Amavesi EBhayibheli ngephasika

«»

• Kodwa ingelosi yaphendula, yathi kwabesifazane: “Ningesabi nina; ngokuba ngiyazi ukuthi nifuna uJesu obebethelwe esiphambanweni; kakho lapha, ngokuba uvukile njengokusho kwakhe; zanini nibone indawo lapho ebelele khona.”
  NgokukaMathewu 28:5-6UMsindisiUJesuukuvuka
• Kakho lapha, kepha uvukile; khumbulani ukukhuluma kwakhe kini eseseGalile, ethi: ‘INdodana yomuntu imelwe ukukhashelwa ezandleni zabantu abayizoni, ibethelwe, ivuke ngosuku lwesithathu.’
  NgokukaLuka 24:6-7UJesuukuvukaukubethelwa
• Makabongwe uNkulunkulu uYise weNkosi yethu uJesu Kristu owabuye wasizala kabusha ngokwesihawu sakhe esikhulu ukuba sibe nethemba eliphilileyo ngokuvuka kukaJesu Kristu kwabafileyo.
  1 kaPetru 1:3ngiyethembaukuvukaukuzalwa kabusha
• Kepha yathi kubo: “Ningethuki; nifuna uJesu waseNazaretha obebethelwe esiphambanweni; uvukile; kakho lapha; bhekani nansi indawo lapho bebembeke khona.”
  NgokukaMarku 16:6UJesuukuvukaukubethelwa
• Yena owathwala izono zethu emzimbeni wakhe emthini, ukuze kuthi sesifile ezonweni siphile ekulungeni, oyena imivimbo yakhe naphulukiswa ngayo.
  1 kaPetru 2:24isibiukulungaukuphulukisa
• Amhlubula, amembathisa ingubo ebomvu, aluka umqhele wameva, awufaka ekhanda lakhe, nomhlanga esandleni sakhe sokunene, aguqa ngamadolo phambi kwakhe, ambhinqa athi: “Bayede, nkosi yabaJuda!”
  NgokukaMathewu 27:28-29umhlatsheloinhlupheko
• Kwathi ukuba uJesu ewamukele uviniga, wathi: “Kufeziwe;” wagebisa ikhanda, wafa.
  NgokukaJohane 19:30UJesuUMoyaiwayini
• Bhekani, sikhuphukela eJerusalema; iNdodana yomuntu izakukhashelwa kubapristi abakhulu nababhali; bazakuyinqumela ukuba ife, bayikhaphele kwabezizwe ukuba iklolodelwe, ishaywe, ibethelwe esiphambanweni; kepha ngosuku lwesithathu izakuvuswa.
  NgokukaMathewu 20:18-19UJesuumhlatsheloukuvuka
• Izixuku ezazihamba phambili nezazimlandela zamemeza zathi:
  “Hosiyana kuyo iNdodana kaDavide!
  Ubusisiwe ozayo egameni leNkosi.
  Hosiyana kweliphezulu!”
  NgokukaMathewu 21:9UJesukhulekela
• UJesu wamemeza ngezwi elikhulu, wathi: “Baba, ezandleni zakho ngiyawubeka umoya wami.” Eseshilo lokho wafa.
  NgokukaLuka 23:46UJesuUBabaUMoya
• Sindisa, Jehova! ngiyakuncenga;
  hlahlamelisa, Jehova! ngiyakucela.
  Makabusiswe ozayo egameni likaJehova;
  siyanibusisa sisendlini kaJehova.
  AmaHubo 118:25-26isibusisoukunqobainsindiso
• Abeka ngaphezu kwekhanda lakhe icala lakhe libhalwe ngokuthi: LO NGUJESU, INKOSI YABAJUDA.
  NgokukaMathewu 27:37UJesuukubethelwa
• Aba, Baba, konke kungenzeka kuwe; ake ususe kimi lesi sitsha, kepha kungabi njengokuba ngithanda mina, kodwa njengokuba uthanda wena.
  NgokukaMarku 14:36UBabaUJesuumhlatshelo
• Khona wayesengena nomfundi omunye ofike kuqala ethuneni, wabona, wakholwa; ngokuba bebengakawuqondi umbhalo wokuthi ubefanele ukuvuka kwabafileyo.
  NgokukaJohane 20:8-9izimangalisoukuvukaukuqonda
• Thokoza kakhulu,
  ndodakazi yaseSiyoni;
  jabula nokujabula,
  ndodakazi yaseJerusalema;
  bheka, iNkosi yakho iza kuwe,
  ilungile, inensindiso,
  ithobekile, ikhwele imbongolo,
  ithole, inkonyane yembongolokazi.
  UZakariya 9:9isiprofethoukuthobekaukulunga
• Kepha uJesu wathi: “Baba, bathethelele, ngokuba abakwazi abakwenzayo.” Babelana izingubo zakhe, benzelana inkatho.
  NgokukaLuka 23:34ukubethelwaintethelelo