Amavesi EBhayibheli ngomphefumulo

«»

• Uma nina niselapho nimfuna uJehova uNkulunkulu wenu, niyakumfumana, uma nimfuna ngayo yonke inhliziyo yenu nangawo wonke umphefumulo wenu.
  UDuteronomi 4:29UNkulunkuluumvuzo
• Ngokuba kuyakumsizani umuntu, uma ezuza izwe lonke, onakalelwe ukuphila kwakhe, na? Yingabe uyakukhiphani umuntu, kube yisihlengo sokuphila kwakhe, na?
  NgokukaMathewu 16:26ukuthanda izinto ezibambekayoukuphilaumhlaba
• Umphefumulo wami uzithulele kuNkulunkulu kuphela;
  insindiso yami ivela kuye.
  AmaHubo 62:1insindisoukuphumula
• Yini ukuba udangale,
  mphefumulo wami,
  uyaluze phakathi kwami, na?
  Methembe uNkulunkulu,
  ngokuba ngisezakumdumisa yena
  oyinsindiso yobuso bami noNkulunkulu wami.
  AmaHubo 42:11khulekelangiyethembaindumiso
• Usho kanje uJehova, uthi:
  “Yimani ezindleleni, nibone,
  nibuze imikhondo yasendulo
  ukuthi iphi indlela enhle,
  nihambe ngayo,
  niyakufumana ukuphumula kwemiphefumulo yenu;
  kepha bathi: ‘Asiyikuhamba ngayo.’ ”
  UJeremiya 6:16ukuphumulaokuhle
• UJesu wathi kuye: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.”
  NgokukaMathewu 22:37inhliziyoingqondo
• Sithandwa, kunakho konke ngikufisela ukuba ube nenhlanhla nokuphila, njengokuba umphefumulo wakho unenhlanhla.
  3 kaJohane 1:2isibusisoumkhulekoukugula
• Ningabesabi ababulala umzimba bengenamandla okubulala umphefumulo, kepha kakhulu mesabeni onamandla okubhubhisa nomphefumulo nomzimba esihogweni.
  NgokukaMathewu 10:28uvaloumzimbaisihogo
• Ngokuba wena uzenzile izinso zami,
  wangaluka esiswini sikamame.
  Ngiyakukubonga,
  ngokuba ngenziwa ngokwesabekayo nangokumangalisayo;
  imisebenzi yakho iyamangalisa;
  umphefumulo wami uyakwazi kahle.
  AmaHubo 139:13-14indaloizimangalisoubuhle
• Niyakungifuna, ningifumane, lapho ningifunisisa ngenhliziyo yenu yonke.
  UJeremiya 29:13ukufunainhliziyo
• Nkulunkulu, wena unguNkulunkulu wami,
  ngiyakufuna ekuseni;
  umphefumulo wami womele wena;
  inyama yami ilangazelela wena
  ezweni elomileyo eligagadekileyo,
  lapho amanzi engekho khona.
  AmaHubo 63:1khulekelaukufunaumzimba
• Mbonge uJehova, mphefumulo wami;
  konke okuphakathi kwami makubonge igama lakhe elingcwele.
  AmaHubo 103:1ubungcwelekhulekelaindumiso
• Amazwi amahle anjengamakhekheba oju;
  amnandi emphefumulweni, ayimpiliso emathanjeni.
  IzAga 16:24ubumneneukukhulumaukudla
• Ngiyalindela uJehova,
  umphefumulo wami uyalinda;
  ngiyalethemba izwi lakhe.
  AmaHubo 130:5ngiyethembaIZwi likaNkulunkulu
• Jehova, hlenga umphefumulo wami emlonyeni wamanga
  nasolimini lwenkohliso.
  AmaHubo 120:2ukukhulumaumhlengiukuqamba amanga
• Umthetho kaJehova uphelele,
  uvusa umphefumulo;
  ukufakaza kukaJehova kuqinisile,
  kuhlakaniphisa oyisiwula.
  AmaHubo 19:7umthethoinhlakaniphoIZwi likaNkulunkulu
• Qaphelisisani kuphela ukwenza imiyalo nomthetho aniyala ngakho uMose inceku kaJehova ukuba nimthande uJehova uNkulunkulu wenu, nihambe kuzo zonke izindlela zakhe, nigcine imiyalo yakhe, ninamathele kuye, nimkhonze ngayo yonke inhliziyo yenu nangawo wonke umphefumulo wenu.
  UJoshuwa 22:5umthethoinhliziyoukukhonza
• Izindebe zami zizakujabula,
  ngokuba ngizakukudumisa wena,
  nomphefumulo wami owuhlengileyo.
  AmaHubo 71:23khulekelaumhlengiukucula
• Bhekani, namuhla ngiyahamba indlela yomhlaba wonke; niyazi ezinhliziyweni zenu zonke nasemiphefumulweni yenu yonke ukuthi akuphuthanga nento eyodwa kuzo zonke izinto ezinhle azikhuluma uJehova uNkulunkulu wenu ngani; kwenziwa konke kini, akuphuthanga nento eyodwa kukho.
  UJoshuwa 23:14thembekileinhliziyoukufa
• Mphefumulo wami,
  zithulisele kuNkulunkulu kuphela,
  ngokuba ithemba lami livela kuye.
  AmaHubo 62:5ukuphumulangiyethemba
• Umphefumulo wami womela uNkulunkulu,
  uNkulunkulu ophilayo;
  ngiyakufika nini, ngibonakale phambi kukaNkulunkulu, na?
  AmaHubo 42:2ukusondelaukufuna
• Ngokuba nganelisile imiphefumulo eyethileyo, ngigcwalisile yonke imiphefumulo enosizi.
  UJeremiya 31:25ukuphepha