Amavesi EBhayibheli ngokuPhumula

«»

• Zanini kimi nina nonke enikhatheleyo nenisindwayo, mina ngizakuniphumuza.
  NgokukaMathewu 11:28ngiyethembaisikhuthazoubuthakathaka
• Umphefumulo wami uzithulele kuNkulunkulu kuphela;
  insindiso yami ivela kuye.
  AmaHubo 62:1insindisoumphefumulo
• Ngizakucambalala ngokuthula,
  ngilale ubuthongo,
  ngokuba wena Jehova wedwa ungihlalisa ngokulondeka.
  AmaHubo 4:8ukuphephaukuthula
• Usho kanje uJehova, uthi:
  “Yimani ezindleleni, nibone,
  nibuze imikhondo yasendulo
  ukuthi iphi indlela enhle,
  nihambe ngayo,
  niyakufumana ukuphumula kwemiphefumulo yenu;
  kepha bathi: ‘Asiyikuhamba ngayo.’ ”
  UJeremiya 6:16umphefumulookuhle
• UJehova ungumalusi wami,
  angiyikuswela.
  Uyangilalisa emadlelweni aluhlaza;
  uyangiyisa ngasemanzini okuphumula.
  AmaHubo 23:1-2isibusisoukuncika
• Yena owakhile ekusithekeni koPhezukonke
  nohlezi emthunzini kaSomandla
  uthi kuJehova: “Uyisiphephelo sami nenqaba yami
  noNkulunkulu wami engimethembayo.”
  AmaHubo 91:1-2ukwethembaukuphephausomandla
• Ngakho-ke kubasalele abantu bakaNkulunkulu ukuphumula kwesabatha. Ngokuba ongenile ekuphumuleni kwakhe yena uphumula emisebenzini yakhe njengoNkulunkulu kweyakhe.
  KumaHeberu 4:9-10isabathaumsebenzi
• Bekani ijoka lami phezu kwenu, nifunde kimi, ngokuba ngimnene, ngithobile ngenhliziyo; khona imiphefumulo yenu iyakufumana impumuzo. Ngokuba ijoka lami lihle, nomthwalo wami ulula.
  NgokukaMathewu 11:29-30ukuthobekaukufunda
• Yizwani nibone ukuthi uJehova muhle;
  ubusisiwe lowo muntu ophephela kuye.
  AmaHubo 34:8UNkulunkuluisibusiso
• Ngakho-ke masikhuthalele ukungena kulokho kuphumula, ukuze kungawi muntu ngaleso siboniso sokungalaleli.
  KumaHeberu 4:11isabathaukulalela umthetho
• Kepha ukuphela kwezinto zonke sekusondele. Ngakho zikhuzeni, nizithibe, ukuze nikhuleke.
  1 kaPetru 4:7ukuza kwesibiliukuphela kwesikhathiumkhuleko
• Gcina usuku lwesabatha, ulungcwelise, njengalokho uJehova uNkulunkulu wakho ekuyalile. Izinsuku eziyisithupha uyakusebenza, uwenze wonke umsebenzi wakho, kepha usuku lwesikhombisa luyisabatha likaJehova uNkulunkulu wakho; awuyikusebenza msebenzi ngalo, wena nendodana yakho, nendodakazi yakho, nenceku yakho, nencekukazi yakho, nenkabi yakho, nembongolo yakho, nezinkomo zakho, nomfokazi wakho ophakathi kwamasango akho, ukuba inceku yakho nencekukazi yakho ziphumule njengawe.
  UDuteronomi 5:12-14isabatha
• Mphefumulo wami,
  zithulisele kuNkulunkulu kuphela,
  ngokuba ithemba lami livela kuye.
  AmaHubo 62:5umphefumulongiyethemba