Amavesi EBhayibheli ngokufa

«»

• UJesu wathi kuye: “Mina ngingukuvuka nokuphila; okholwa yimi, noma efa, wophila. Nalowo ophila, akholwe yimi, kasoze afa naphakade. Uyakholwa yilokho na?”
  NgokukaJohane 11:25-26inkoloukuvukaizethembiso
• Ngokuba uma siphila, siphilela iNkosi; uma sifa, sifela iNkosi. Ngakho-ke noma siphila noma sifa, singabeNkosi.
  KwabaseRoma 14:8ukuphila
• Ngokuba iNkosi uqobo iyakwehla ezulwini ngezwi lenhlokomo, ngephimbo lengelosi enkulu nangecilongo likaNkulunkulu, nabafileyo kuKristu bayakuvuka kuqala, khona thina, esisekhona sisasele siyakuhlwithwa kanye nabo emafwini, sihlangabeze iNkosi emoyeni; kanjalo-ke siyakuba nayo iNkosi njalo.
  1 kwabaseThesalonika 4:16-17insindisoizuluizingelosi
• Ngokuba kimina ukuphila kunguKristu, ukufa kuyinzuzo.
  KwabaseFilipi 1:21UJesuukuphila
• Noma ngihamba esigodini sethunzi lokufa,
  angesabi okubi, ngokuba wena unami,
  intonga yakho nodondolo lwakho ziyangiduduza.
  AmaHubo 23:4uvaloisikhuthazoushushiso
• Likholekile leli zwi lokuthi: Ngokuba uma safa naye, siyakuphila naye futhi.
  2 kuThimothewu 2:11IZwi likaNkulunkuluukuphila okungunaphakadethembekile
• Ngifake njengophawu enhliziyweni yakho,
  njengophawu engalweni yakho,
  ngokuba uthando lunamandla njengokufa;
  isikhwele silukhuni njengendawo yabafileyo;
  amalangabi alo angamalangabi omlilo,
  ilangabi likaJehova.
  IsiHlabelelo seziHlabelelo 8:6uthandoinhliziyo
• Ngiyakholwa ukuthi nakufa, nakuphila, nazingelosi, nababusi, nakho okukhona, nakho okuzayo, namandla, nakuphakama, nakujula, nanto enye edaliweyo akuyikuba namandla okusahlukanisa nothando lukaNkulunkulu olukuKristu Jesu iNkosi yethu.
  KwabaseRoma 8:38-39uthandoumlamuliizingelosi
• Ngokuba njengalokhu ku-Adamu bonke bayafa, ngokunjalo futhi kuKristu bonke bayakuphiliswa.
  1 kwabaseKorinte 15:22insindisoukuphila
• Ngokuba angenameli ukufa kofayo, isho iNkosi uJehova; ngalokho buyani, niphile.
  UHezekeli 18:32ukuguqulwaukuphila okungunaphakadeukulunga
• Ngase ngizwa izwi elikhulu livela esihlalweni sobukhosi, lithi: “Bheka, itabernakele likaNkulunkulu likubantu; uyakuhlala nabo, babe ngabantu bakhe, yena uNkulunkulu abe nabo, azesule izinyembezi zonke emehlweni abo; ukufa akusayikuba khona; nokudabuka, nokukhala, nobuhlungu akusayikuba khona; ngokuba okokuqala kudlulile.”
  IsAmbulo 21:3-4UNkulunkuluukudabukaukukhathazeka
• Kepha ngiphakathi kokubili; nginesifiso sokumuka ngibe noKristu, ngokuba yikhona okuhle kakhulu; kanti-ke ukuhlala enyameni kuswelekile kakhulu ngenxa yenu.
  KwabaseFilipi 1:23-24ukuphila
• Ngokuba lokhu ukufa kweza ngomuntu, ukuvuka kwabafileyo nakho kweza ngomuntu.
  1 kwabaseKorinte 15:21UJesuukuvuka
• SesiseHayidese saphakamisa amehlo aso, sisebuhlungwini, sambona u-Abrahama ekude, noLazaru esesifubeni sakhe. Samemeza sathi: ‘Baba Abrahama, ngihawukele, uthume uLazaru, agcobhoze isihloko somunwe wakhe emanzini, aphozise ulimi lwami, ngokuba ngiyahlushwa kuleli langabi.’
  NgokukaLuka 16:23-24isihogoizuluinhlupheko
• Ngokuba yilowo nalowo othanda ukusindisa ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami uyakukufumana.
  NgokukaMathewu 16:25insindisoukuphila
• Ngokuba siyazi ukuthi uma indlu yethu yasemhlabeni eyidokodo idilizwa, sinesakhiwo esivela kuNkulunkulu, indlu engenziwanga ngezandla, eyaphakade, esezulwini.
  2 kwabaseKorinte 5:1umzimbaukuphilaizulu
• Ngiyakuyaphi,
  ngisuke emoyeni wakho, na?
  Ngiyakubalekelaphi,
  ngimuke ebusweni bakho, na?
  Uma ngikhuphukela ezulwini,
  wena ulapho;
  uma ngendlala icansi lami endaweni yabafileyo, nangu wena.
  AmaHubo 139:7-8UMoyaizuluisihogo
• UJesu wamemeza ngezwi elikhulu, wathi: “Baba, ezandleni zakho ngiyawubeka umoya wami.” Eseshilo lokho wafa.
  NgokukaLuka 23:46iphasikaUJesuUBaba
• Ningabesabi ababulala umzimba bengenamandla okubulala umphefumulo, kepha kakhulu mesabeni onamandla okubhubhisa nomphefumulo nomzimba esihogweni.
  NgokukaMathewu 10:28uvaloumphefumuloumzimba
• Ubusisiwe, ungcwele onesabelo ekuvukeni kokuqala; kulabo ukufa kwesibili akunamandla, kepha bayakuba ngabapristi bakaNkulunkulu nabakaKristu, babuse kanye naye iminyaka eyinkulungwane.
  IsAmbulo 20:6ukuvukaumbusoUMesiya
• Ngokuba cishe kungenzeki ukuba umuntu afele olungileyo, kodwa mhlawumbe kungase kube khona ongaba nesibindi sokufela omuhle; kepha uNkulunkulu uyabonakalisa ukusithanda kwakhe ngalokhu ukuthi, siseyizoni, uKristu wasifela.
  KwabaseRoma 5:7-8isibiinsindiso
• Bhekani, namuhla ngiyahamba indlela yomhlaba wonke; niyazi ezinhliziyweni zenu zonke nasemiphefumulweni yenu yonke ukuthi akuphuthanga nento eyodwa kuzo zonke izinto ezinhle azikhuluma uJehova uNkulunkulu wenu ngani; kwenziwa konke kini, akuphuthanga nento eyodwa kukho.
  UJoshuwa 23:14thembekileinhliziyoumphefumulo
• Nina ningabakayihlo uSathane, nithanda ukwenza izinkanuko zikayihlo. Yena wayengumbulali wabantu kwasekuqaleni, akemi eqinisweni, ngokuba iqiniso lingekho kuye. Nxa ekhuluma amanga, ukhuluma okungokwakhe, lokhu engumqambimanga noyise wawo.
  NgokukaJohane 8:44usathaneizifisoiqiniso