Amavesi EBhayibheli ngobungani

«»

• Umngane uthanda ngezikhathi zonke,
  nomzalwane uzalwa ekuhluphekeni.
  IzAga 17:17umndeniubudlelwano
• Akakho onothando olukhulu kunalolo lokuba adele ukuphila kwakhe ngenxa yabahlobo bakhe.
  NgokukaJohane 15:13uthandoumhlatshelo
• Umuntu wabangane uyazilimaza,
  kepha kukhona abangane ababambelela kuneselamani.
  IzAga 18:24umndeni
• Ngokuba uma bewa,
  omunye uyavusa umngane wakhe;
  kepha maye kuye oyedwa lapho ewa,
  engenawesibili wokumvusa!
  UmShumayeli 4:10ubudlelwanoumakhelwane
• Osibekela isiphambeko ufuna uthando,
  kepha onokondisa indaba wahlukanisa abahlobo.
  IzAga 17:9intethelelo
• Bheka, kuhle, kumnandi kangaka
  ukuba abazalwane bahlalisane ndawonye bemunye.
  AmaHubo 133:1umphakathiumndeni
• Bathandekayo, masithandane, ngokuba uthando luvela kuNkulunkulu, nabo bonke abathandayo bazelwe nguNkulunkulu, bayamazi uNkulunkulu.
  1 kaJohane 4:7uthandoumakhelwaneukuzalwa kabusha
• Nakuba umuntu ahlula oyedwa,
  ababili bayakuma phambi kwakhe,
  nentambo emicu mithathu ayisheshi ukugqashuka.
  UmShumayeli 4:12ubudlelwanoamandla
• Umuntu ophambeneyo usakaza ukuxabana,
  nomncethezi wahlukanisa abahlobo.
  IzAga 16:28thembekainhleboukuqamba amanga
• Odangeleyo nga ehawukelwa ngumngane wakhe;
  kepha ukumesaba uSomandla kuyayekwa.
  UJobe 6:14mangalaumakhelwane
• Insimbi ilola insimbi,
  nomuntu ubuso bomunye.
  IzAga 27:17ubudlelwanoingqondo
• Yebo, lo myalo sinawo, uvela kuNkulunkulu, wokuthi othanda uNkulunkulu makathande nomzalwane wakhe.
  1 kaJohane 4:21umthethouthando
• Kungcono ababili kunoyedwa,
  ngokuba banomvuzo omkhulu ngomshikashika wabo.
  UmShumayeli 4:9ubudlelwanoumsebenzi
• Ningakhohliswa; ukujwayelana nababi konakalisa ukuziphatha okuhle.
  1 kwabaseKorinte 15:33okubiokuhle
• Ungashiyi umngane wakho nomngane kayihlo,
  ungangeni endlini yomfowenu ngosuku lwengozi yakho;
  ungcono umakhelwane oseduze kunomfowenu okude.
  IzAga 27:10umndeniumakhelwane
• Ngokuba ngilangazelela ukunibona ukuze nginabele isipho esithile somusa sokomoya ukuba niqiniswe, okungukuthi siduduzane kanye nani phakathi kwenu ngokukholwa kwethu okwenu nokwami.
  KwabaseRoma 1:11-12amandlaisikhuthazoinkolo
• Ziphingi, anazi yini ukuthi ukuthanda izwe kungubutha kuNkulunkulu na? Ngakho lowo othanda ukuba ngumhlobo wezwe, umi eyisitha sikaNkulunkulu.
  EkaJakobe 4:4isibiUNkulunkuluumhlaba
• UNkulunkulu ohlalisa imihlalaqha ezindlini,
  akhiphele iziboshwa ekubuseni;
  ngabahlubukileyo bodwa abakhe ezweni elomileyo.
  AmaHubo 68:6inkululekoukulalela umthethoisijeziso