Amavesi EBhayibheli ngokulunga

«»

• Olandela ukulunga nomusa
  uyafumana ukuphila, nokulunga, nodumo.
  IzAga 21:21 uthando ukuphila
• Oyakuvuza yilowo nalowo ngokwemisebenzi yakhe.
  KwabaseRoma 2:6 umvuzo
• Kepha wena muntu kaNkulunkulu, balekela lezo zinto; jonga ukulunga, nokumesaba uNkulunkulu, nokukholwa, nothando, nokubekezela, nobumnene.
  1 kuThimothewu 6:11 inkolo uthando
• Ngokuba uJehova uthanda ukulunga,
  akabashiyi abangcwele bakhe;
  bayalondolozwa kuze kube phakade,
  kepha inzalo yababi iyachithwa.
  AmaHubo 37:28 ukuphila okungunaphakade thembekile ukwethembeka
• Ningaduki; uNkulunkulu akahlekwa. Ngokuba lokho akuhlwanyelayo umuntu, lokho wokuvuna.
  KwabaseGalathiya 6:7 UNkulunkulu isivuno
• Zonke izindlela zomuntu zilungile emehlweni akhe,
  kepha uJehova ulinganisa izinhliziyo.
  IzAga 21:2 ukwahlulela ukuqonda imicabango
• Kodwa funani kuqala umbuso kaNkulunkulu nokulunga kwakhe, khona konke lokhu kuyakwenezelwa nina.
  NgokukaMathewu 6:33 ukudla umbuso
• Ngokuba akayikugudluka kuze kube phakade;
  olungileyo uyakukhunjulwa kuze kube phakade.
  AmaHubo 112:6 ukuvikela
• Amehlo kaJehova akubo abalungileyo;
  izindlebe zakhe zikukho ukukhala kwabo.
  AmaHubo 34:15 ukulalela
• Ukwenza ukulunga nokwahlulela
  kukhethekile kuJehova kunemihlatshelo.
  IzAga 21:3 thembeka umhlatshelo
• Kepha noma nihlupheka ngenxa yokulunga, nibusisiwe. Ningesabi ukwesabisa kwabo, ningakhathazeki.
  1 kaPetru 3:14 inhlupheko uvalo
• Kepha masingakhathali ekwenzeni okuhle, ngokuba siyakuvuna ngesikhathi esifaneleyo, uma singadangali.
  KwabaseGalathiya 6:9 umvuzo ukubekezela isivuno
• Qaphelani ukuba kungabikho ophindisela omunye okubi ngokubi; kepha jongani njalo ukwenza okuhle, omunye komunye nakubo bonke.
  1 kwabaseThesalonika 5:15 ongenasici okubi
• Ongasazanga isono wamenza isono ngenxa yethu, ukuze kuyena senziwe sibe ngukulunga kukaNkulunkulu.
  2 kwabaseKorinte 5:21 isibi umlamuli
• Nikela indlela yakho esandleni sikaJehova, umethembe;
  yena uzakukwenza.
  Uzakuhlalukisa ukulunga kwakho njengokukhanya,
  nokufanele wena njengemini.
  AmaHubo 37:5-6 ukwethemba ukuphila inkazimulo
• Elokugcina, bazalwane, konke okuyiqiniso, konke okuhloniphekayo, konke okulungileyo, konke okumhlophe, konke okuthandekayo, konke okutusekayo, noma kukhona okuhle, noma kukhona okubongekayo, zindlani ngalokho.
  KwabaseFilipi 4:8 iqiniso imicabango indumiso
• Kepha isithelo sokulunga sihlwanyelwa ngokuthula kubo abakwenzayo ukuthula.
  EkaJakobe 3:18 ukuthula isivuno ukuthela
• Ngokuba umusa kaNkulunkulu wokusindisa ubonakalisiwe kubantu bonke; uyasifundisa ukuba sidele ukungakholwa nezinkanuko zezwe, sihambe ngokuqonda, nangokulunga, nangokumesaba uNkulunkulu kulesi sikhathi samanje.
  KuThithu 2:11-12 umusa insindiso umhlaba
• Ubusisiwe umuntu ongahambi ngeziluleko zababi,
  ongemi endleleni yezoni,
  ongahlali enkundleni yabaklolodayo.
  AmaHubo 1:1 isibi isibusiso
• Babusisiwe abalambele,
  bomele ukulunga,
  ngokuba bayakusuthiswa.
  NgokukaMathewu 5:6 isibusiso ukwamukela ukudla
• Ingcebo yobubi ayisizi lutho,
  kepha ukulunga kophula ekufeni.
  IzAga 10:2 thembeka imali
• Omubi uthola inzuzo yenkohliso,
  kepha ohlwanyela ukulunga unomvuzo oqinisekileyo.
  IzAga 11:18 isibi umvuzo
• Ngakho uma nenza okuhle kwabenza okuhle kini, ninakubongwa kuni na? Ngokuba nezoni zenza khona lokho.
  NgokukaLuka 6:33 umvuzo
• Asikho isikhali esenzelwa wena esiyakuphumelela,
  nalo lonke ulimi olukuvukelayo luyakwahlulelwa;
  lokhu kuyifa lezinceku zikaJehova
  nokulunga kwazo okuvela kimi, usho uJehova.
  U-Isaya 54:17 ukwahlulela ukuvikela izithombe ezibaziweyo
• Ngikufunile ngenhliziyo yami yonke;
  mangingaphambuki emiyalweni yakho.
  AmaHubo 119:10 umthetho inhliziyo