Amavesi EBhayibheli ngendalo

«»

• Ekuqaleni uNkulunkulu wadala izulu nomhlaba. Umhlaba wawuyihlane elingenalutho; kwakungubumnyama phezu kotwa, kepha uMoya kaNkulunkulu wehla wenyuka phezu kwamanzi.
  UGenesise 1:1-2UMoyaizuluUMoya Oyingcele
• Ngokuba wena uzenzile izinso zami,
  wangaluka esiswini sikamame.
  Ngiyakukubonga,
  ngokuba ngenziwa ngokwesabekayo nangokumangalisayo;
  imisebenzi yakho iyamangalisa;
  umphefumulo wami uyakwazi kahle.
  AmaHubo 139:13-14izimangalisoumphefumuloubuhle
• Ngokuba yileyo ndlu yakhiwa ngothile; kepha owakha konke nguNkulunkulu.
  KumaHeberu 3:4UNkulunkulu
• Ngokuba okungabonwayo kwakhe, kuthi amandla akhe aphakade nobuNkulunkulu bakhe kubonakala kwasekudalweni kwezwe, ngokuba kuqondakala ngezenzo zakhe, ukuze bangabi nakuzilandulela.
  KwabaseRoma 1:20amandlaingqondoumhlaba
• E, Nkosi Jehova, bheka, wena wenzile izulu nomhlaba ngamandla akho amakhulu nangengalo yakho eyeluliweyo; akukho lutho olukwahlulayo.
  UJeremiya 32:17amandlaizuluusomandla
• UNkulunkulu wabusisa usuku lwesikhombisa, walungcwelisa, ngokuba ngalolo suku waphumula emisebenzini yonke abeyidalile uNkulunkulu, wayenza.
  UGenesise 2:3isibusisoisabatha
• Ngokuba konke kuvela kuye, kukhona ngaye, kuya kuye; makube kuye inkazimulo kuze kube phakade. Amen.
  KwabaseRoma 11:36khulekelaukubonga
• Ngiphakamisela amehlo ami ezintabeni;
  usizo lwami luvelaphi na?
  Usizo lwami luvela kuJehova
  owenzile izulu nomhlaba.
  AmaHubo 121:1-2isikhuthazoukuncika
• Ngokuba singumsebenzi wakhe kuKristu Jesu, sidalelwe imisebenzi emihle ayilungisela ngaphambili uNkulunkulu ukuba sihambe kuyo.
  Kwabase-Efesu 2:10UJesuukulandelaubuhle
• UNkulunkulu wamdala umuntu ngomfanekiso wakhe; wamdala ngomfanekiso kaNkulunkulu; wabadala owesilisa nowesifazane.
  UGenesise 1:27UNkulunkuluubuhle
• Ngezwi likaJehova izulu lenziwa,
  namabandla onke ngomoya womlomo wakhe.
  AmaHubo 33:6ukukhulumaizulu
• Awazi yini? Awuzwanga na?
  UJehova unguNkulunkulu ongunaphakade;
  udalile imikhawulo yomhlaba;
  akapheli amandla, akakhathali,
  nokuqonda kwakhe akunakuphenywa.
  U-Isaya 40:28inhlakaniphoukuqonda
• Wenzile konke kube kuhle esikhathini sakho, ubekile nokuphakade ezinhliziyweni zabo; nokho umuntu angefumane umsebenzi awenzile uNkulunkulu kwasekuqaleni kuze kube sekupheleni.
  UmShumayeli 3:11ukuqondaukuphilaukuncika
• Kungakaveli izintaba,
  ungakawenzi umhlaba nezwe,
  kuthi kusukela phakade kuze kube phakade
  wena Nkulunkulu ukhona.
  AmaHubo 90:2UNkulunkuluukuqonda
• Ngokuba ukulangazela kokudaliweyo kulindele ukwambulwa kwabantwana bakaNkulunkulu.
  KwabaseRoma 8:19UBabaizingane
• UNkulunkulu wathi: “Masenze abantu ngomfanekiso wethu, basifuze, babuse phezu kwezinhlanzi zolwandle, nezinyoni zezulu, nezinkomo, nomhlaba wonke, nezilwanyana zonke ezinwabuzelayo emhlabeni.”
  UGenesise 1:26UNkulunkuluukuphila
• Yilolu usuku alwenzileyo uJehova;
  siyakwethaba, sithokoze ngalo.
  AmaHubo 118:24injabuloukuphila
• Yiyona ewakhayo amakamelo ayo aphezulu ezulwini,
  isekele igobela lawo emhlabeni;
  yiyona ewabizayo amanzi olwandle,
  iwathululele ebusweni bomhlaba;
  nguJehova igama layo.
  U-Amose 9:6UNkulunkuluizulu
• Usizo lwethu lusegameni likaJehova
  owenzile izulu nomhlaba.
  AmaHubo 124:8UNkulunkuluizulu
• Kanjalo uma umuntu ekuKristu, uyisidalwa esisha; okwakuqala kudlulile; bheka, sekuvele okusha.
  2 kwabaseKorinte 5:17UJesuukuzalwa kabusha
• Konke kwavela ngaye; ngaphandle kwakhe akuvelanga lutho kukho konke okuvelileyo.
  NgokukaJohane 1:3IZwi likaNkulunkuluukuphila
• Nakho konke okudaliweyo okusezulwini, nokusemhlabeni, naphansi komhlaba, naselwandle, nakho konke okukukho, ngakuzwa kuthi:
  “Kuyena ohlezi esihlalweni sobukhosi nakulo iWundlu makube yisibusiso,
  nodumo, nenkazimulo, namandla kuze kube phakade naphakade.”
  IsAmbulo 5:13khulekelaukubongaindumiso
• ‘Ngokuba siphila, sihamba, sikhona kuye,’ njengalokho izimbongi ezithile zakini zishilo zathi:
  ‘Ngokuba futhi siyinzalo yakhe.’
  IzEnzo 17:28ukuphila
• Ngokuthanda kwakhe wasizala ngezwi leqiniso, ukuze sibe ngabokuqala bezidalwa zakhe.
  EkaJakobe 1:18iqinisoukuphila
• Wo kuye olwa noMenzi,
  udengezi phakathi kwezindengezi zomhlaba!
  Ibumba liyakusho kolibumbayo ukuthi:
  ‘Wenzani na?’
  nomsebenzi wakho ukuthi:
  ‘Akanazo izandla,’ na?
  U-Isaya 45:9ukuthobekaukuqonda