Amavesi EBhayibheli ngentethelelo

«»

• Osibekela isiphambeko ufuna uthando,
  kepha onokondisa indaba wahlukanisa abahlobo.
  IzAga 17:9 ubungani
• Maniphathane ngobumnene, nihawukelane, nithethelelane, njengalokho noNkulunkulu wanithethelela ngoKristu.
  Kwabase-Efesu 4:32 ububele okuhle ukubuyisana
• Ngokuba uma nithethelela abantu iziphambeko zabo, noYihlo wasezulwini uyakunithethelela nani.
  NgokukaMathewu 6:14 isibi umusa isihe
• Nibekezelelane, nithethelelane, uma umuntu enensolo komunye; njengokuba neNkosi yanithethelela, yenzani njalo nani.
  KwabaseKolose 3:13 ukuthula umakhelwane ukubuyisana
• Bazithobe abantu bami ababizwa ngegama lami, bakhuleke, bafune ubuso bami, baphenduke ezindleleni zabo ezimbi, ngiyakuzwa ezulwini, ngithethelele isono sabo, ngiphilise izwe labo.
  2 iziKronike 7:14 ukuthobeka ukuphulukisa ukuguqulwa
• Ningahluleli, khona anisoze nahlulelwa; ningalahli, khona anisoze nalahlwa; thethelelani, khona niyakuthethelelwa.
  NgokukaLuka 6:37 ukwahlulela
• Khona kwasondela uPetru, wathi kuye: “Nkosi, umfowethu uyakungona kangaki, ngimthethelela, na? Kuze kube kasikhombisa na?”
  UJesu wathi kuye: “Angisho kuwe ukuthi kuze kube kasikhombisa kodwa kuze kube kamashumi ayisikhombisa aphindwe kasikhombisa.”
  NgokukaMathewu 18:21-22 umakhelwane isibi isihe
• Ofihla iziphambeko zakhe akayikuphumelela,
  kepha ozivumayo azishiye uyakuthola umusa.
  IzAga 28:13 isibi ukuvuma izono isihe
• Ngokuba wena, Nkosi, umuhle, ungothethelelayo,
  unomusa omkhulu kubo bonke abakhala kuwe.
  AmaHubo 86:5 thembekile uthando
• Futhi nxa nimi nikhuleka, thethelelani, uma ninamagqubu nomunye, ukuze noYihlo osezulwini anithethelele iziphambeko zenu.
  NgokukaMarku 11:25 umkhuleko UBaba isibi
• Ngubani onguNkulunkulu onjengawe
  othethelela insali yefa lakho ububi bayo,
  uyiyekele isiphambeko sayo, na?
  Akabambeleli entukuthelweni yakhe kuze kube phakade,
  ngokuba wenamela umusa.
  UMika 7:18 isibi isihe
• Ngokuba uJehova uNkulunkulu wenu unomusa nesihe, akayikunifulathela, uma nibuyela kuye.
  2 iziKronike 30:9b umusa ukuphenduka ukuguqulwa
• Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose yilowo nalowo okholwayo uyakulungisiswa ngaye.
  IzEnzo 13:38-39 umthetho UJesu inkululeko
• Yena uyinhlawulo ngezono zethu, kungengezethu zodwa kodwa nangezezwe lonke.
  1 kaJohane 2:2 isibi UMsindisi umhlaba
• Ngasivuma isono sami kuwe,
  angisifihlanga isiphambeko sami;
  ngathi: “Ngizakuzivuma izono zami kuJehova,”
  wena wathethelela icala lesono sami. Sela
  AmaHubo 32:5 ukuvuma izono isibi ukuvuma
• Usithethelele amacala ethu,
  njengalokhu nathi sibathethelela
  abanecala kithi.
  NgokukaMathewu 6:12 isikweletu umkhuleko
• Esinokuhlengwa kuye ngegazi lakhe, ukuthethelelwa kwezono ngokwengcebo yomusa wakhe.
  Kwabase-Efesu 1:7 isibi UMsindisi igazi
• Niklebhule inhliziyo yenu,
  hhayi izingubo zenu,
  niphendukele kuJehova uNkulunkulu wenu,
  ngokuba yena unomusa,
  unobumnene,
  wephuza ukuthukuthela,
  unesihe esikhulu,
  uhawukela nomubi.
  UJoweli 2:13 inhliziyo umusa uthando
• Uma umfowenu ona, mkhuze; uma ephenduka, mthethelele. Noma ekonela kasikhombisa ngosuku, abuyele kuwe kasikhombisa, ethi: ‘Ngiyaphenduka,’ womthethelela.
  NgokukaLuka 17:3b-4 isibi ukuphenduka ukukhuluma
• Ngalokhu phendukani, niguquke ukuba kuhlangulwe izono zenu.
  IzEnzo 3:19 ukuguqulwa isibi ukuphenduka
• UPetru wayesethi: “Phendukani, yilowo nalowo abhapathizwe egameni likaJesu Kristu kukho ukuthethelelwa kwezono zenu; khona niyakwamukeliswa isiphiwo sikaMoya oNgcwele.”
  IzEnzo 2:38 UMoya ukubhapathizwa ukuguqulwa
• Kepha uma ningathetheleli abantu iziphambeko zabo, noYihlo akayikunithethelela iziphambeko zenu.
  NgokukaMathewu 6:15 isibi UBaba
• Ngokuba ngiyakuba nesihawu ngokungalungi kwabo,
  nezono zabo angisayikuzikhumbula.
  KumaHeberu 8:12 isibi umusa
• Kukhona ogulayo phakathi kwenu na? Makabize amalunga ebandla, amkhulekele, amgcobe ngamafutha egameni leNkosi. Umkhuleko wokukholwa uyakumsindisa ogulayo, iNkosi imvuse; noma enzile izono, uzakuthethelelwa zona.
  EkaJakobe 5:14-15 ukugula umkhuleko inkolo
• Omubi makashiye indlela yakhe,
  nomuntu owenza okubi imicabango yakhe,
  abuyele kuJehova,
  uyakuba nomusa kuye,
  yebo, abuyele kuNkulunkulu wethu,
  ngokuba uyakwenza ukuthethelela kube kukhulu.
  U-Isaya 55:7 ukulunga ukuguqulwa ukuphila