Amavesi EBhayibheli ngenkululeko

«»

• UKristu wasikhulula ukuba sibe nenkululeko; ngakho-ke yimani niqine, ningabe nisaboshelwa ejokeni lobugqila.
  KwabaseGalathiya 5:1 UJesu ukuphila umhlengi
• INkosi inguye uMoya; kepha lapho uMoya weNkosi ekhona, kukhona inkululeko.
  2 kwabaseKorinte 3:17 UMoya UMoya Oyingcele
• Ngakho-ke uma iNdodana inikhulula, niyakuba ngabakhululekileyo impela.
  NgokukaJohane 8:36 UJesu umhlengi umlutha
• Ngokuba nina bazalwane nabizelwa ekukhululekeni. Kuphela ningakwenzi ukukhululeka kube yithuba enyameni, kepha khonzanani ngothando.
  KwabaseGalathiya 5:13 ukuthobeka izifiso ukukhonza
• Konke kuvunyelwe kimi, kepha akusizi konke. Konke kuvunyelwe kimi, kepha mina anginakubuswa lutho.
  1 kwabaseKorinte 6:12 umlutha izifiso ukuphila
• Ngiyakuhamba endaweni ebanzi,
  ngokuba iziyalezo zakho ngiyazifuna.
  AmaHubo 119:45 umthetho ukufuna
• UMoya weNkosi uJehova uphezu kwami,
  ngokuba uJehova ungigcobile
  ukuba ngishumayele izindaba ezinhle
  kwabathotshisiweyo;
  ungithumele ukubopha abanhliziyo ezaphukileyo,
  nokumemezela ukukhululwa kwabathunjwa
  nokuvulelwa kweziboshwa itilongo.
  U-Isaya 61:1 UMoya ngiyethemba umhlengi
• Ziningi izinhlupheko zolungileyo,
  kepha uJehova uyamkhulula kuzo zonke.
  AmaHubo 34:19 ukulunga inhlupheko umhlengi
• Njengabakhululekileyo, kodwa kungabi njengabenza ukukhululeka kube yisigubuzelo sokubi kepha njengezinceku zikaNkulunkulu.
  1 kaPetru 2:16 ukuphila okubi ukukhonza
• Khona uJesu wathi kubaJuda abase bekholiwe nguye: “Uma nimi ezwini lami, ningabafundi bami isibili; niyakulazi iqiniso, neqiniso liyakunikhulula.”
  NgokukaJohane 8:31-32 iqiniso IZwi likaNkulunkulu ukulandela
• Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile emthethweni wesono nowokufa.
  KwabaseRoma 8:1-2 umthetho ukwahlulela umhlengi
• Kepha manje, senikhululiwe esonweni naba ngabakhonza uNkulunkulu, ninazo izithelo zenu kube ngukungcweliswa nasekugcineni ukuphila okuphakade.
  KwabaseRoma 6:22 umhlengi isibi ubungcwele
• UMoya weNkosi uphezu kwami,
  ngokuba ingigcobile ukuba ngishumayele ivangeli kwabampofu,
  ingithumele ukumemezela ukukhululwa kwabathunjiweyo,
  nokubona kwabayizimpumputhe,
  nokuhlenga abacindezelweyo.
  NgokukaLuka 4:18 UMoya ukuvangela ukuphulukisa
• Kepha obukisisa emthethweni opheleleyo wenkululeko nohlala kuwo, engesiye ozwayo nje akhohlwe, kodwa engowenzayo asebenze, lowo uzakuba ngobusisiweyo ekwenzeni kwakhe.
  EkaJakobe 1:25 umthetho isibusiso ukulalela
• UNkulunkulu ohlalisa imihlalaqha ezindlini,
  akhiphele iziboshwa ekubuseni;
  ngabahlubukileyo bodwa abakhe ezweni elomileyo.
  AmaHubo 68:6 ukulalela umthetho ubungani isijeziso
• Kunjani, pho, na? Siyakona ngokuba singephansi komthetho kodwa phansi komusa na? Qha nakanye.
  KwabaseRoma 6:15 isibi umusa umthetho
• Sisize, Nkulunkulu wensindiso yethu,
  ngenxa yenkazimulo yegama lakho;
  usikhulule, usithethelele izono zethu
  ngenxa yegama lakho.
  AmaHubo 79:9 insindiso khulekela isibi
• Nina enithanda uJehova zondani okubi;
  uyagcina imiphefumulo yabamkhonzayo;
  uyabasindisa ezandleni zababi.
  AmaHubo 97:10 thembekile umhlengi okubi
• Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose yilowo nalowo okholwayo uyakulungisiswa ngaye.
  IzEnzo 13:38-39 umthetho UJesu intethelelo