Amavesi EBhayibheli ngomthetho

«»

• Lawa mazwi engikuyala ngawo namuhla ayakuba senhliziyweni yakho, ubafundise impela wona abantwana bakho, uwakhulume lapho uhlezi endlini yakho, nalapho uhamba endleleni, nalapho ulala, nalapho uvuka.
  UDuteronomi 6:6-7umndeniizingane
• Kunjani, pho, na? Siyakona ngokuba singephansi komthetho kodwa phansi komusa na? Qha nakanye.
  KwabaseRoma 6:15isibiumusainkululeko
• Kuvunyelwe konke, kodwa akusizi konke; kuvunyelwe konke, kodwa akwakhi konke.
  1 kwabaseKorinte 10:23okuhleukulungaukudla
• Ngokukuyala namuhla ukuba umthande uJehova uNkulunkulu wakho, uhambe ngezindlela zakhe, ugcine imiyalo yakhe, nezimiso zakhe, nezahlulelo zakhe, ukuze uphile, wande, uJehova uNkulunkulu wakho akubusise ezweni ongena kulo ukulidla.
  UDuteronomi 30:16isibusisoukuphila
• Owesibili yilo: ‘Womthanda umakhelwame wakho njengalokhu uzithanda wena.’ Awukho omunye umyalo omkhulu kunale.
  NgokukaMarku 12:31uthandoumakhelwaneubugovu
• Le ncwadi yomthetho mayingasuki emlonyeni wakho, kepha wozindla ngayo imini nobusuku ukuba uqaphele ukwenza njengakho konke okulotshwe kuyo, ngokuba lapho uyakuhlahlamelisa indlela yakho, uphumelele kahle.
  UJoshuwa 1:8ukulalela umthethoisibusiso
• Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
  KwabaseGalathiya 5:22-23UMoyaisibusisoubumnene
• Ngokuba ngemisebenzi yomthetho akukho nyama eyakulungisiswa phambi kwakhe; ngokuba ngomthetho kukhona ukwazi isono.
  KwabaseRoma 3:20isibiukulunga
• Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.
  UDuteronomi 28:1ukulalela umthethoisibusiso
• Ningabi nacala lani nakubani, kuphela elokuthandana; ngokuba othanda omunye uwugcwalisile umthetho.
  KwabaseRoma 13:8uthandoisikweletu
• Ngokuba umthetho wonke ugcwalisiwe ezwini linye lokuthi: “Wothanda umakhelwane wakho njengokuba uzithanda wena.”
  KwabaseGalathiya 5:14uthandoumakhelwane
• Ngakho-ke konke nokungakanani enifuna ukuba abantu bakwenze kini, kwenzeni nani kanjalo kubo; ngokuba lokhu kungumthetho nabaprofethi.
  NgokukaMathewu 7:12umakhelwaneubudlelwanoisiprofetho
• Kepha umusa kaJehova uphezu kwabamesabayo kwaphakade kuze kube phakade,
  nokulunga kwakhe kubantwana babantwana,
  kubo abagcina isivumelwano sakhe
  bekhumbula iziyalezo zakhe ukuba bazenze.
  AmaHubo 103:17-18thembekileumndeniisivumelwano
• Manje-ke, Israyeli, uJehova uNkulunkulu wakho ufunani kuwe ngaphandle kokuba umesabe uJehova uNkulunkulu wakho, uhambe ngezindlela zakhe zonke, umthande, umkhonze uJehova uNkulunkulu wakho ngayo yonke inhliziyo yakho, nangawo wonke umphefumulo wakho, ugcine imiyalo kaJehova nezimiso zakhe engakuyala ngakho ngalolo suku ukuba kube kuhle kuwe, na?
  UDuteronomi 10:12-13mangalaisibusisoukukhonza
• Maningaboshelwa ejokeni linye nabangakholwayo, ngokuba kunakuhlanganyela kuni ukulunga nokungalungi na? Kunabudlelwane buni ukukhanya nobumnyama na?
  2 kwabaseKorinte 6:14ukulungaubudlelwanoinkazimulo
• Ukutshelile, muntu, okuhle;
  uJehova ufunani kuwe,
  kungabi ngukwenza ukulunga kuphela nokuthanda umusa,
  uhambe noNkulunkulu wakho ngokuthobeka, na?
  UMika 6:8ukulungaukuthobeka
• Thwalisanani imithwalo yenu, nigcwalise kanjalo umthetho kaKristu.
  KwabaseGalathiya 6:2inhluphekoumakhelwane
• Nani boyise, ningabathukuthelisi abantwana benu, kodwa nibondle ngokuyala nangokuqondisa kweNkosi.
  Kwabase-Efesu 6:4umndeniizingane
• Ngokuba bonke abonileyo bengenamthetho bayakubhubha bengenamthetho; kepha bonke abonileyo benomthetho bayakwahlulelwa ngomthetho.
  KwabaseRoma 2:12isibiukwahlulelaisijeziso
• Ngikufunile ngenhliziyo yami yonke;
  mangingaphambuki emiyalweni yakho.
  AmaHubo 119:10ukulungainhliziyo
• Yilo umyalo wami wokuba nithandane, njengalokho nginithandile.
  NgokukaJohane 15:12uthandoUJesu
• Kepha ukwahlulela makugobhoze njengamanzi,
  nokulunga njengomfula onganqamukiyo.
  U-Amose 5:24ukulunga
• Bathandekayo, uma inhliziyo ingasilahli, sinesibindi kuNkulunkulu, nesikucelayo siyakukwamukeliswa nguye, ngokuba sigcina imiyalo yakhe, senza okuthandekayo ebusweni bakhe.
  1 kaJohane 3:21-22ukwethembaukulalela umthetho
• Ngikhethile indlela yeqiniso;
  izahlulelo zakho ngizibekile phambi kwami.
  AmaHubo 119:30inkoloiqiniso
• Qaphelisisani kuphela ukwenza imiyalo nomthetho aniyala ngakho uMose inceku kaJehova ukuba nimthande uJehova uNkulunkulu wenu, nihambe kuzo zonke izindlela zakhe, nigcine imiyalo yakhe, ninamathele kuye, nimkhonze ngayo yonke inhliziyo yenu nangawo wonke umphefumulo wenu.
  UJoshuwa 22:5inhliziyoumphefumuloukukhonza