Amavesi EBhayibheli ngezinguquko

«»

• Kepha thina sonke esibuka ngobuso obambuliwe inkazimulo yeNkosi njengasesibukweni siyaguqulwa, sibe njengalowo mfanekiso ngokuya enkazimulweni, njengalokhu kumi ngeNkosi enguMoya.
  2 kwabaseKorinte 3:18UMoya
• Ningalingisi leli zwe, kodwa niguqulwe isimo ngokwenziwa ibe ntsha ingqondo yenu, ukuze nibe nokuhlolisisa okuyintando kaNkulunkulu, okuhle, nokuthandekayo, nokupheleleyo.
  KwabaseRoma 12:2ongenasiciukulalela umthethoukuphila
• Kepha iNkosi mayiqondise izinhliziyo zenu othandweni lukaNkulunkulu nasekubekezeleni kukaKristu.
  2 kwabaseThesalonika 3:5uthandoukulandelaukwethembeka
• Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
  KwabaseGalathiya 5:22-23umthethoUMoyaisibusiso
• Ngakho-ke bulalani amalungu enu asemhlabeni, ubufebe, nokungcola, nokuhuheka, nokukhanuka, nesangabe, okungukukhonza izithombe.
  KwabaseKolose 3:5isibiizifisoukuthanda izinto ezibambekayo
• Kepha ngiyanincenga, bazalwane, ngegama leNkosi yethu uJesu Kristu ukuba nikhulume zwilinye nonke, kungabikho ukwahlukana phakathi kwenu, kodwa nipheleliswe emqondweni munye nasekuboneni kunye.
  1 kwabaseKorinte 1:10umphakathiumndeniongenasici
• Kepha lowo oyakuphuza amanzi engiyakumnika wona kasayikoma naphakade; kepha amanzi engiyakumnika wona, phakathi kwakhe ayakuba ngumthombo wamanzi aphuphumayo, kube ngukuphila okuphakade.
  NgokukaJohane 4:14ukuphila okungunaphakadeukwamukela
• Niklebhule inhliziyo yenu,
  hhayi izingubo zenu,
  niphendukele kuJehova uNkulunkulu wenu,
  ngokuba yena unomusa,
  unobumnene,
  wephuza ukuthukuthela,
  unesihe esikhulu,
  uhawukela nomubi.
  UJoweli 2:13inhliziyoumusauthando
• Ngalokhu phendukani, niguquke ukuba kuhlangulwe izono zenu.
  IzEnzo 3:19ukuguqulwaisibiintethelelo
• Ningaqambelani amanga, lokhu nikhumule umuntu omdala kanye nezenzo zakhe, nembethe omusha, owenziwa musha abe nokwazi ngokomfanekiso walowo owamdalayo.
  KwabaseKolose 3:9-10ukuqamba amangaukuphilaukuguqulwa
• Ngokuba sisebuthakathaka, uKristu wafela abangamesabi uNkulunkulu ngesikhathi esifaneleyo.
  KwabaseRoma 5:6umhlatsheloUJesu
• Kusukela kuleso sikhathi uJesu waqala ukushumayela nokusho ukuthi: “Phendukani, ngokuba umbuso wezulu ususondele.”
  NgokukaMathewu 4:17UJesuukuguqulwaukuvangela
• UPetru wayesethi: “Phendukani, yilowo nalowo abhapathizwe egameni likaJesu Kristu kukho ukuthethelelwa kwezono zenu; khona niyakwamukeliswa isiphiwo sikaMoya oNgcwele.”
  IzEnzo 2:38intetheleloUMoyaukubhapathizwa