Amavesi EBhayibheli ngokwethembeka

«»

• Kepha iNkosi ithembekile, eyakuniqinisa, inilondoloze komubi.
  2 kwabaseThesalonika 3:3 ukuphepha amandla usathane
• Yazi-ke ukuthi uJehova uNkulunkulu wakho unguNkulunkulu, uNkulunkulu othembekileyo, ogcina isivumelwano nomusa nabamthandayo abagcina imiyalo yakhe kuze kube sezizukulwaneni eziyinkulungwane.
  UDuteronomi 7:9 umthetho UNkulunkulu isivumelwano
• Ngumusa kaJehova ukuthi asiqediwe,
  ngokuba ububele bakhe abupheli.
  Busha ekuseni njalo;
  ukuthembeka kwakho kukhulu.
  IsiLilo 3:22-23 uthando ububele ukwethembeka
• Jehova, unguNkulunkulu wami;
  ngiyakukuphakamisa,
  ngidumise igama lakho,
  ngokuba wenzile izimangaliso,
  namasu asendulo, nokuthembeka, neqiniso.
  U-Isaya 25:1 UNkulunkulu khulekela indumiso
• Ukuthandwa komuntu kubangwa ngumusa wakhe;
  ompofu ungcono kunomuntu wamanga.
  IzAga 19:22 imali okuhle ukuhlupheka
• Akayikuvuma ukuba unyawo lwakho lushelele;
  okulondolozayo akayikozela.
  AmaHubo 121:3 ukwethemba ukuncika
• Phonsa phezu kukaJehova umthwalo wakho, uzakukuphasa;
  akayikuvuma naphakade ukuba olungileyo azanyazanyiswe.
  AmaHubo 55:22 ukulunga ukuphepha
• UJehova nguye ohamba phambi kwakho; uyakuba nawe; akayikukuyeka, akushiye; ungesabi, ungabi nangebhe.
  UDuteronomi 31:8 ukulandela uvalo isikhuthazo
• Anifikelwanga ukulingwa okungenjengokwabantu; kepha uNkulunkulu uthembekile, ongayikuvuma ukuba nilingwe ngokungaphezu kwamandla enu, kepha oyakuthi kanye nokulingwa anenzele indlela yokuphepha, nize nibe namandla okukuthwala.
  1 kwabaseKorinte 10:13 isilingo umlutha izifiso
• UJehova useduze nabo bonke abambizayo,
  bonke abambizayo ngeqiniso.
  AmaHubo 145:18 ukwethemba umkhuleko
• UJehova uyakufeza okwami;
  Jehova, umusa wakho umi phakade;
  ungashiyi imisebenzi yezandla zakho.
  AmaHubo 138:8 UNkulunkulu ukuphepha ukwethembeka
• Bongani uJehova, ngokuba muhle,
  ngokuba umusa wakhe umi phakade.
  1 iziKronike 16:34 khulekela ukubonga ukwethembeka
• Inkosi yakhe yathi kuye: ‘Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.’
  NgokukaMathewu 25:21 umvuzo isibusiso ukukhonza
• Kepha mina ngizakuhlabelela ngamandla akho,
  ngethabele umusa wakho ekuseni,
  ngokuba uyinqaba yami,
  nesiphephelo ngosuku lokuhlupheka kwami.
  AmaHubo 59:16 amandla ukuvikela ukucula
• Ukuphelela kwabaqotho kuyabahola,
  kepha ukuphambanisa kwabambuluzayo kuyabachitha.
  IzAga 11:3 thembeka
• Uthembekile yena onibizayo, oyakukwenza futhi.
  1 kwabaseThesalonika 5:24 ubizo ukwethembeka IZwi likaNkulunkulu
• Kepha umusa kaJehova uphezu kwabamesabayo kwaphakade kuze kube phakade,
  nokulunga kwakhe kubantwana babantwana,
  kubo abagcina isivumelwano sakhe
  bekhumbula iziyalezo zakhe ukuba bazenze.
  AmaHubo 103:17-18 umthetho umndeni isivumelwano
• Bheka, iso likaJehova liphezu kwabamesabayo,
  abathemba umusa wakhe.
  AmaHubo 33:18 UNkulunkulu mangala
• Ohamba encetheza uyambula izimfihlakalo,
  kepha othembekile emoyeni uyayisibekela indaba.
  IzAga 11:13 ukukhuluma inhlebo ukuqamba amanga
• Kuze kube kalokhu anicelanga lutho egameni lami. Celani, niyakwamukeliswa ukuba intokozo yenu igcwale.
  NgokukaJohane 16:24 injabulo ukwamukela ongenasici
• Izipho zonke ezinhle neziphiwo zonke ezipheleleyo zivela phezulu, zehla kuYise wokukhanya okungekho kuye ukuguquka nasithunzi sokuphenduka.
  EkaJakobe 1:17 UBaba ongenasici inkazimulo
• Ngokuba wena, Nkosi, umuhle, ungothethelelayo,
  unomusa omkhulu kubo bonke abakhala kuwe.
  AmaHubo 86:5 uthando intethelelo
• “Mina ngingu-Alfa no-Omega,” kusho iNkosi uNkulunkulu, “okhona nowayekhona nozayo, uMninimandla onke.”
  IsAmbulo 1:8 ukuphila okungunaphakade UNkulunkulu ukuza kwesibili
• Ngokuba usuthisa umphefumulo olangazelayo;
  umphefumulo olambayo uyawugcwalisa ngokuhle.
  AmaHubo 107:9 ukudla
• Wena Jehova umi phakade;
  isihlalo sakho sobukhosi
  sikhona ezizukulwaneni ngezizukulwane.
  IsiLilo 5:19 UNkulunkulu umbuso