Amavesi EBhayibheli ngokuphela kwesikhathi

«»

• Makungabikho muntu onikhohlisayo nangayiphi indlela; ngokuba aluyikufika, kungaveli kuqala ukuhlubuka, kwambulwe umuntu ongenamthetho, indodana yokulahlwa, omelana nakho konke, nozikhukhumeza phezu kwakho konke okuthiwa uNkulunkulu noma into ekhonzwayo, aze azihlalise ethempelini likaNkulunkulu ezishaya uNkulunkulu.
  2 kwabaseThesalonika 2:3-4ukuza kwesibiliizithombe ezibaziweyo
• Ngalokho nani hlalani nilungele, ngokuba iNdodana yomuntu iyakufika ngesikhathi eningasicabangiyo.
  NgokukaMathewu 24:44UMesiyaukuza kwesibili
• Bheka, ngiyeza masinyane, nomvuzo wami unami ukumnika yilowo nalowo njengokomsebenzi wakhe.
  IsAmbulo 22:12ukuza kwesibiliUJesuumvuzo
• Ngokuba iNkosi uqobo iyakwehla ezulwini ngezwi lenhlokomo, ngephimbo lengelosi enkulu nangecilongo likaNkulunkulu, nabafileyo kuKristu bayakuvuka kuqala, khona thina, esisekhona sisasele siyakuhlwithwa kanye nabo emafwini, sihlangabeze iNkosi emoyeni; kanjalo-ke siyakuba nayo iNkosi njalo.
  1 kwabaseThesalonika 4:16-17insindisoukufaizulu
• Abasho ukuthi ngesikhathi sokugcina kuyakuba khona abahleka usulu, behamba ngezinkanuko zabo zokungamesabi uNkulunkulu. Yilabo abaveza ukwahlukana, bengabenyama bengenaMoya.
  EkaJuda 1:18-19izifisoisontoUMoya
• INkosi ayilibali ngesithembiso sayo, njengalokhu abanye bathi kungukulibala, kepha iyanibekezelela, ingathandi ukuba kubhubhe namunye, kodwa ukuba bonke beze ekuphendukeni.
  2 kaPetru 3:9insindisoukubekezelaukuguqulwa
• Leli vangeli lombuso liyakushunyayelwa ezweni lonke, kube ngubufakazi ezizweni zonke, andukuba kufike ukuphela.
  NgokukaMathewu 24:14ukuvangelaumbusoumhlaba
• Ofakaza ngalezi zinto uthi: “Yebo, ngiyeza masinyane.”
  Amen. Woza, Nkosi Jesu!
  IsAmbulo 22:20UJesuukuza kwesibili
• Ngakho-ke lindani, ngokuba anazi ukuthi iNkosi yenu iyakufika ngaluphi usuku.
  NgokukaMathewu 24:42ukuza kwesibiliukubekezela
• Abaningi bayakuzihlanza, bazenze mhlophe, bacwengisiswe, kepha ababi bayakwenza kabi, kodwa akayikuqonda noyedwa omubi; nokho abahlakaniphileyo bayakuqonda.
  UDaniyeli 12:10ukuhlanzwaisibiukuqonda
• “Bayakuba ngabami,” usho uJehova Sebawoti, “babe yimfuyo yami ngosuku engiyakulwenza, ngibahawukele, njengalokhu umuntu ehawukela indodana yakhe emkhonzayo.”
  UMalaki 3:17ukukhonzaumvuzoinsindiso
• Kepha ukuphela kwezinto zonke sekusondele. Ngakho zikhuzeni, nizithibe, ukuze nikhuleke.
  1 kaPetru 4:7ukuza kwesibiliukuphumulaumkhuleko
• Ngalokho-ke masingalali njengabanye, kodwa masiqwashe, siqonde.
  1 kwabaseThesalonika 5:6ukuphephaukuzithiba
• Kodwa okhuthazelayo kuze kube sekupheleni nguyena oyakusindiswa.
  NgokukaMathewu 24:13ukubekezelainsindiso
• Masiqaphelane, ukuze kuvuswe uthando nemisebenzi emihle, singakuyeki ukuhlangana kwethu njengomkhuba wabanye, kepha masivuselelane, ikakhulu njengokuba nibona usuku lusondela.
  KumaHeberu 10:24-25ukuza kwesibiliumphakathiisikhuthazo
• Kuyakudlula izulu nomhlaba, kepha amazwi ami awasoze adlula.
  NgokukaMathewu 24:35thembekileIZwi likaNkulunkuluizulu
• Ngakho-ke uma bethi kini: ‘Bhekani, usehlane,’ ningaphumi; noma bethi: ‘Bhekani, usendlini,’ ningakholwa; ngokuba njengonyazi luphuma empumalanga, lubonakale kuze kube sentshonalanga, kuyakuba njalo ukufika kweNdodana yomuntu.
  NgokukaMathewu 24:26-27ukuza kwesibiliUJesu
• Kodwa, bathandekayo, maningakhohlwa lento inye yokuthi kuyo iNkosi usuku lunye lunjengeminyaka eyinkulungwane nokuthi iminyaka eyinkulungwane injengosuku lunye.
  2 kaPetru 3:8UNkulunkuluukuza kwesibiliukubekezela
• Nakalokhu, bantwanyana, hlalani kuye, ukuze, nxa ebonakala, sibe nesibindi, singabi namahloni sinyibe kuye ekubonakaleni kwakhe.
  1 kaJohane 2:28ukwethembaukuza kwesibili