Amavesi EBhayibheli ngobudlelwano

«»

• Nakuba umuntu ahlula oyedwa,
  ababili bayakuma phambi kwakhe,
  nentambo emicu mithathu ayisheshi ukugqashuka.
  UmShumayeli 4:12ubunganiamandla
• Ngubani ongathola umfazi okhutheleyo na?
  Ngokuba inani lakhe lidlula kakhulu amarubi.
  IzAga 31:10kuyiguguumshado
• Ngokuba uma bewa,
  omunye uyavusa umngane wakhe;
  kepha maye kuye oyedwa lapho ewa,
  engenawesibili wokumvusa!
  UmShumayeli 4:10ubunganiumakhelwane
• Ngalokho nengezela inkuthalo yonke nelekele ubuhle ekukholweni, nasebuhleni ukwazi, nasekwazini ukuzithiba, nasekuzithibeni ukukhuthazela, nasekukhuthazeleni ukumesaba uNkulunkulu, nasekumesabeni uNkulunkulu ukuthanda abazalwane, nasekuthandeni abazalwane uthando.
  2 kaPetru 1:5-7inkolookuhleukuzithiba
• Umuhle wonke, sithandwa sami,
  akukho sisihla kuwe.
  IsiHlabelelo seziHlabelelo 4:7ubuhleumshado
• Madoda, thandani omkenu, njengalokho noKristu ulithandile ibandla, wazinikela ngenxa yalo ukuba alingcwelise, alihlambulule ngesigezo samanzi ngezwi.
  Kwabase-Efesu 5:25-26uthandoukuhlanzwaumshado
• Kungcono ababili kunoyedwa,
  ngokuba banomvuzo omkhulu ngomshikashika wabo.
  UmShumayeli 4:9ubunganiumsebenzi
• Ngakho-ke konke nokungakanani enifuna ukuba abantu bakwenze kini, kwenzeni nani kanjalo kubo; ngokuba lokhu kungumthetho nabaprofethi.
  NgokukaMathewu 7:12umthethoumakhelwaneisiprofetho
• Bafazi, thobelani amadoda enu njengokufanele eNkosini.
  Madoda, thandani omkenu, ningabacasukeli.
  KwabaseKolose 3:18-19ukuthobekaumshado
• Maningaboshelwa ejokeni linye nabangakholwayo, ngokuba kunakuhlanganyela kuni ukulunga nokungalungi na? Kunabudlelwane buni ukukhanya nobumnyama na?
  2 kwabaseKorinte 6:14umthethoukulungainkazimulo
• INkosi ininike ukwanda nokuchichima othandweni, omumye komunye nakubo bonke, njengokuba sinjalo kinina.
  1 kwabaseThesalonika 3:12uthandoumakhelwane
• UJehova uNkulunkulu wathi: “Akukuhle ukuba umuntu ahlale yedwa. Ngizakumenzela umsizi onjengaye.”
  UGenesise 2:18indaloumshado
• Indlu nemfuyo kuyifa elivela koyise,
  kepha umfazi ohlakaniphileyo uvela kuJehova.
  IzAga 19:14imali
• Kepha ngenxa yobufebe akube yilowo nalowo abe nowakhe umfazi, nalowo wesifazane abe neyakhe indoda.
  1 kwabaseKorinte 7:2izifisoumshado
• Insimbi ilola insimbi,
  nomuntu ubuso bomunye.
  IzAga 27:17ubunganiingqondo
• Ngokuba manje ngizincengela kubantu noma kuNkulunkulu na? Kukho, ngifuna ukuzikholekisa kubantu yini? Uma bengisazikholekisa kubantu, kungaba angisiyo inceku kaKristu.
  KwabaseGalathiya 1:10ukulalela umthethoumvuzo
• Umngane uthanda ngezikhathi zonke,
  nomzalwane uzalwa ekuhluphekeni.
  IzAga 17:17ubunganiumndeni
• Kepha-ke uma umuntu engabondli abakubo, kakhulu abakwakhe, ukulahlile ukukholwa, mubi kunongakholwayo.
  1 kuThimothewu 5:8umndeniizingane
• Abafazi mabathobele amadoda abo kungathi kukuyo iNkosi, ngokuba indoda iyinhloko yomfazi, njengokuba noKristu uyinhloko yebandla, yena engumsindisi womzimba.
  Kwabase-Efesu 5:22-23umshadoUJesuinsindiso
• Igama elihle likhethekile kunengcebo enkulu,
  nomusa kunesiliva negolide.
  IzAga 22:1imaliukuthanda izinto ezibambekayo
• Kanjalo amadoda afanele ukuthanda omkawo njengemizimba yawo. Othanda umkakhe uzithanda yena.
  Kwabase-Efesu 5:28umshadoumzimba
• Nani-ke, yilowo nalowo makathande umkakhe njengokuba ezithanda yena, kepha umfazi makahloniphe indoda yakhe.
  Kwabase-Efesu 5:33umshado
• Ungabulali, ungaphingi, ungebi, ungafakazi amanga; yazisa uyihlo nonyoko; wothanda umakhelwane wakho njengalokhu uzithanda wena.
  NgokukaMathewu 19:18b-19umthethouthandoumndeni