte 7:2izifisoubudlelwanoucansi
• UJehova uNkulunkulu wathi: “Akukuhle ukuba umuntu ahlale yedwa. Ngizakumenzela umsizi onjengaye.”
  UGenesise 2:18indaloubudlelwano
• Nxa umuntu ethatha umfazi omusha, akayikuphuma impi, anganikwa futhi umsebenzi noma yimuphi; uyakuhlala ekhululekile ekhaya umnyaka, athokozise umkakhe amthathileyo.
  UDuteronomi 24:5
• UJehova uNkulunkulu wakha owesifazane ngobambo abeluthathile kumuntu, wamyisa kumuntu.
  Wayesethi umuntu: “Lo useyithambo lamathambo ami nenyama yenyama yami; uyakubizwa ngokuthi indodakazi, ngokuba uthathwe endodeni.” Ngalokho indoda iyakushiya uyise nonina, inamathele kumkayo; bayakuba nyamanye.
  UGenesise 2:22-24indaloumzimbaucansi
• Umuhle wonke, sithandwa sami,
  akukho sisihla kuwe.
  IsiHlabelelo seziHlabelelo 4:7ubuhleubudlelwano
• Abafazi mabathobele amadoda abo kungathi kukuyo iNkosi, ngokuba indoda iyinhloko yomfazi, njengokuba noKristu uyinhloko yebandla, yena engumsindisi womzimba.
  Kwabase-Efesu 5:22-23UJesuinsindisoubudlelwano
• Indoda ayinike umfazi okumfaneleyo; nomfazi enze njalo endodeni. Umfazi kanamandla phezu kowakhe umzimba, kodwa yindoda enawo; kanjalo nayo indoda ayinamandla phezu kowayo umzimba, kodwa ngumfazi onawo.
  1 kwabaseKorinte 7:3-4umzimbaucansi
• Kanjalo, madoda, hlalani nabo ngokokwazi, njengalokhu owesifazane eyisitsha esibuthakathaka, nibanike udumo, lokhu beyizindlalifa zomusa wokuphila kanye nani, ukuze imikhuleko yenu ingathiywa.
  1 kaPetru 3:7umkhulekoumusaucansi
• Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye.
  Kwabase-Efesu 5:31umzimbaucansi
• Kanjalo amadoda afanele ukuthanda omkawo njengemizimba yawo. Othanda umkakhe uzithanda yena.
  Kwabase-Efesu 5:28ubudlelwanoumzimba
• Ningagodlelani, kuphela kube ngokwesikhathi ngokuvumelana ukuba nithole ithuba lokukhuleka, nibuye nibe ndawonye, ukuze uSathane anganiyengi ngokungazibambi kwenu.
  1 kwabaseKorinte 7:5usathaneukuzithibaucansi
• Nani-ke, yilowo nalowo makathande umkakhe njengokuba ezithanda yena, kepha umfazi makahloniphe indoda yakhe.
  Kwabase-Efesu 5:33ubudlelwano
• Nizwile kwathiwa: ‘Ungaphingi.’ Kepha mina ngithi kini: Yilowo nalowo obuka owesifazane, amkhanuke, usephingile naye enhliziyweni yakhe.
  NgokukaMathewu 5:27-28izifisoinhliziyoisibi
• Ngiyathokoza nokuthokoza ngoJehova,
  umphefumulo wami wenama ngoNkulunkulu wami,
  ngokuba ungembathisile izingubo zensindiso,
  wangisibekela ngesambatho sokulunga,
  njengomyeni efaka iqhele ngokompristi,
  nanjengomakoti ezihlobisa ngezimvunulo zakhe.
  U-Isaya 61:10ukulungainjabuloumhlengi
• Kepha kusukela ekuqaleni kokudalwa uNkulunkulu wabenza owesilisa nowesifazane. Ngenxa yalokho umuntu uyakushiya uyise nonina, anamathele kumkakhe; labo ababili bayakuba nyamanye; ngakho abasebabili, kepha sebenyamanye. Ngakho-ke lokho akuhlanganisileyo uNkulunkulu makungahlukaniswa ngumuntu.
  NgokukaMarku 10:6-9umzimbaucansi