Amavesi EBhayibheli ngezingane

«»

• Lawa mazwi engikuyala ngawo namuhla ayakuba senhliziyweni yakho, ubafundise impela wona abantwana bakho, uwakhulume lapho uhlezi endlini yakho, nalapho uhamba endleleni, nalapho ulala, nalapho uvuka.
  UDuteronomi 6:6-7umthethoumndeni
• UJesu wayesethi: “Vumelani abantwana, ningabenqabeli ukuza kimi, ngokuba umbuso wezulu ungowabanjalo.”
  NgokukaMathewu 19:14umbusoizulu
• Khulisa umntwana ngendlela eyakuba ngeyakhe;
  kuyakuthi lapho esekhulile,
  angasuki kuyo.
  IzAga 22:6ukulungaumndeni
• Owesifazane angakhohlwa umntwana wakhe oncelayo
  ukuba angabi namusa kuyo indodana yesizalo sakhe na?
  Yebo, bona bangakhohlwa,
  kodwa mina anginakukukhohlwa wena.
  Bheka, ezandleni zami ngikubhalile,
  izingange zakho ziphambi kwami njalo.
  U-Isaya 49:15-16uthandoumndeniububele
• Ukulaya konke okwamanje kungathi akusikho okwentokozo, kepha kungokosizi, kodwa ngasemuva kuyabathelela isithelo esihle sokulunga labo abahlakahliswe yikho.
  KumaHeberu 12:11ukulungaukuthulaisijeziso
• Nani boyise, ningabathukuthelisi abantwana benu, kodwa nibondle ngokuyala nangokuqondisa kweNkosi.
  Kwabase-Efesu 6:4umthethoumndeni
• Abantwana babantwana bangumqhele wabadala,
  nodumo lwabantwana lungoyise.
  IzAga 17:6umndeni
• Ngakho yibani ngabalingisa uNkulunkulu njengabantwana abathandekayo.
  Kwabase-Efesu 5:1ukulandela
• Bantwanyana, zilindeni ezithombeni.
  1 kaJohane 5:21izithombe ezibaziweyo
• Babusisiwe abalamulayo,
  ngokuba bayakuthiwa abantwana bakaNkulunkulu.
  NgokukaMathewu 5:9isibusisoukuthula
• Bona bathi: “Kholwa yiNkosi uJesu, yikhona uzakusindiswa wena nendlu yakho.”
  IzEnzo 16:31inkoloinsindisoumndeni
• Anginayo intokozo enkulu kunaleyo yokuba ngizwe ukuthi abantwana bami bahamba eqinisweni.
  3 kaJohane 1:4injabuloiqiniso
• Ngokuba nonke ningabantwana bakaNkulunkulu ngokukholwa kuKristu. Ngokuba nonke enabhapathizelwa kuKristu nembatha uKristu.
  KwabaseGalathiya 3:26-27inkoloukubhapathizwaizembatho
• Isiwula siyadelela ukulaya kukayise,
  kepha onaka ukusolwa uyathola ukuqonda.
  IzAga 15:5UBabainhlakaniphoingqondo
• Ngokuba bonke abaholwa nguMoya kaNkulunkulu, labo bangabantwana bakaNkulunkulu.
  KwabaseRoma 8:14ukulalela umthethoUMoya
• Bhekani uthando olungaka asinike lona uBaba lokuba sithiwe singabantwana bakaNkulunkulu; futhi siyibo. Ngalokho izwe alisazi, ngokuba alimazanga yena.
  1 kaJohane 3:1uthandoUBabaumhlaba
• Kepha-ke uma umuntu engabondli abakubo, kakhulu abakwakhe, ukulahlile ukukholwa, mubi kunongakholwayo.
  1 kuThimothewu 5:8umndeniubudlelwano
• Kepha bonke abamamukelayo wabapha amandla okuba babe ngabantwana bakaNkulunkulu, labo abakholwa egameni lakhe.
  NgokukaJohane 1:12inkoloUBaba
• Sengathi kungaba khona kubo inhliziyo enjalo ukuba bangesabe, bagcine njalo yonke imiyalelo yami, kube kuhle kubo nakubantwana babo kuze kube phakade.
  UDuteronomi 5:29umthethoukulalela umthethoisibusiso
• Ngokuba ukulangazela kokudaliweyo kulindele ukwambulwa kwabantwana bakaNkulunkulu.
  KwabaseRoma 8:19indaloUBaba
• Bathandekayo, manje singabantwana bakaNkulunkulu, kepha akukabonakali esiyakuba yikho. Siyazi ukuthi, nxa ebonakaliswa, siyakuba njengaye, ngokuba siyakumbona njengokuba enjalo. Bonke abanalo lelo themba kuye bayazihlambulula, njengokuba yena ehlambulukile.
  1 kaJohane 3:2-3ukuhlanzwaumndeniizulu
• Yena lowo Moya ufakaza kanye nomoya wethu ukuthi singabantwana bakaNkulunkulu.
  KwabaseRoma 8:16UNkulunkuluUMoya
• Wogcina izimiso zakhe nemiyalo yakhe engikuyala ngakho namuhla ukuba kube kuhle kuwe, nakubantwana bakho emva kwakho, wandise izinsuku zakho ezweni uJehova uNkulunkulu wakho akunika lona kuze kube phakade.
  UDuteronomi 4:40umthethoukulalela umthethoisibusiso
• Ngokuba anamukeliswanga umoya wobugqila ukuba nibuye nesabe, kepha namukeliswa umoya wobuntwana esimemeza ngaye sithi: “Aba, Baba!”
  KwabaseRoma 8:15uvaloUMoyaubugqila
• Ngokuba kade naningubumnyama, kepha manje ningukukhanya eNkosini; hambani njengabantwana bokukhanya.
  Kwabase-Efesu 5:8inkazimuloukuphila