Amavesi EBhayibheli ngesijeziso

«»

• Ndodana yami,
  ungadeleli ukulaya kukaJehova,
  ungakhathazeki ngokusola kwakhe.
  Ngokuba uJehova uyamlaya amthandayo,
  njengoyise indodana ayithandayo.
  IzAga 3:11-12 uthando UBaba ukufunda
• Bonke engibathandayo ngiyabasola, ngibalaye; ngakho-ke shisekela uphenduke.
  IsAmbulo 3:19 uthando ukuphila ukuguqulwa
• Oqondileyo uyabona ububi, acashe,
  kepha abangenalwazi badlula nje, bahlupheke ngakho.
  IzAga 27:12 ingqondo ukuphepha ukuvikela
• Ngokuba bonke abonileyo bengenamthetho bayakubhubha bengenamthetho; kepha bonke abonileyo benomthetho bayakwahlulelwa ngomthetho.
  KwabaseRoma 2:12 isibi umthetho ukwahlulela
• Ukulaya konke okwamanje kungathi akusikho okwentokozo, kepha kungokosizi, kodwa ngasemuva kuyabathelela isithelo esihle sokulunga labo abahlakahliswe yikho.
  KumaHeberu 12:11 ukulunga ukuthula izingane
• Uma umuntu ona, enza noma yikuphi kuyo imiyalo uJehova ayale ngakho ukuthi akunakwenziwa, noma ebengakwazi, unecala nokho, futhi wothwala ububi bakhe.
  ULevitikusi 5:17 isibi umthetho
• Kepha ebingazi yenza okufanele imivimbo, iyakushaywa eyingcosana; yilowo nalowo ophiwe okuningi, kuyakubizwa okuningi kuye; nophathiswe okuningi, bayakubiza kuye okungaphezu kwalokho.
  NgokukaLuka 12:48 ukulunga ukulalela umthetho
• Phendukani, nibuye ezeqweni zenu zonke, ububi bungabi yisikhubekiso senu.
  UHezekeli 18:30b ukuguqulwa isibi
• Akukho ukwesaba othandweni, kepha uthando olupheleleyo luyaxosha ukwesaba, ngokuba ukwesaba kunesijeziso, nowesabayo akaphelele othandweni.
  1 kaJohane 4:18 uthando uvalo
• Ungaliphathi ngeze igama likaJehova uNkulunkulu wakho, ngokuba uJehova akayikumyeka oliphatha ngeze igama lakhe.
  UDuteronomi 5:11 umthetho
• Bheka, ubusisiwe lowo muntu uNkulunkulu amlayayo;
  ngalokho ungadeleli ukukhuzwa nguSomandla.
  UJobe 5:17 inhlupheko isibusiso
• Wokwazi enhliziyweni yakho ukuthi njengalokhu umuntu elaya indodana yakhe, kanjalo uJehova uNkulunkulu wakho uyakulaya wena.
  UDuteronomi 8:5 UBaba ukufunda
• Ohamba nabahlakaniphileyo uyakuhlakanipha,
  kepha umngane weziwula uyakushoshozelwa yizo.
  IzAga 13:20 inhlakanipho
• Ngithi kini: Qha, kepha uma ningaphenduki, niyakubhubha kanjalo nonke.
  NgokukaLuka 13:3 ukuguqulwa ukuphenduka
• Okholwayo abhapathizwe uyakusindiswa, kepha ongakholwayo uyakulahlwa.
  NgokukaMarku 16:16 inkolo insindiso ukubhapathizwa
• INkosi iyakwazi ukuhlangulisa ekulingweni abamesabayo uNkulunkulu, kepha abangalungile iyabagcinela usuku lokwahlulelwa, bajeziswe.
  2 kaPetru 2:9 isilingo ukwahlulela insindiso
• Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile emthethweni wesono nowokufa.
  KwabaseRoma 8:1-2 umthetho ukwahlulela umhlengi
• Kepha phezu kwakho konke, bazalwane bami, ningafungi; ningafungi izulu noma umhlaba noma esinye isifungo; kodwa uyebo wenu makabe nguyebo, noqhabo uqhabo, ukuze ningaweli ekwahlulelweni.
  EkaJakobe 5:12 thembeka iqiniso ukukhuluma
• Shumayela izwi, uqinise, noma kuyisikhathi noma kungesiso; sola, ukhuze, uyale ngakho konke ukubekezela nokufundisa.
  2 kuThimothewu 4:2 ukuvangela ukubekezela
• UNkulunkulu ohlalisa imihlalaqha ezindlini,
  akhiphele iziboshwa ekubuseni;
  ngabahlubukileyo bodwa abakhe ezweni elomileyo.
  AmaHubo 68:6 inkululeko ukulalela umthetho ubungani
• UJehova uyalondoloza abafokazi;
  uyaphasa intandane nomfelokazi;
  kepha indlela yababi uyayiphambanisa.
  AmaHubo 146:9 ukuvikela izintandane abafelokazi
• Ngalokho ngithi kini: Abantu bayakuthethelelwa zonke izono nokuhlambalaza, kepha ukuhlambalaza uMoya akuyikuthethelelwa.
  NgokukaMathewu 12:31 isibi intethelelo UMoya
• Kepha isipho somusa asinjengesiphambeko; ngokuba uma ngesiphambeko samuntu munye abaningi bafa, ikakhulu kwavama kwabaningi umusa nesipho sikaNkulunkulu ngomusa wamuntu munye, uJesu Kristu.
  KwabaseRoma 5:15 isibi umusa UJesu
• Ingcebo ayisizi ngosuku lolaka,
  kepha ukulunga kophula ekufeni.
  IzAga 11:4 imali ukulunga ukuthanda izinto ezibambekayo
• Ngenxa yokuba ububi obenziwayo bungahlulelwa masinyane, ngalokho izinhliziyo zamadodana abantu phakathi kwawo zigcwele ukwenza okubi.
  UmShumayeli 8:11 isibi inhliziyo okubi